Jueces 15:6 - Bible in Tzotzil de Chamula

⁶ Jech ti filisteoetique lic st'unic buch'u laj spas ti va'i s'elan taje. Laj ya'iic ti laj spac sutel xq'uex ti Sansón ta stojol ti smuni' ti nacal ta Timnate, ta scoj ti pojbat ti yajnil ti laj yac'be ech'el ta yoc ta sc'ob ti buch'u lec xil sba xchi'uque. Jech o xal un, bat xchiq'uic ti antse xchi'uc ti stote.

Bible in Tzotzil de Chenalhó with Deuterocanon

⁶ Li filistaetique lic sa'ilanic boch'o ti jech la spase. C'alal it'un yu'unic ti ja' la spas jech li Sansón ta sventa la spac ti i'ac'bat ta yan vinic yajnil yu'un li smuni'e, ja' li timnat vinique, jech bat xchiq'uic li antse xchi'uc li stote.

Jueces 15:6 Iomraidhean Croise

Proverbios 22:8

Ti ta xchanubtasvan ta yaq'uel iluc ti chopole, ja' jech ta xich' ec; ta scapemal ta soquemal yo'nton Dios, j'ech'el ta xtubbat sc'oplal.

1 Tesalonicenses 4:6

Mu me junuc oy buch'u yochel ta soquesel ta syanijesbel smelol ti va'i yelanil ti c'op ta yac'bel svocol ti xchi'ile. Yu'un ti buch'u jech ta spase, ta x'ac'bat tsots tsitsel yu'un ti Dios jech c'u cha'al calojboxuc ava'iique.

Jueces 12:1

Ti viniquetic snitilultac ti Efraine laj stsob sbaic. Laj xtuch'ic jelavel ti uc'um Jordán ta stuq'uil Zafone, ti xi laj yalbeic ya'i ti Jeftee: —¿C'u cha'al laj apas aba ta mantal atuc, ti bat atsac ta leto ti amonitaetique, ti mu'yuc xavalbuncutic ti jmoj ta xijbate? ¡Avi tana une, ta jchic'cutic ti anae, bajal ta xac'ac' ta yut ec!

Jueces 14:15

Ta xchanibal c'ac'al un, xi laj yalbeic yajnil ti Sansone: —Lo'labo yo'nton yo' jech ta sjam ye ta sjambel smelol ti tajimol lo'il ti ta jt'uncutic yu'un ti amalale. Ti mi mu jechuque, ta xajchic'otcutic ta c'oc', xchi'uc scotol ti c'u yepal oy ta sna ti atote. ¡Yu'un ti vo'oxuc yilele, ta xvinaj ti laj avic'uncutic talel li'e yo' jech ta xapojbuncutic batel ti c'usi oy cu'uncutique!

Jueces 15:5

Laj taj une, lic stsanbe sc'ac'al ti c'usi lec xtil yu'un ti c'oq'ue. Xtilte tilte xa batel sc'ac'al sne ti vetetic ti laj scolta batel ta yosilal sts'unubic ti filisteoetique. Ti jech taj une, c'ot ta pasel yu'un ti laj c'ac'uc ti tsobbil trigo ti busajtique, xchi'uc ti tec'ajtic toe. Laj c'ac'uc ti yaq'uil uvaetique xchi'uc ti olivo te'etique.

Jueces 15:7

Va'i un, ti Sansone xi laj yale: —Ti ja' jech a'elanic le'e, ¡jamal ta xcalboxuc ava'iic ti mu xilubtsaje, ta to jpacbeic sutel ya'iic ti c'usi laj spasbeicune!