Jueces 13:1 - Bible in Tzotzil de Chamula

¹ Ja'uc ti israeletic une lic xcha'pasic chopol ta sba ta sat ti Diose. X'ech' cha'vinic (40) jabil sjalil aq'ueic comel ta yoc ta sc'ob filisteoetic yu'un Dios ti israeletique.

Bible in Tzotzil de Chenalhó with Deuterocanon

¹ Li israeletique lic spasic c'usi chopol yan velta ta stojol li Muc'ul Diose. Ja' yu'un li Muc'ul Diose laj yac' ochicuc ta sc'ob filistaetic cha'vinic (40) jabil.

Jueces 13:1 Iomraidhean Croise

Jeremías 13:23

¿Mi xu' ta sjel sba ti c'u ono'ox s'elan ti ic'yaman vinique? ¿Mi xu' ta sjip loq'uel ti c'u ono'ox s'elan sts'i'baronil ti jchop o ta bolome? Ti me'inem xa xava'i ta spasel ti c'usi chopole, mu xu' avu'unic un ta spasel ma' ti c'usi lec une.

Romanos 2:6

Ta xac'be stoj jujun ti c'u s'elan laj xa spasique.

Hebreos 11:32

Ep to ti c'usi ta sc'an ta xcalboxuc ava'iique. Ja'uc le'e, mu xloc' o ti c'ac'ale yo' jech ta xcalboxuc ava'iic sc'oplal ti Gedeone, ti Baraque, ti Sansone, ti Jeftee, ti Davide, ti Samuele, xchi'uc sc'oplal ti j'alc'opetique.

Jueces 10:6

Ja'uc ti israeletique lic spasic chopol ta sba ta sat ti Diose. Yu'un lic snijan xchiman sbaic ta yich'el ta muc' ti ep ta tos sloc'obbailtac ti Baale xchi'uc ti Astartee, jech c'u cha'al ti diosetic yu'unic ti Siriae, ti Sidone, ti Moabe, ti Amone, xchi'uc ti filisteoetique. Laj svalopatinic comel ti Diose. Mi ja'uc xa ta xich'ic ta muc'.

Jueces 10:7

Jech o xal ti Diose lic sc'ac'al yo'nton ta stojolic. Laj yac' comel ta yoc ta sc'ob ti filisteoetique xchi'uc ti amonitaetique.

Jueces 12:15

C'alal chame, laj smuquic ta Piratón ta yosilal ti Efraine, ta vitstic yu'un ti Amaleque.

Jueces 14:4

Ti stot sme'e, mi ja'uc sna'ic ti ja' nopbil yu'un ti Dios ti jech ta xc'ot ta pasele, ti yacal ta sa'be sc'oplal ti c'u s'elan ta stsaqueic ta leto ti filisteoetique. Yu'un ti jech c'ac'al taje, ja' o ilbajinbilic ti israeletique.

Jueces 15:11

C'alal laj ya'iic snitilultac ti Judá ti va'i s'elan taje, laj stsob sbaic oxmil (3,000) ta vo' viniquetic. Batic c'alal to nail ch'en ti oy ta lican ch'entic yu'un Etame, ti xi c'ot yalbeic ti Sansone: —¿Mi mu xana' ti ja' ech'em to xu' yu'unic ti filisteoetique, ti ja' mu sta ti vo'otique? ¿C'u cha'al ya'yel ta xavac'otic ta vocol? Xi tac'batic yu'un ti Sansone: —C'ajomal no'ox ta jpacbeic sutel ya'iic jech c'u cha'al laj spasbeicune.

Jueces 15:20

Jtob jabil c'ot ta jpojvanej ti Sansón yu'un ti Israele, ti c'alal ja' o yorail ta x'ilbajinvanic ti filisteoetic ta banomil taje.

Jueces 2:11

Ti c'usitic lic yesilanic ta spasel ti israeletique, chopol laj yil ta sba ta sat ti Diose. Yu'un lic snijan xchiman sbaic ta yich'el ta muc' ti yalel toyol sloc'obbail ti Baale.

Jueces 3:7

Ti c'usitic laj spasic ti israeletique, chopol laj yil ta sba ta sat ti Diose. Yu'un tenbil c'ot ta o'ntonal yu'unic. Lic yac'beic yipal ta yich'el ta muc' ti yalel toyol sloc'obbail ti Baale xchi'uc ti Astartee.

Jueces 4:1

Ts'acal to un, ti c'alal chamem xa ox ti Aode, jech ti israeletique lic xcha'pasic ti c'usi chopol ta sba ta sat ti Diose.

Jueces 6:1

Ja'uc ti israeletic une chopol lic spasic ta sba ta sat ti Diose. Yu'un vucub (7) jabil sjalil aq'ueic ta yoc ta sc'ob madianitaetic yu'un ti Diose.

1 Samuel 12:9

Ja'uc le' une, ti stuquique laj xch'ay ta yo'ntonic ti Ajvalil Dios yu'unique. Ac'atic ech'el ta yoc ta sc'ob ti Sisarae, banquilal jtsobvanej yu'un yajsoldado ti Jabine, ajvalil yu'un ti Azore, xchi'uc ta yoc ta sc'ob ti filisteoetique, xchi'uc ta yoc ta sc'ob ti ajvalil yu'un ti Moabe, ti lic stsac sbaic ta leto xchi'uque.

1 Samuel 4:9

¡Tsatsajanic, pojo abaic, soldado filisteoetic. Vinicuc xava'i abaic ta tsacvanej ta letoe yo' jech mu xa'ochic ta mosovil yu'un ti hebreoetic jech c'u cha'al ti oy bu och ta mosovil avu'unique!”

1 Samuel 7:13

Tsalbil c'otic ta j'ech'el ti filisteoetique. Mi ja'uc xa oy bu lic snet'ic ta spojel yosil ti israeletique. Ti jech cuxul ti Samuele, contrainbilic o yu'un Dios ti filisteoetique.