Jueces 11:2 - Bible in Tzotzil de Chamula

² Ti jech laj yilbe sat yan xnich'nab ti Galaad yu'un ti sbats'i ajnile, ti c'alal muq'uibic une, laj stenic loq'uel ta sna ti Jeftee. Laj yalbeic ya'i ti mu xu' ta xich' ti rextoil yu'un ti stote, ta scoj ti yol yan antse.

Bible in Tzotzil de Chenalhó with Deuterocanon

² Li yajnil Galaade oy squeremetic ec. C'alal ich'i li squeremetique, la snutsic loq'uel ta snaic li Jeftee, jech laj yalbeic: “Mu'yuc c'usi chavich' comel li' ta sna jtotic, yu'un yan o ame'”, xutic.

Jueces 11:2 Iomraidhean Croise

Génesis 12:10

Ti ta banomil taje, lic ayanuc muc' ta vi'nal. Jech o xal ti Abrame bat nacluc ta Egipto c'uc sjaliluc, yu'un ch'abal xa c'usi ta sta ta lajesel ti bu nacale.

Génesis 21:10

Va'i un, xi bat yalbe ti Abrahame: “¡Ac'o loc'uc batel ti mosovil ants xchi'uc ti yole! Yu'un ti col Isaaque mu xu' ta xch'acbe sbaic rextoil xchi'uc yol jun mosovil ants.”

Proverbios 2:16

Ja' jech xtoc mu sq'uelojucot ta xu'ninbot avo'nton ti ants ti yan o yuni c'op ta a'yiele, ti chi' xa ya'yel ta lajesel ti c'usi ta xale,

Proverbios 5:20

Cuni nich'on, ¿c'u cha'al ava'binoj aba ti yacbilot yu'un ti yan antse? ¿C'u cha'al ta xavac' aba ta q'uechel ta yan ants?

Proverbios 5:3

Yu'un ti jovil antse, chi' xa ta lajesel ya'yel ti c'usi ta xale, co'ol s'elan vo' ya'yel ma' ti ye sti'e, ja' mu sta yutsil ti aceitee.

Gálatas 4:30

Ja'uc le'e, ¿c'usi ta xal ti ch'ul c'ope? Xi ta xale: “Taco loq'uel ti me' mosovil xchi'uc ti yole, yu'un yol ti me' mosovile mu xu' ta xch'acbe sbaic ti rextoil xchi'uc ti yol ti sbats'i ajnil ti ma'uc mosovile.”

Deuteronomio 23:2

“Mu xu' ta x'och ta tsoblebal yu'un Dios ti buch'u ma'uc bats'i nich'onile, ac'o mi ech' xa ox ti slajun-chopal ti totil me'iletique.

Jueces 11:1

Ti Jeftee, ja' jun banquilal j'ac'-leto ti mu sna' xi'e, ti nacal ta yosilal Galaade, ti ja' yol jun ants ti sna' sbolomalin sbae, ti laj sta ta jun vinic ti sbiinoj Galaade.

Jueces 11:3

Va'i un, ti Jeftee jatav loq'uel ta stojol ti xchi'iltac ta voq'uele. Bat nacluc ta yosilal Tob, ti bu lic stsob epal ch'ajil pucujil viniquetique, ti jmoj bu yalel muyelic ta xanobal xchi'uque.