Jueces 16:10 - Bible in Tzotzil de Chamula

¹⁰ Xi albat yu'un ti Dalilae: —¡Laj xa alo'laun! ¡Laj xa ajutilanbun c'op ta j'ech'el! Avi tana une, avocoluc, albun ca'i c'u s'elan ta chuquelot.

Bible in Tzotzil de Chenalhó with Deuterocanon

¹⁰ Li Dalilae jech laj yalbe li Sansone: —¡Laj alo'laun; mu meleluc li c'usi laj avale! Avocoluc albun ta jamal c'u x'elan xu' chavich' chuquel —xut.

Jueces 16:10 Iomraidhean Croise

Nehemías 6:4

Chanib velta ti mu yanuc ti c'u s'elan ti smantal laj staun ta iq'uele, ti mu yanuc ti c'u s'elan laj jtac' sutel ti c'ope.

Proverbios 24:28

Mu xlic ajol ta sa'bel smul ti avinquileltaque, mi ja'uc xapas ti jech xa yilel ti ac'ope.

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

San Lucas 22:48

Xi laj yal ti Jesuse: —Judas, ¿mi xabuts'un xa yilel ta xavac'un batel ta c'abal ti vu'un co'ol j'elantique?

Jueces 16:11

Xi tac'bat yu'un ti Sansone: —Mi ta xischuquicun ta ach' ch'ojon ti mu'yuc to tunesbile, ta xch'ay ti yipal cu'une. Ta xic'ot jech c'u cha'al ti yan viniquetic ti mu'yuc c'usi xu' yu'unique.

Jueces 16:13

Ti Dalilae xi laj yalbe ti Sansone: —¡Laj alo'laun! ¡Laj ajutilanbun no'ox xtoc! ¡Albun ca'i c'u s'elan ta chuquelot! Xi laj stac' ti Sansone: —Ti c'usi sc'an ta xapase, ta xatsac ta yomel ta pech'el ta snaul jolobil ti vucyom stsotsil jole, ti ta xatsac lec ta chuquel ta pajob-te' ti pajal lec ta banomile. Ja' to jech ta xch'ay ti yipal cu'une. Ta xic'ot jech c'u cha'al ti yan viniquetic ti mu'yuc c'usi xu' yu'unique. Va'i un, ti Dalila une lic yac' vayuc ti Sansone. Lic scapbe ta yomel ta pech'el ta snaul jolobil ti vucyom stsotsil sjole.

Jueces 16:7

Xi tac'bat yu'un ti Sansone: —Mi ta xischuquicun ta vucbej (7) yaq'uil yolob ti yox toe, ta xch'ay ti yipal cu'une. Ta xic'ot jech c'u cha'al ti yan viniquetic ti mu'yuc c'usi xu' yu'unique.

Jueces 16:9

Jech ti stuc une scaj-nac'oj xa ono'ox ochel jun chibuc viniquetic ti ta yut na ti xi lic avanuque: —¡Sansón, q'uelo aba yu'un ti filisteoetique! Ja'uc ti Sansone, co'ol to s'elan jun c'aq'uemal balbil poc' laj ya'i ti laj stuch' ti xchucobile. Mi ja'uc laj sna'ic ti filisteoetic ti bu ta xlic talel ti mu albajuc ti yipal yu'une.