Jueces 11:11 - Bible in Tzotzil de Chamula

¹¹ Va'i un, ti Jeftee, jmoj batic xchi'uquic. Jech ti jteclum une lic sva'anic ta banquilal jpojvanej yu'unic. Ti Jefté ti c'alal oy ta Mizpae, lic xcha'alilan ta sba ta sat Dios ti c'usi laj yal ta ba'yele.

Bible in Tzotzil de Chenalhó with Deuterocanon

¹¹ Ja' yu'un li Jeftee la xchi'in tal li banquilaletique. Li israeletic te ta Galaade ja' la st'ujic ta banquilal xchi'uc ta jchapanvanej yu'unic. C'alal te oy ta Mizpa li Jeftee, te lic yalbe Muc'ul Dios c'usi laj yalic xchi'uc li banquilaletique.

Jueces 11:11 Iomraidhean Croise

2 Corintios 3:5

Scotol ti c'usi laj xa jpascutique, ja' coltabiluncutic yu'un ti Diose, ma'uc laj cac'be jba jtuccutic ti jech xu' cu'uncutique.

Santiago 1:17

Scotol ti c'usitic oy slequil yutsile, ti c'usi oy stuq'uil ta xij'ac'bate, ta xlic talel ta vinajel bu oy ti Diose, ti Buch'u laj smeltsan ti c'usitic ta xac' xojobal ti oy ta vinajele. Yu'un ti Diose staoj o yav ti c'u s'elane, mu syanijes sba, yu'un mu'yuc ta stojolal ti c'usi chopole.

Santiago 1:5

Mi oy jlom avu'unic ch'abal ti sbijil ta xa'ie, c'anbeic ti Diose, yu'un ti Diose mu bisbiluc ta xac', yu'un mi ja'uc sna' xjipvan xtenvan.

Jueces 10:17

Ti amonitaetique lic svol sbaic ti bat slaman sbaic ta Galaade. Ja'uc ti israeletique laj stsob sbaic ti bat svol sbaic ta Mizpae.

Jueces 11:12

Ts'acal to un, laj stac batel jun chib j'al-mantal j'ich'-c'opetic ta stojol ti ajvalil yu'un ti amonitaetique yo' xi ta sjac'bee: “¿C'usi la jmul ta xaq'uelbun avalojic ti jech ta xtal atsac ta leto ti jlumale?”

Jueces 11:29

Va'i un, vul ta stojol Jefté xcuxlejal ti Diose. Lic xani yosilal ti Galaade xchi'uc yosilal ti Manasese. Ech' batel ta Mizpa ti oy ta Galaade yo' jech ta stubbe sc'oplal ti amonitaetic ta yosilalique.

Jueces 11:34

C'alal sut batel ta sna ti Jefté ta Mizpae, x'ac'otaj xa loq'uel talel xchi'uc xchij-chij taq'uin, tal nupatuc ta be yu'un ti c'ajomal yo jun stseb ti Jeftee. Mu'yuc xa yan ti yantsil nich'one. C'ajomal xa no'ox stuc oy, yu'un mu'yuc xa yan ti xnich'one.

Jueces 20:1

Va'i un, scotol ti israeletique, co'ol s'elan jun no'ox vinic, lic stsob sbaic ta sba ta sat Dios ti ta Mizpae, ti liquic talel ta Dane, ti ta Beersebae, ti ta Galaade.

1 Samuel 10:17

Ts'acal to un, ti Samuele laj staan ta iquel ti israeletique, ti chba snijan xchiman sbaic ta yich'el ta muc' ti Dios ta Mizpae.

1 Samuel 11:15

Ja' yu'un un, scotol ti jteclume laj stam batel sbeic c'alal to Gilgal. Ti ta sba ta sat ti Diose, laj sva'anic ta ajvalilal ti Saúl ti bu taje. Laj taj une, lic yac'beic milbil matanal ti Dios sventa ti lajesobil o'ntonale. Mu no'ox albajuc xmuyubaj ta j'ech'el ti Saule xchi'uc scotol ti israeletique.

1 Samuel 8:21

C'alal laj xchiquintabe sc'op jteclum ti Samuele, lic xcha'albe ya'i ti Diose.