Jueces 14:3 - Bible in Tzotzil de Chamula

³ Xi albat yu'un ti stot sme'e: —¿C'u cha'al chbat asa' talel avajnil ta stojol ti filisteoetic ti yan ti c'usi ta snijan xchiman sbaic ta yich'el ta muq'ue? ¿Mi yu'un mu'yuc xa antsetic ta stojol ti cuts' calaltique, xchi'uc ta stojol scotol ti israeletique? Xi laj stac' ti Sansone: —Yu'un ti tsebe, ja' snup jch'ulel canima ti ta jc'an ti c'otuc ta pasel avu'unic ti ta xba ajac'beicun talele.

Bible in Tzotzil de Chenalhó with Deuterocanon

³ Itac'ovic li stot sme'e: —¿C'u yu'un ja' chbat avic'be tal stseb filistaetic ti mu'yuc yich'ojic circuncisione? ¿Me yu'un mu'yuc stseb cuts' calaltic li' no'ox, xchi'uc me yu'un mu'yuc stseb jchi'iltactic li' ta sjunul jlumaltic? —xut. Itac'ov li Sansone: —Yu'un ja' toj lec chquil li tseb le'e, ja' ta jc'an chquic' —xi.

Jueces 14:3 Iomraidhean Croise

Génesis 13:8

Ja' yu'un un, ti Abrame oy bu jun c'ac'al xi laj yalbe ti Lote: “Ti vo'ote, cuts' calal jbatic. Mu lecuc ti ta xcutan jbatic. Mi ja'uc ti ta xut sbaic ti jq'uel-chon-bolometic cu'untique.

Génesis 21:27

Va'i un, ti Abrahame laj stsac talel chij xchi'uc vacax. Laj yac'be yich' ti Abimeleque. Ti jech c'ac'al taj une, laj spasic jun trate ti xchibalique.

Génesis 34:14

Ja' yu'un un, xi laj yalique: —Mu xu' ta xcac'becutic yic' quixlelcutic jun vinic ti mu'yuc yich'oj ti circuncisione. Yu'un mi jeche, toj q'uexlal sba ta xca'icutic.

2 Samuel 1:20

Mu me xvinaj batel sc'oplal avu'unic c'alal to ta jteclum Gat, mi ja'uc xalo'iltaic ech'el sc'oplal ta scalleal Ascalone, yo' jech mu xmuyubajicuc xa ti filistea antsetique, mi ja'uc ti xbitic xa ta muyubajel ti jeche' antsetic taje.

Josué 23:12

Yu'un xi s'elan ta xcac' ana'ique: Yu'un mi ta xlic ach'ac abaic ta stojol ti Diose, mi ta xaco'oltas ajolic xchi'uc ti jnaclejetic ti li' oy ta atojolique, mi ta xlic nupian ts'aclianic xchi'uquique.

Jueces 14:2

C'alal sut talel ta snae, xi vul yalbe ya'i ti stot sme'e: —Avocolicuc, ta jc'an xachapanbeicun scotol ti c'usitic ta xtune yo' jech ta xinupi ta xits'aqui xchi'uc jun filistea ants ti c'ot ta jsat ta Timnate.

Jueces 15:18

Ja'uc ti Sansone mu xa x'ech' ta xa'i ti taqui ti'ile, ti xi lic yavta ti Diose: “Altic no'ox ya'yel ma' ti mu albajuc lic'ot ta jtsalvanej avu'une, ti li' aq'ueloj avi tana une ti ta xicham ta taqui ti'ile, ti ta xi'och ta yoc ta sc'ob ti jcontrainvanejetique.”

1 Samuel 14:6

Ti Jonatane xi laj yalbe ti yajcoltaobbae: —Sujo aba, jelavcutic ech'el ta jot uc'um c'alal to bu vololic ti xnich'nab pucuje. Stac' nan oy c'usi lec ta spas ti Dios ta jtojoltique. Ti stuque mu ta vocoluc ta spas ta xijc'ot ta jtsalvanej yu'un mi ta yepal, mi ta jutuc no'ox ti jvinictique.

1 Samuel 17:26

Va'i un, ti Davide xi laj sjac'be ti buch'u nopol ta sts'ele: —¿C'usi ta x'ac'bat ti buch'u ta smil ti vinic le'e ti ch'ab xi sc'oplal yu'un ti xvulvun ta svulel ti Israele? ¿Bu loc' talel ya'yel ti pucujil filisteo vinic le'e, ti cajal ye ta svulilanel ti yajsoldadotac ti cuxul Diose?

1 Samuel 17:36

C'usiuc no'ox, mi león, mi oso, ti avajtunel li'e, Jcuch Abtel, ta smil. Ja'uc ti pucujil filisteo vinic le'e, ja' no'ox jech ta xc'ot ta stojol, yu'un cajal ye xa'i sba ta stsaquel ta c'op ti yajsoldadotac ti cuxul Diose.

1 Samuel 31:4

Ja'uc le' une, xi laj yalbe ti yajcuch-abtejebale: —Nito loq'uel ti avabtejebe. Ts'apbun xch'a yo' jech mu ta xc'ot ta pasel ti ma'uc ta smilicun ti jeche' viniquetic no'oxe, mi ta xislabanicun ta ilbajinele. Mi ja'uc oy xa bu laj spas ti yajcuch-abtejebale, yu'un batem xa xch'ulel ta xi'el ec. Va'i un, ti Saule laj snit loq'uel ti yabtejebe, lic sts'apbe sba stuc.