Jueces 12:8 - Bible in Tzotzil de Chamula

⁸ C'alal cham xa ox ti Jeftee, c'ot ta jpojvanej yu'unic ti israeletic ti Ibsane, ti liquem tal ta Belene.

Bible in Tzotzil de Chenalhó with Deuterocanon

⁸ C'alal icham li Jeftee, ja' i'och ta jchapanvanej yu'un israeletic jun vinic liquem ta Belén, Ibzán sbi.

Jueces 12:8 Iomraidhean Croise

Génesis 15:19

Ti xcaltique, sbanomilic ti quenitaetique, ti quenizitaetique, ti cadmoneoetique,

Miqueas 5:2

Ti Diose xi ta xale: “Ja'uc ti vo'ote, jteclum Belén Efrata, ti xi avuni muc'ul ti oyot ta yosilal ti Judae, ta x'ayan talel ta atojol ti Ajvalil yu'un ti Israele, ti ta xvul ta loq'uel ta stojol sts'unobal ti vo'ne totil me'ile.”

San Mateo 2:1

Ti Jesuse voc' ta jteclum Belén ti oy ta Judea banomile c'alal ja' o tiq'uil ta ajvalil ti Herodes ta muc' ta lume. Va'i un, talic ta Jerusalén bijil viniquetic ti yabtelinojic ta sq'uelel c'analetic ti liquemic talel ta sloq'ueb c'ac'ale.

Josué 19:15

Ti ta banomil taje, oy yu'un lajcheb (12) jteclumetic xchi'uc bic'tal lumetic ti nopol joyol ta spat ta xocontaque, ti xi s'elan ma' ti oy ta scotol taj une: ti Catate, ti Nahalale, ti Simrone, ti Idalae, xchi'uc ti Belene.

Jueces 10:1

C'alal cham xa ox ti Abimeleque, oy jun vinic ti sbiinoj Tolae, snitilul ti Isacare, xnich'on ti Fuae, smom ti Dodoe, lic sva'an sba ta spojel ti israeletique. Ti Tola taje nacal ta Samir ti oy ta vits yu'un ti Efraine.

Jueces 12:7

Ti Jeftee, vaquib jabil sjalil, c'ot ta banquilal jpojvanej yu'un ti israeletique. Ti c'alal chame, bat smuquic ta Galaad ta steclumal stuc ti bu voq'ue.

Jueces 12:9

Laj yil lajuneb xcha'vinic (30) ta vo' squeremtac xchi'uc lajuneb xcha'vinic (30) ta vo' stsebetic, ti laj yac' ye sti' ti scotolic xu' ta sa' yajnil smalalic ta yantic oe. Vucub (7) jabil sjalil laj spoj Israel ti Ibsane.

Jueces 17:7

Ti ta jteclum Belene, oy jun jcotcovil querem snitilul ti Judae, ti liquem talel ta stojol ti levitaetique.

Jueces 19:1

Ti yorail ta vo'ne taje, ti c'alal ch'abal ajvalil yu'un ti Israele, ta vitstic ti oy ta yosilal ti Efraine, oy jun levita vinic ti nom to nacal ti stuque. Laj yic' yan ants ti nacal ta Belén ti oy ta Judae.

1 Samuel 16:1

Ti Diose xi laj yalbe ti Samuele: —¿C'usi to ora ta x'ech' avu'un ti at-o'ntonal ta scoj ti Saule? Mu xa jc'an ti tiq'uil ta ajvalilal yu'un ti Israele. Nojeso ta aceite ti avuni cachue. Ta jc'an ta xabat ta sna ti Isaí ti oy ta Belene, yu'un laj xa jt'uj ta ajvalilal jun ta scotol ti xnich'nabe.