Jueces 15:11 - Bible in Tzotzil de Chamula

¹¹ C'alal laj ya'iic snitilultac ti Judá ti va'i s'elan taje, laj stsob sbaic oxmil (3,000) ta vo' viniquetic. Batic c'alal to nail ch'en ti oy ta lican ch'entic yu'un Etame, ti xi c'ot yalbeic ti Sansone: —¿Mi mu xana' ti ja' ech'em to xu' yu'unic ti filisteoetique, ti ja' mu sta ti vo'otique? ¿C'u cha'al ya'yel ta xavac'otic ta vocol? Xi tac'batic yu'un ti Sansone: —C'ajomal no'ox ta jpacbeic sutel ya'iic jech c'u cha'al laj spasbeicune.

Bible in Tzotzil de Chenalhó with Deuterocanon

¹¹ C'alal laj ya'yique, ibat oxmil (3,000) viniquetic te ta nailch'en ta Etam yo' bu oy li Sansone, ja' li boch'otic liquemic ta Judae, jech c'ot yalbeic: —¿C'u yu'un ti laj asa'butic jvocoltique? ¿Me mu xana' ti ja' toj ech'em xaq'uic li filistaetique? —xutic. Itac'ov li Sansone: —Ja' la jpacbeic ec jech chac c'u cha'al la spasbicune —xi.

Jueces 15:11 Iomraidhean Croise

1 Crónicas 4:3

Xnich'nabtac ti Hure, ja' ti Etane, ti Jezreele, ti Ismae, ti Idbase, ti Penuel totil yu'un ti Gedore, xchi'uc ti Ezer totil yu'un ti Husae. Taje, oy jun xchi'ilic ta voq'uel ti Haslelponi sbie.

Levítico 26:25

Ta xc'ot ta pasel cu'un ti ta xcac'oxuc ta milel ta junuc espada, spacol sutel ti mu xc'ot ta pasel avu'unic ti jtratee. Xabitetic batel ta anil, xba anac' abaic ta ateclumalic. Ja' no'ox un, ta xcac' taluc chameletic. Ta xa'ochic ta c'abal yu'un ti avajcontraique.

Deuteronomio 28:13

Yu'un cajal ac'oplal ta xac'ot yu'un ti Dios avu'une. Mi ja'uc ma' ti yamal xa no'ox avuni c'oplal ta xa'ilee. Yu'un ta j'ech'el cajal ac'oplal ta xc'ot ta stojol ti yane. Yu'un ta j'ech'el ma'uc ma' ti jutuc no'ox avuni c'oplal ta xa'ilee. Ja' no'ox venta mi ta xatuc'ulan ta spasel ta yabtelanel smantaltac ti Ajvalil Dios avu'une ti laj calbot ava'i li'e, ti tsots sc'oplal ta xaliques ta yabtelanele.

Deuteronomio 28:43

Ja'uc ti jyanlumetic ti nacalic ta alumalique, yantic stsac yipic ti xjelav to xu' yu'unic ta j'ech'ele. Ja'uc ti vo'ote, yantic tsalbil ta xac'ot.

Jueces 13:1

Ja'uc ti israeletic une lic xcha'pasic chopol ta sba ta sat ti Diose. X'ech' cha'vinic (40) jabil sjalil aq'ueic comel ta yoc ta sc'ob filisteoetic yu'un Dios ti israeletique.

Jueces 14:4

Ti stot sme'e, mi ja'uc sna'ic ti ja' nopbil yu'un ti Dios ti jech ta xc'ot ta pasele, ti yacal ta sa'be sc'oplal ti c'u s'elan ta stsaqueic ta leto ti filisteoetique. Yu'un ti jech c'ac'al taje, ja' o ilbajinbilic ti israeletique.

Jueces 15:10

Ti jnaclejetic ta Judae xi bat sjac'beique: —¿C'u cha'al ti tal atsacuncutic ta letoe? Ti stuquique xi laj staq'uique: —Ja' tal jtsaccutic ti Sansone yo' jech ta stoj ti c'usi laj spasbuncutique.

Jueces 15:12

Ja'uc ti stuquique xi laj yalbeique: —Ti vu'uncutique tal jtsacotcutic batel yo' jech ta xacac'otcutic batel ta yoc ta sc'ob ti filisteoetique. Ti Sansone xi laj staq'ue: —Ac'o ave ati'ic ti mu xamilicune.