Jueces 13:5 - Bible in Tzotzil de Chamula

⁵ Yu'un oy sc'oplal ti jun aquerem ta xa'ac'bate, ti mu'yuc ta xich' loc'bel ti stsotsil sjole. Yu'un ti querem taje, ti c'alal mu to ta xvoq'ue, t'ujbil xa ta yajtunel ti Diose, ti ja' jun nazareo ta xc'ote yo' jech ta xlic sva'an sba ta spojel ti israeletic ti ilbajinbilic yu'un ti filisteoetique.”

Bible in Tzotzil de Chenalhó with Deuterocanon

⁵ Yu'un chavoq'ues jun querem, pero mu me xaloc'be sjol, yu'un ja' voc'bil yu'un Dios sventa yabtel., Ja' t'ujbil c'alal mu'yuc to'ox chvoc' sventa chlic scolta loq'uel ta sc'ob filistaetic li achi'iltac ta israelale”, x'utat.

Jueces 13:5 Iomraidhean Croise

2 Samuel 8:1

Laj taj une, ti Davide tsalbil c'ot yu'un ti filisteoetique, ti mu'yuc xa c'usi xut spoj sbaique. Tubbat ti smucul stsacalic ti xu' yu'unic ta spojel sbaic yu'un ti yoc sc'obique.

1 Crónicas 18:1

Ts'acal to un, ti David une laj stsal ti filisteoetique, ti mu'yuc xa c'usi xut sbaic c'ot yu'une, ti sq'uelic xa no'ox pojbat ta yoc ta sc'obic ti jteclum Gate, xchi'uc ti bic'tal jteclumetic ti c'u yepal joyol ta spat ta xocone.

Amós 2:11

Le'e, israeletic, mi ja'uc stac' ti macal ave ta xcom yu'un ti oy li' loc' ta atojolic ti c'otic cu'un ta j'alc'opetique, xchi'uc yan ti t'ujbil c'otic ta nazareoetic cu'une. Ti vu'un Diosune, mu me lo'iluc no'ox ta xcal.

Números 6:5

Ja' jech xtoc mi ja'uc xu' ta sloc' ti sjole. Yu'un c'ajomal no'ox ta sts'ites ta ch'iel ja' to ti c'uxi sta sc'ac'alil ti yac'oj ye sti' xchi'uc ti sc'ope. Yu'un xch'acoj sba ta sventa jtunel yu'un ti Diose.

San Lucas 1:15

Yu'un cajal ta xc'ot sc'oplal ti anich'on ta stojol ti Diose. C'alal mu'yuc to ta xvoq'ue, ventainbil ono'ox yu'un ti Ch'ul Espiritue. Mu stac' xuch' ti vinoe, mi ja'uc ti poxe.

Jueces 16:17

Va'i un, c'ot ta pasel ti lic sjam ye sti' ti xi laj yalbe ya'i ti Dalila ti c'usi mucul to ox yu'une: —Mu'yuc buch'u sloc'oj ta j'ech'el ti stsotsil jole. Yu'un ti c'alal mu'yuc to ox ta xivoq'ue, t'ujbilun ono'ox yu'un ti Dios ti oy sc'oplal nazareoune. Ti mi ta xc'ot ta pasel ti ta sloc'beicun ti stsotsil jole, ta xch'ay ti yipal cu'une. Ta xic'ot jech c'u cha'al ti yan viniquetic ti mu'yuc c'usi xu' yu'unique.

1 Samuel 1:11

Xi laj yac' ti strate ta yalbele: “Ti scotol xu' avu'une, Dios, ti tauc la xava'an aba ta yet'esbel svocol ti avajtunel li'e, ti vuluc to la ta avo'nton ta yac'belun junuc jquereme, ta xcac'bot ta avajtunel ti c'u sjalil ti xch'iel sc'opojele. Ti svinajeb ta xc'ot ta avajtunele, mu'yuc ta xich' loc'bel ti sjole.”

1 Samuel 7:13

Tsalbil c'otic ta j'ech'el ti filisteoetique. Mi ja'uc xa oy bu lic snet'ic ta spojel yosil ti israeletique. Ti jech cuxul ti Samuele, contrainbilic o yu'un Dios ti filisteoetique.