Jueces 13:3 - Bible in Tzotzil de Chamula

³ Ja'uc ti yaj'ánjel Diose xi laj yalbe ti c'alal laj yac' sba iluc ta stojole: “Ti vo'ote mu'yuc aviloj o alajel ta j'ech'el. Avi tana li' une, ta xlic achi'in avol, ti ja' jun querem ta xavile.

Bible in Tzotzil de Chenalhó with Deuterocanon

³ Li antse ital c'opanatuc yu'un yaj'almantal Muc'ul Dios, jech i'albat: “Vo'ote mu ono'ox xana' xa'alaj. Pero ta xlic achi'in avol; chavoq'ues jun querem.

Jueces 13:3 Iomraidhean Croise

Génesis 17:16

Ta jts'uiltas, ta xcac'bot jun aquerem ta sventa ti antse. Melel, ta jts'uiltas. Yu'un ti antse, ta xc'ot ta me'il yu'un ti epal muc'tiquil lume, yu'un naca ajvaliletic yu'un jteclumetic ta xbat ti snitilultaque.

Génesis 18:10

Oy jun yu'unic xi laj yale: —Ta xtal jvu'lanot li' c'alal junabie. Ti jech ora taje, ta sta jun squerem ol ti avajnil Sarae. Jech ti Sarae ts'etel xchiquin ta xa'i ta ochebal yut sna ti va'i s'elan ta xlo'ilajic ti Abraham xchi'uc ti jvu'laletique.

Génesis 18:14

¿Mi yu'un la oy c'usi tsots ta xa'i ti mu xc'ot ta pasel yu'un ti Diose? Ta x'ech' jvu'lanot li' ta yan jabile. Va'i un, ti Sarae ta sta jun squerem ol.

2 Reyes 4:16

Va'i un, ti Eliseoe xi laj yalbe ya'ie: —Ti jabil ta xtale, jech c'u cha'al li'e, apetoj xa ox avol un. Ti stuque xi laj staq'ue: —¡Mi ja'uc un, yojtot! Ti jun yajtunel Diose, mu stac' ta slo'la ti me' jtunel yu'une.

San Lucas 1:11

Ti Zacariase ja' o laj yil va'al jun yaj'ánjel Dios ta xocon altar ta xchic'obil pom ti oy ta stuq'uil bats'i c'obe.

San Lucas 1:13

Ti anjele xi laj yale: —Zacarías, mu xaxi', ti Diose laj xa ya'i ti ac'opojel ati'inele. Ti avajnil Isabele ta xlic xchi'in yol. Juan, ta xavac'be sbiin.

Jueces 13:10

Bat ta anil ti ants ti xi laj yalbe ya'ie: —¿Mi laj ava'i? ti vinic ti laj quil ta yan c'ac'ale, laj xa quil no'ox xtoc.

Jueces 13:15

Va'i un, ti Manoae xi laj yalbe ti yaj'ánjel Diose: —Yojtot, ta to xajpajesot uni jliqueluc. Ta xlic jchapan jcotuc uni tentsun jlajestic. Ti jech laj yal ti Manoa ti va'i s'elan taje, yu'un mi ja'uc jutebuc sna' ti buch'u taje, ti ja' yaj'ánjel ti Diose. Ti yaj'ánjel Diose xi laj stac'be ti Manoae: —Ac'o mi ta xapajesun uni jliqueluc, yu'un mu ono'ox jlajes ma' ti avot ta xavac'bune. Ti mi oy ta avo'nton ta xavac' matanale, ac'bo ti Diose.

Jueces 13:6

Ti antse xi laj yal ti c'alal bat chapbe ya'i ti smalale: “Ti bu oyune, tal jun svinic Dios, ti ch'ayal c'ot co'nton yu'un ta j'ech'ele. Yu'un co'ol s'elan yaj'ánjel ti Dios stuque. Mu ja'uc laj jac'be ti buch'ue, mi ja'uc ti stuc laj yalbune.

Jueces 13:8

Va'i un, ti Manoae xi laj yal ti c'alal laj sta ta c'oponel ti Diose: “Avocoluc, Ch'ul Dios, abolajan, tacbun talel yan velta ta jtojolcutic ti vinic taje yo' jech ta xiyalbuncutic c'usi sc'an pasel ta stojol ti olol ti c'alal ta xvoq'ue.”

Jueces 2:1

Ti yaj'ánjel Diose loc' batel ta Gilgal, bat ta Boquim, ti xi laj yalbe ya'iic ti israeletique: “Laj jloq'uesoxuc talel ta Egipto. Laj quic'oxuc talel ta banomil li'e, ti calojbe ono'ox ya'iic sc'oplal ti amolmuc'totic ti xichie: ‘Mu xch'ay ta be cu'un ti jtrate ti laj cac' ta atojolique.

Jueces 6:14

Q'uelat batel yu'un ti yaj'ánjel Diose, ti xi albate: —Tuneso ti yipal ti oy avu'une yo' jech ta xapoj ti israeletic ti oy ta yoc ta sc'ob ti madianitaetique. Yu'un vu'un ta jtacot batel.

1 Samuel 1:20

Ti Anae lic xchi'in ti yole. C'alal sta yoraile, voc' jun squerem ti laj yac'be sbiin Samuel, ja' ti laj sc'anbe ti Diose.