Jueces 12:1 - Bible in Tzotzil de Chamula

¹ Ti viniquetic snitilultac ti Efraine laj stsob sbaic. Laj xtuch'ic jelavel ti uc'um Jordán ta stuq'uil Zafone, ti xi laj yalbeic ya'i ti Jeftee: —¿C'u cha'al laj apas aba ta mantal atuc, ti bat atsac ta leto ti amonitaetique, ti mu'yuc xavalbuncutic ti jmoj ta xijbate? ¡Avi tana une, ta jchic'cutic ti anae, bajal ta xac'ac' ta yut ec!

Bible in Tzotzil de Chenalhó with Deuterocanon

¹ Li viniquetic liquemic ta Efraine italic ta stojol Jefté la xtuch'ic jelovel tal uc'um Jordán te ta stuq'uil Zafón. Jech vul yalbeic: —¿C'u yu'un muc xavalbuncutic ec ti ay atic' aba atuc ta pleito xchi'uc li amonetique, ay jchi'inotcutic ti jechuque? Li' tanae ta jchic'cutic ana; te capal chajchic'otcutic ec —xutic.

Jueces 12:1 Iomraidhean Croise

Salmos 109:4

Ti spacol ta xiyac'beicun yu'un ti xc'uxul co'nton ta stojolique, ta xistsaquicun ta leto, le' une, ta xic'opoj xiti'in ec un.

Eclesiastés 4:4

Ti buch'u yac'ojbe yipal abtel ta stael ti caj tsacal ta xc'ote, laj quil ti oy jti' o'nton ta stojole. Naca pich' o'ntonal ta xac' ma' taj une. Co'ol s'elan ti ic' ti mu xjav ta tsaquele.

Oseas 13:1

C'alal xbic'tal c'opojic no'ox steclumal ti Efraine, ti jvoc' snitilultac ti Israele peq'uel yac'oj sbaic ta stojol. Oy ono'ox sc'oplal ta xcham ti Efraín ti laj sta smul ta scoj ti laj snijan xchiman sba ta stojol ti Baale.

Marcos 3:24

Mi ta scontrain sbaic jun ajvalil xchi'uc ti xchi'iltac ta abtele, mu jaluc ta spasic mantal. Ta soquic ta be.

San Juan 10:32

Xi laj yal ti Jesuse: —Ta sventa smuc'ul stsatsal ti Jtote, ep ti c'usi laj jpas ta aba ta asatique. ¿C'usi jtosucal yo' ta xavac'beicun ti ton yu'un une?

Santiago 3:16

Ti bu naca it'ixal o'ntonal oye, ti bu yac'ojbeic yipal ta spasel ti c'usi ta xa'iique, ti naca contra ta xil sbaique, ti mu'yuc smelol ti c'usi ta xc'ot ta pasele, naca mulil x'ayan.

Jueces 11:40

Jech o xal un, stalel o comem yu'unic ti israeletique, ti jujun jabile, scotol ti tsebetique, ac'o yoq'uitaic chanibuc c'ac'al sna'el yantsil nich'on ti Jeftee.

Jueces 12:2

Ja'uc ti Jeftee xi laj staq'ue: —Ti vu'un xchi'uc ti jvinictaque laj jtsaccutic ta leto xchi'uc ti amonitaetique. Laj jtaoxuc ta iq'uel. Mi ja'uc tal apojuncutic.

Jueces 14:15

Ta xchanibal c'ac'al un, xi laj yalbeic yajnil ti Sansone: —Lo'labo yo'nton yo' jech ta sjam ye ta sjambel smelol ti tajimol lo'il ti ta jt'uncutic yu'un ti amalale. Ti mi mu jechuque, ta xajchic'otcutic ta c'oc', xchi'uc scotol ti c'u yepal oy ta sna ti atote. ¡Yu'un ti vo'oxuc yilele, ta xvinaj ti laj avic'uncutic talel li'e yo' jech ta xapojbuncutic batel ti c'usi oy cu'uncutique!

Jueces 15:6

Jech ti filisteoetique lic st'unic buch'u laj spas ti va'i s'elan taje. Laj ya'iic ti laj spac sutel xq'uex ti Sansón ta stojol ti smuni' ti nacal ta Timnate, ta scoj ti pojbat ti yajnil ti laj yac'be ech'el ta yoc ta sc'ob ti buch'u lec xil sba xchi'uque. Jech o xal un, bat xchiq'uic ti antse xchi'uc ti stote.

Jueces 8:1

Snitilultac ti Efraine ilinic. Laj svul sbaic xchi'uc ti Gedeone ti mu'yuc xtaeic ta iq'uel yu'un ti c'alal bat stsaquic ta leto ti madianitaetique.