Jueces 11:8 - Bible in Tzotzil de Chamula

⁸ —Jech xaval ava'uc ti ja' to tal jsa'otcutic ti c'alal mu x'ech' ta xca'icutic ti vocole —xi laj yal ti stuquique—. Avi tana li' une, ta jc'ancutic ti xtal achi'inuncutic ta stsaquel ta leto ti amonitaetique, ti ta xac'ot ta banquilal yu'un scotol ti jnaclejetic ta Galaade.

Bible in Tzotzil de Chenalhó with Deuterocanon

⁸ Itac'ovic: —Ta melel ja' ta scoj oy ep jvocolcutic ti tal jsa'otcutique. Yu'un ta jc'ancutic ti chabate, bat jpastic pleito jchi'uctic li amonetique, xchi'uc vo'ot cha'och ta banquilal cu'uncutic ti c'u quepalcutic te ta Galaade —xutic.

Jueces 11:8 Iomraidhean Croise

1 Reyes 13:6

Va'i un, ti ajvalile xi laj yal ti nopaj ech'el ta stojol ti j'alc'ope: —Avocoluc, c'opono ta jventa ti Ajvalil Dios avu'une yo' jech ta xpoxtaj ti jc'obe. Ti j'alc'ope laj sc'anbe vocol ti Diose. Sc'ob ti ajvalile poxtaj. Laj sta yav jech c'u cha'al ta ba'yele.

Éxodo 10:17

Avocoluc, ch'aybun xa jtenuc ti jmul avi tanae. Avocolicuc, c'oponbeicun ti Ajvalil ti ja' Dios avu'unique, yu'un sbalin to ya'yel ti ac'o sloq'ues batel ti jmilvanej vocole.

Éxodo 8:28

Ja' yu'un un, ti faraone xi laj yale: —Lec oy, batanic ta sbajtical banomil ta yac'bel smoton ti Ajvalil Dios avu'unique. Ta xcalboxuc ava'iic ti mu me toj nomuc xabatic une. Ja' jech xtoc, c'anbeic vocol ti Dios ta jtojole.

Éxodo 8:8

Jech o xal ti faraone xi laj yalbe ti Moisese xchi'uc ti Aarone ti c'alal laj sta ta iq'uele: —C'anbeic ti Diose ti ac'o sloq'ues batel ti ranaetic ti oy ta jtojole xchi'uc ti jvinquileltaque. Ta xcac' loc'uc batel ti avinquileltaque. Ac'o ba yac'beic smoton ti Diose.

Éxodo 9:28

Mu xa ts'icbaj ta xca'i ti xc'avlajet no'ox ti chauque xchi'uc ti bot xvajet no'ox ta xtal ta jtojolcutique. Jech o xal mu'yuc xa ta jpajtsanoxuc. C'oponic ti Dios ta jtojolcutique. Ta xcac' batanic.

Jueces 10:18

Ti israeletic ti nacalic ta Galaade lic svulesbe sbaic ta yo'nton xchi'uc ti banquilaletic yu'unique, ti buch'u van ta xtojobtasvan ta ac'-leto ta stsaquel ta leto ti amonitaetique, ti ja' ta xc'ot ta jpojvanej yu'un scotol ti jnaclejetic ta Galaade.

Jueces 11:9

—Mi jech oy avo'ntonic ta xac'anic ti ta xisut talel yo' ta jtsac ta leto ti amonitaetique, mi laj sva'an sba Dios ti tsalbil ta xc'otic cu'une, ta xic'ot ta banquilal avu'unic unbi —xi laj stac' ti Jeftee.