Jueces 12:5 - Bible in Tzotzil de Chamula

⁵ C'alal laj sventainic galaadetic ti spul-puliltac ech'ebal yu'un ti Jordane, mi oy buch'u ta sc'an ta xjelav ti jatvil ta x'ech' batel teye, ti stuquique ta sjac'beic mi ja' snitilultac ti Efraine. Mi ta staq'uic ti ma'uque,

Bible in Tzotzil de Chenalhó with Deuterocanon

⁵ Li galaadetique la spojbeic o li xtuch'ubil uc'um Jordán yu'un Efraine. C'alal me tsc'an te chjelovic batel li boch'otic liquemic ta Efraine, li galaadetique jech tsjac'beic: “¿Me vo'ot liquemot ta Efraín?”, xutic. C'alal me chalic ti ma'uque,

Jueces 12:5 Iomraidhean Croise

1 Reyes 11:26

Ja' jech ec ti Jeroboam xnich'on ti Nabate lic stoy sba ta stojol ti ajvalile. Ti jun yaj'opisial Salomón ja' ti Jeroboam sbie liquem talel ta lum Seredá, snitilultac ti Efraine, ti ja' jun me'onal ants ti sme' ti sbiinoj Zerúae.

Josué 2:7

Svinictac ti ajvalil une st'unojic batel ta snutsel ta stuq'uil uc'um Jordán, ti c'otic c'alal to slomleje. Ti jech loq'uic batel ta anil ti soldadoetique, ta jech no'ox yepal ta anil laj smaquic sti' smocal ti jteclume.

Josué 22:11

Ja'uc ti yan israeletique c'ot ta sni' ta xchiquinic ti laj xa sva'anic jun muc' ta altar snitilultac ti Rubene, ti Gade, xchi'uc ti Manasese ta sts'el sts'aquil sbanomil ti Canaán ta nopol ti' uc'um Jordán ti ja' to snitobal sbanomilic ti israeletique.

Jueces 12:4

Va'i un, ti Jeftee laj stsob scotol ti viniquetic ta Galaade. Lic stsac ta leto snitilultac ti Efraine. Tsalbil c'otic yu'un. Yu'un snitilultac ti Efraine ta xalbeic sbaic ti ja' la jlom snitilultac ti Efraine xchi'uc ti Manasese, ti laj sjipic comel ti Efraín ti nacal ta Galaade.

Jueces 12:6

ta sc'anbeic ti ac'o yal “Shibolete”. Ja'uc le' une, mi “Shibolet” ta xloc' ta yeique, ta scoj ti mu x'al yu'un ti c'ope, stsac x'utatic ta milel ta spul-pulil uc'um yu'un ti Jordane. Ti jech ora taj une, chamic chib yoxvinic ta mil (42,000) viniquetic snitilultac ti Efraine.

Jueces 17:7

Ti ta jteclum Belene, oy jun jcotcovil querem snitilul ti Judae, ti liquem talel ta stojol ti levitaetique.

Jueces 3:28

Ti Aode laj yal ti ac'o ts'acliatuc batele, yu'un ac'bat yu'un Dios ta stsalel ti yajcontraique, ja' ti amonitaetique. Va'i un, ts'acalic batel. Laj yu'ninic ti banomil ti oy ta slomlej uc'um Jordane. Mu'yuc buch'u junuc ta xaq'uic ochuc batel.

Jueces 7:24

Ja'uc ti Gedeone laj stac batel mantal ta vitstic yu'un ti Efraine. Laj yal ech'el mantal ti ac'o yalicuc talel ta stsaquel ta leto madianitaetic scotol ti viniquetic taje, yo' jech ta xtal smaquic ta be ti bu xu' ta x'ech' xtuch'ic uc'um ta Betbara ti oy ta uc'um Jordán ti c'alal mu to ta xc'otic ti madianitaetique. Ti snitilultac ti Efraine mu ch'ajuc laj ya'iic ti mantale.

1 Samuel 1:1

Ta vitstic ta yosilal ti Efraín ti sbiinoj Ramae, nacal jun vinic ti ja' yuts' yalal ti Sufe, ti sbiinoj Elcanae. Taje, ja' xnich'on ti Jerohame, smom xtoc ti Elihue. Ti smuc'-ta-muc'tote, ja' ti Tohue, xnich'on ti Sufe, ti liquemic talel ta stojol snitilultac ti Efraine.