Jueces 11:10 - Bible in Tzotzil de Chamula

¹⁰ —Ja' rextico cu'untic ti Diose, ti ta jbel sc'oplal ta xc'ot ta pasel cu'untic ti va'i s'elan laj avale —xi laj staq'uic ti banquilaletique.

Bible in Tzotzil de Chenalhó with Deuterocanon

¹⁰ Itac'ov li banquilaletique: —Sna'oj Muc'ul Dios ti ja' melel chc'ot ta pasel jech chac c'u cha'al laj avale —xutic.

Jueces 11:10 Iomraidhean Croise

Génesis 16:5

Ja' yu'un un, ti Saraie xi laj yalbe ti Abrame: —¡Vo'ot amul ti mu xa lecuc xiyil ti Agare! C'alal vu'un laj cac'bot avajniline, avi tana un, cajal xa xa'i sba ti oy xa yole. Ac'o yal stuc ti Diose buch'u ti smule, mi ja' ti vo'ote, mi ja' ti vu'une.

Génesis 21:23

Yu'un ti li' bu va'alotique, va'ano aba ta yalel ta jamal ti mu jutebuc ta xapasbun ti c'usi chopole. Mi ja'uc oy c'usi chopol ta xapasbe ti jnich'nabe, mi ja'uc ti jnitilultaque. Alo ta jamal ti ja' no'ox jech ta xac'uxubinvan jech c'u cha'al laj jc'uxubinote, ti ja' no'ox jech ta xapas xtoc ta stojol ti jnaclejetic yu'un ti jteclum li' ti bu nacalot avi tanae.

Génesis 31:50

Ja' yu'un un, mi ta xlic avutilan ti jtsebtaque, mi ta xlic asa' yan avajnil c'alal oy ta atojol ti jtsebtaque, ac'o mi mu'yuc rextico cu'untic, yu'un ja' ta xc'ot ta rextico cu'untic stuc ti Diose.

Génesis 31:53

Ac'o xijyich'otic ta venta stuc ti Dios yu'un ti amuc'tot Abrahame xchi'uc ti dios yu'un ti jmuc'tot Nacore. Jech ti Jacobe laj yal ta jamal ta sba ta sat Dios ti yich'oj ta muc' ti Isaac ti ja' stote.

Éxodo 20:7

“Va'i un, mu xaloq'uesic sbi ta jeche' no'ox ti Ajvalil ti ja' Dios avu'unique, yu'un ti stuque ta stsits ya'i. Mu teyuc no'ox sq'ueloj ti buch'u ta sbiiltasat ta jeche' no'oxe.

Jeremías 29:23

Jech ta xc'ot ta stojolic un ta scoj ti xi s'elan ech'em chopol c'ot ta pasel yu'un ta stojol ti Israele: mulivajic xchi'uc yajnil ti svinquileltaque, xchi'uc naca yesomal sjolic ti c'opojic ta jventa ti mu'yuc calojbeic ya'iique. Jna' lec un, ma'uc ta xcal no'ox. Ti vu'un Diosune, mu lo'iluc no'ox ta xcal.’ ”

Jeremías 42:5

Va'i un, xi laj stac'beic ti Jeremiase: “Ti mi mu jpascutic ti c'usi laj sc'ubanbot ta yalbeluncutique, ja'uc rextico stuc ta scontraineluncutic ti Ajvalil Dios avu'un ti mu'yuc c'usi mucul ta stojole.

Miqueas 1:2

Acotolic jteclumetic, ts'etano achiquinic ta ya'yiel li'e; acotolic jnaclejetic ta banomil, a'yio ava'iic li'e ti xi s'elan ta xc'ot ta pasele: Ti Diose ja' ta sva'an sba ta rextico yo' ta scontrainoxuc, yu'un ta xch'ulna to ta sva'an sba talel.

Zacarías 5:4

Ti Dios ti scotol xu' yu'une, yu'un mu lo'iluc no'ox ti xi ta xale: ‘Ta xcac' c'otuc bac vocol ta stojol ti buyuc no'ox nailal nacal ti buch'u ta x'elc'aje, xchi'uc ti bu nailal nacal ti buch'u ta jeche' no'ox ta sva'anun ta rexticoe. Yu'un lamal ta xcom o ti bac vocole, ja' to ti c'uxi ta xc'ot ta tsutsesel ti mu xa jbejuc sts'amte'altac, mi ja'uc jbejuc xa stanaltac ta xcom ti bu to ox ti nae.’ ”

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

Romanos 1:9

Ta stojol ti Diose, sjunul co'nton cac'oj jba ta tunel yu'un ta yalel ti lequil ach' c'op yu'un ti Xnich'one. Ja' yiloj ti mu xajch'ayoxuc ta co'nton ta c'opojel ti'inel ta aventaic.

2 Corintios 11:31

Melel ti jech xcale, yu'un yiloj ti Diose, Stot ti Cajvaltic Jesucristo cu'untic ti ich'bil ta muc' sc'an sbatel osile.

Deuteronomio 1:16

Ta yorail no'ox taje, xi xcholet laj jbijubtasic ti jchapanvanejetic avu'unique: ‘A'yibeic lec sc'op scotolic. Lec xachapanic xtoc. Ti c'u s'elan ta xapasic ta stojol ti avinquilelique, ja' no'ox jech xapasic ta stojol ti jyanlumetique.

Jueces 11:9

—Mi jech oy avo'ntonic ta xac'anic ti ta xisut talel yo' ta jtsac ta leto ti amonitaetique, mi laj sva'an sba Dios ti tsalbil ta xc'otic cu'une, ta xic'ot ta banquilal avu'unic unbi —xi laj stac' ti Jeftee.

1 Samuel 12:5

—Ti Diose xchi'uc ti ajvalil ti laj st'uje, ja' rexticoetic ti mu'yuc laj atabeicun jutebuc ti jmule —xi laj yal ti Samuele. —Ja' jech —xutic.

1 Samuel 24:12

¡Ti jech le'e, jchibaltic, ac'o xischapanotic ti Diose. Ac'o stoj yu'un Dios ti jech c'ot ta pasel avu'un avie! Ja'uc ti vu'une, ta j'ech'el mi ja'uc ta jyales coc jcob ta stojol ti Jcuch Abtele.