Jueces 15:7 - Bible in Tzotzil de Chamula

⁷ Va'i un, ti Sansone xi laj yale: —Ti ja' jech a'elanic le'e, ¡jamal ta xcalboxuc ava'iic ti mu xilubtsaje, ta to jpacbeic sutel ya'iic ti c'usi laj spasbeicune!

Bible in Tzotzil de Chenalhó with Deuterocanon

⁷ Li Sansone jech laj yal: —Ta sventa ti jech laj apasbicune, jamal chacalboxuc ta stojol Dios, mu'yuc ch-ech' co'nton o ti jech ta jpase, ja' to me laj apacbicun sutel ec li vo'oxuque —xut.

Jueces 15:7 Iomraidhean Croise

Romanos 12:19

Jchi'iltac, ma'uc aventaic ta spaquel sutel ti buch'u oy c'usi chopol ta spasboxuque. Ac'beic sventain ti Diose, yu'un ja' sbainoj ta stsitsel. Yu'un xi ta xal ti ch'ul c'ope: “Oy ta coc ta jc'ob ti chapanele, vu'un ta xcac'be stojol.”

Jueces 14:19

Ti jech taj une, ta jech yepal tal u'ninatuc yu'un xcuxlejal ti Diose. Bat ta Ascalón ti Sansone. Laj smil lajuneb xcha'vinic (30) ta vo' viniquetic ti bu taje. Ja' laj stojan o yil ta sventa ti t'unbat smelol ti tajimol lo'il ti c'u'iletic ti laj sloc'anbe talele. Ts'acal to un, capem xa sjol sut batel ta sna ti stote.

Jueces 14:4

Ti stot sme'e, mi ja'uc sna'ic ti ja' nopbil yu'un ti Dios ti jech ta xc'ot ta pasele, ti yacal ta sa'be sc'oplal ti c'u s'elan ta stsaqueic ta leto ti filisteoetique. Yu'un ti jech c'ac'al taje, ja' o ilbajinbilic ti israeletique.

Jueces 15:6

Jech ti filisteoetique lic st'unic buch'u laj spas ti va'i s'elan taje. Laj ya'iic ti laj spac sutel xq'uex ti Sansón ta stojol ti smuni' ti nacal ta Timnate, ta scoj ti pojbat ti yajnil ti laj yac'be ech'el ta yoc ta sc'ob ti buch'u lec xil sba xchi'uque. Jech o xal un, bat xchiq'uic ti antse xchi'uc ti stote.

Jueces 15:8

Ta sc'ac'al xa yo'nton ta j'ech'el, lic stsacan ta milel, ti lilijem com yu'un ti sjol sbaquilique. Laj taj une, bat snac' sba ta naclej ta nail ch'en ti oy ta lican ch'entic yu'un ti Etame.