Jueces 13:6 - Bible in Tzotzil de Chamula

⁶ Ti antse xi laj yal ti c'alal bat chapbe ya'i ti smalale: “Ti bu oyune, tal jun svinic Dios, ti ch'ayal c'ot co'nton yu'un ta j'ech'ele. Yu'un co'ol s'elan yaj'ánjel ti Dios stuque. Mu ja'uc laj jac'be ti buch'ue, mi ja'uc ti stuc laj yalbune.

Bible in Tzotzil de Chenalhó with Deuterocanon

⁶ Li antse ital yalbe smalal scotol li c'usi i'albate, jech laj yalbe: “Oy jun vinic liquem tal ta stojol Dios i'ay sc'opanun, pero xco'laj xchi'uc jun j'almantal yu'un Muc'ul Dios ti lec ich'bil ta muq'ue. Mu'yuc la jac'be boch'o, bu liquem tal, xchi'uc mu'yuc laj yalbun c'usi sbi ec.

Jueces 13:6 Iomraidhean Croise

Génesis 18:2

Ti Abrahame laj stoy batel sat, ja' to laj yil tey xa va'ajtic talel oxib viniquetic. Ti jech laj yile, va'i batel ta anil ta snupel ta be, ti snupilan xa banomil laj spatan sba ta lume.

Génesis 32:29

Xi laj sjac' ti Jacobe: —Albun ca'i, ¿c'usi abi ec un? Ti vinic une xi laj staq'ue: —¿C'u cha'al ta xajac'bun c'usi ti jbie? Va'i un, ti vinique laj yac'be comel yich' slequilal Dios ti bu oy taje.

1 Reyes 17:18

Va'i un, ti me'unal antse xi laj yalbe ti Eliase: —Xnich'on Dios, ¿c'u cha'al tal avoch'un ta c'op? ¿Mi yu'un tal avulesbun ta jol ti jmule, ti ta xcham avu'un ti cole?

1 Reyes 17:24

Xi tac'bat yu'un ti antse: —Avi tana une, ta jna' ti ja' jun xch'ul nich'onot ti Diose. Ti c'usi ta xavale, yu'un ja' jech ta xal ti Dios ta melel cac'tique.

2 Reyes 4:16

Va'i un, ti Eliseoe xi laj yalbe ya'ie: —Ti jabil ta xtale, jech c'u cha'al li'e, apetoj xa ox avol un. Ti stuque xi laj staq'ue: —¡Mi ja'uc un, yojtot! Ti jun yajtunel Diose, mu stac' ta slo'la ti me' jtunel yu'une.

2 Reyes 4:9

Va'i un, xi laj yalbe ya'i ti smalale: —Tac'avan, jna' lec ti vinic li' ti ta x'ech' svu'lanotic jujucoje, ja' jun ch'ul j'alc'op yu'un Dios.

Éxodo 3:2

Ti bu taje, laj yac' sba iluc jun yaj'ánjel ti Dios ta jpets ch'ix te' ti volol ta o'lol leb c'oc' yilele. Jech ti Moisese laj stuc'ulan lec. Laj yil ti natic no'ox sleb c'oc' ta xtil ta ch'ix te'e. Ja' no'ox un, mu'yuc ta xc'ac'.

Éxodo 3:6

Xi to laj yal xtoque: —Diosun yu'un ti amolmuc'totaque. Diosun yu'un ti Abrahame, ti Isaaque, ti Jacobe. Ti Moisese laj smac sat, yu'un xi' ti ta sq'uelbe sba satic xchi'uc ti Diose.

Daniel 10:11

Va'i un, xi lic yalbune: “Daniel, ti c'uxubinbilot yu'un ti Diose, a'yio ava'i lec ti xi ta xcalbote: Lican, va'lan, yu'un tacbilun talel ta aventa.” C'alal laj yo'nton ta yalel comel ti lo'il yich'oj talele, jech ti vu'une xinicnun lic va'icun.

Daniel 10:5

Ta jech to yepal, laj jtoy batel jsat. Laj quil jun vinic ti lequil saquil poc' ti sc'u' slapoje. Meltsanbil ta bats'i oro ti xchuque.

Daniel 8:17

Jech ti stuque nopaj talel ta jtojol. Toj xi'el lic'ot yu'un. Tey jnupilan xa banomil laj jquejan jba ta stojol. Ja' no'ox un, ti stuque xi laj yalbune: “Ti vo'ote, jtunel, ti jech jam aba asat ti c'usi laj avile, mu me xch'ay xava'i, yu'un me jech ta xc'ot ta pasel ti ta slajeb c'ac'ale.”

San Lucas 1:19

Ti anjele xi laj staq'ue: —Vu'un Gabrielun, yajtunelun ti Diose. Ja' laj stacun talel yo' tal calbot ava'i ti lequil a'yeje.

