Jueces 15:5 - Bible in Tzotzil de Chamula

⁵ Laj taj une, lic stsanbe sc'ac'al ti c'usi lec xtil yu'un ti c'oq'ue. Xtilte tilte xa batel sc'ac'al sne ti vetetic ti laj scolta batel ta yosilal sts'unubic ti filisteoetique. Ti jech taj une, c'ot ta pasel yu'un ti laj c'ac'uc ti tsobbil trigo ti busajtique, xchi'uc ti tec'ajtic toe. Laj c'ac'uc ti yaq'uil uvaetique xchi'uc ti olivo te'etique.

Bible in Tzotzil de Chenalhó with Deuterocanon

⁵ Lic stsan li tojetique; la stij batel ta trigoaltic yu'un filistaetic, jech ic'ac' scotol li strigoic ti bu jmoj xa tsopajtic yu'unique xchi'uc ti tec'ajtic toe. Ic'ac' c'alal ta ts'usubtic xchi'uc c'alal ta oliva te'etic yu'unic.

Jueces 15:5 Iomraidhean Croise

2 Samuel 14:30

Va'i un, ti Absalone xi laj yalbe mantal ti smosovtaque: —A'yio ava'iic, yosilal sts'unub ti Joabe, nopol oy xchi'uc ti cu'un ti sts'unojbe jchop o ta trigoe. ¡Ba pajbeic sc'ac'al ya'i! Smosovtac ti Absalone batic, ba spajbeic sc'ac'al sts'unubal ti Joabe.

Éxodo 22:6

“Mi oy buch'u ta stsan c'oc' ti ta xcol batel yu'un ta ch'ixtique, ti ta xc'ac' yu'un ti trigo ti tsobbil xae, mi ja' ti yorail xa ta xich' tuch'ele, ti laj scotole, mi ch'abal xa com ti sts'unubal yu'une, ti buch'u jech laj spas taje, tsots sc'oplal ta stoj scotol ti c'u yepal laj spas yabtel ti c'oq'ue.

Éxodo 23:11

Ti ta yucubal (7) jabil une, xi s'elan ta xc'ot ta pasel ti mu'yuc xa ta xavabtelane: Ac'o xcux ti banomile yo' jech ti buch'utic abol sbaic ti oy ta alumale ta stsob slajesic ti c'usitic ta xcom teye, xchi'uc ta slajesic ec ti te'tical chon bolometic ti c'usitic ta staic teye. Ja' jech xapas xtoc xchi'uc ti banomil ti ja' yavil ats'unubal uvae xchi'uc ti olivoe.

Jueces 15:4

Va'i un, loc' batel, bat stsac vo'lajunvinic (300) ta cot vet. Ta cha'cha'cot laj snupanbe ta chucbel ti sba sni' snetaque. Ti cha'cha'cot ta jujune, laj xchucanbe ta yolon sne ti c'usi lec xtil yu'un ti c'oq'ue.

Jueces 15:6

Jech ti filisteoetique lic st'unic buch'u laj spas ti va'i s'elan taje. Laj ya'iic ti laj spac sutel xq'uex ti Sansón ta stojol ti smuni' ti nacal ta Timnate, ta scoj ti pojbat ti yajnil ti laj yac'be ech'el ta yoc ta sc'ob ti buch'u lec xil sba xchi'uque. Jech o xal un, bat xchiq'uic ti antse xchi'uc ti stote.