Jueces 11:21 - Bible in Tzotzil de Chamula

²¹ Ja'uc ti Ajvalil Dios yu'un ti Israele, ti ja' slumaluncutique, laj jtsalcutic yu'un ti Sehón ta letovajel xchi'uc scotol ti svinictaque. Laj cu'ninbecutic ti c'u sjamlej yosilal ti amorreoetic ti xi s'elan c'ot ta pasel ti bu taje:

Bible in Tzotzil de Chenalhó with Deuterocanon

²¹ Pero li Muc'ul Dios cu'uncutic, vu'uncutic li israeluncutique, laj yac'bun ta jc'obcutic li ajvalil Sehone, xchi'uc scotol svinictaque, jech la jtsalcutic laj quich'becutic comel scotol yosilalic li amorretic yo' bu nacajtique.

Jueces 11:21 Iomraidhean Croise

2 Crónicas 13:16

Ti israeletique jatbil loq'uic ta stojol ti yan Judae, yu'un aq'ueic ta c'abal yu'un Dios ti jvoq'ue.

2 Crónicas 13:5

¿Mi yu'un mu xana'ic ya'yel ti mu sutes ye sti' ti Ajvalil Dios yu'un ti Israele? Laj spas jun trate ta stojol ti Davide, ti xquechcun ta x'ech'ic ta ajvalil sbatel osil ti snitilultaque.

Éxodo 23:31

Ti ats'actac ti bu c'alal ta xpaje, ta xlic talel ta Tsajal Nab, ta xc'ot c'alal to nab yu'un ti filisteoetique. Ta xlic talel ti ta sbajtical banomile, ta xc'ot c'alal to uc'um Eufrates. Laj xa cac'bot ta avoc ta ac'ob ti jnaclejetic taje, yu'un ta aba ta asat ta xajipic loq'uel.

Amós 2:9

“Ac'o mi jech un, ti vu'une laj jtubbe sc'oplalic ti amorreoetique yo' jech ta xata alequilalic. Ac'o mi jun snatiquilic jech c'u cha'al ti ch'ut te'e, ac'o mi tsots xu' yu'un jech c'u cha'al ti tulanetique, laj jtub ta j'ech'el.

Números 21:24

Ti israeletique laj spac ti sc'oplalique, tsalbil c'ot yu'unic. Laj yu'ninbeic xtoc ti yosil sbanomile, ti lic ech'el yu'unic ta uc'um Arnone, ti c'ot c'alal to ta uc'um Jaboque. Ti lec ta alele, c'alal to ta sts'ac ti amonitaetic ti bajal lec yu'unique.

Deuteronomio 2:32

“Ti Sehone ta jech to yepal tal snupotic ta be xchi'uc scotol ti yajsoldadotaque yo' tal stsacotic ta leto ta Jahase.

Josué 6:2

Ja'uc ti Dios une xi laj yalbe ti Josuee: “Laj xa cac'bot ta avoc ta ac'ob ti Jericoe, ti ajvalil yu'une, xchi'uc ti soldadoetic yu'une.

Jueces 11:20

Ja'uc ti Sehón une mu'yuc xc'ot ta yo'nton, mu'yuc li'ech'cuncutic yu'un ta yosilal. C'ajomal no'ox lic stsob scotol ti svinictaque. Bat slaman sbaic ta Jahas. Lic stsacuncutic ta leto.