San Lucas 9:29

C'alal yacal ta c'opojel ti'inele, lic yanijuc ti sate, ti sc'u'e toj sac icom, lic xojobanuc.

Hechos 6:15

Ti jchapanvanejetique xchi'uc ti c'u yepal stsoboj sbaic ta chotleje, c'alal laj sq'uelbeic batel sat ti Estebane, co'ol s'elan sat jun ánjel laj yilic.

Deuteronomio 33:1

C'alal mu to ta xcham ti Moisese, ti ja' jun yajtunel Diose, laj yac'be yich' slequilal Dios ti israeletique,

1 Timoteo 6:11

Ti vo'ot yajtunelot ti Diose, q'uejo me aba ta stojol scotol taje. Oyuc yutsil stuq'uil ti c'usi ta xapase. Ja' paso ti c'usi ta sc'an ti Diose, ti c'otemuc o ta avo'nton ta xch'unel ti Cajvaltique, ti oyuc syail xc'uxul avo'ntone. ti oyuc yipal avu'unic c'alal oy ti vocole, ti biq'uit avac'oj abae.

Josué 14:6

Ti snitilultac ti Judae batic c'alal ta Gilgal yo' ta sc'oponic ti Josuee, xchi'uc ti Caleb ti quenezitae, xnich'on ti Jefone, ti xi laj yalbeic ti Josuee: “Vuleso ta avo'nton ti c'u s'elan lij'albat jc'oplaltic ta Cades-barneae, ti laj yal ti Dios ta stojol ti Moisés ti ja' yajtunele.

Apocalipsis 1:17

C'alal jech laj quile, co'ol s'elan chamem liyal ta lum ta sts'el yoc. Ja'uc ti stuque laj scajan talel sbats'i c'ob ta jtojol ti xi laj yalbune: —Mu xaxi', yu'un vu'unun ti sliqueb spajebe.

Jueces 13:10

Bat ta anil ti ants ti xi laj yalbe ya'ie: —¿Mi laj ava'i? ti vinic ti laj quil ta yan c'ac'ale, laj xa quil no'ox xtoc.

Jueces 13:22

Xi laj yalbe ti yajnile: —Ta jbel sc'oplal ta xijchamotic ma' li' une, yu'un laj quiltic ti Diose.

Jueces 13:3

Ja'uc ti yaj'ánjel Diose xi laj yalbe ti c'alal laj yac' sba iluc ta stojole: “Ti vo'ote mu'yuc aviloj o alajel ta j'ech'el. Avi tana li' une, ta xlic achi'in avol, ti ja' jun querem ta xavile.

Jueces 13:7

Ti c'usi no'ox laj yalbune, ta la xlic jchi'in col, ti li' la ta xlic batel avi tanae, ti mu'yuc ta xcuch' ti vinoe, ti c'usi pasem ta j'ech'ele, ti ve'lil ti albil sc'oplal ti mu stac' lajesele. Yu'un ti olol ti c'alal mu to la ta xvoq'ue, t'ujbil xa la ta yajtunel Dios ti stalel o la ti nazareo xcham xlaje.”

Jueces 13:8

Va'i un, ti Manoae xi laj yal ti c'alal laj sta ta c'oponel ti Diose: “Avocoluc, Ch'ul Dios, abolajan, tacbun talel yan velta ta jtojolcutic ti vinic taje yo' jech ta xiyalbuncutic c'usi sc'an pasel ta stojol ti olol ti c'alal ta xvoq'ue.”

Jueces 6:11

Va'i un, vul ta loq'uel yaj'ánjel ti Diose. Vul chotluc ta yolon tulan ti oy ta Ofrae, yu'un ti Joás snitilul ti Abiezere. Ja'uc ti Gedeone, xnich'on ti Joase, ta nac'al ta sjic'a strigo ta yavil ti bu ta xich' pits'el ti uva sventa ti vinoe, yo' jech mu x'ile yu'un ti madianitaetique.

1 Samuel 2:27

Ti jech yorail ta vo'ne taje, ja' o c'ot vu'lanatuc yu'un jun j'alc'op ti Elie, ti xi albate: “Ti Diose xi xcholet ta xal ta jamale: ‘C'alal oyic to ox ta Egipto ti ta xac' sbaic ta tunel ta stojol ti faraón ti amolmuc'totique, laj cac' jba iluc ta stojolic.

1 Samuel 9:6

Ti mosovile xi laj staq'ue: —Ti li' ta jteclume, oy jun j'alc'op ti scotolic yich'ojic ta muq'ue. Yu'un scotol ti c'usi ta xale, mu stselbuj ta j'ech'el. Batic ti bu oye. Xu' nan xistojobtasotic ti bu beal ta jtamtic batele.