Jueces 10:9 - Bible in Tzotzil de Chamula

⁹ Ti amonitaetique ech' xtuch'ic ti uc'um Jordane yo' jech ta stsaquic ta leto snitilultac ti Judae, ti Benjamine, xchi'uc ti Efraine. Jech o xal ti israeletique mu x'ech' xjelav ti svocol laj staique.

Bible in Tzotzil de Chenalhó with Deuterocanon

⁹ Li amonetique ijelovic batel ta jot uc'um Jordán noxtoc yu'un bat stsaquic ta pleito li boch'otic liquemic ta Judá, ta Benjamín xchi'uc ta Efraine. Jech te ilic tsots svocolic ta uts'intael li israeletique.

Jueces 10:9 Iomraidhean Croise

2 Crónicas 14:9

Lic contrainatuc yu'un ti Zera ti liquel talel ta Etiope, ti yic'oj talel jun millon (1,000,000) ta vo' svinictac, xchi'uc vo'lajunvinic mil (300,000) ta cot carreta sventa ac'ob-leto ti c'ot ta Maresae.

2 Crónicas 15:5

Ti le' tal ta vo'ne taje, mu'yuc buch'u lamajem ma' ti yo'nton une. C'ajomal no'ox stsic'tsun yo'nton yu'un ilbajinel ta xa'iic ti jnaclejetic ti buyuc no'ox oyic ti jteclumetique.

Deuteronomio 28:65

Ti c'alal jech nacaloxuc ta muc' ta lumetic taje, ma'uc ma' ti mu junuc xa avo'ntonic ta xacuxe, ti mu'yuc xa c'usi xana'e. Oy no'ox xi'el ta xava'i ta avo'nton ta xac'bot ti Diose. Ta xvinaj ta asat ti at-o'ntone, ti oytic no'ox achamel xava'i abae.

Jueces 10:10

Va'i un, ja' o lic sc'anbeic coltael ti Diose, ti xi laj yalbeique: “Ch'ul Dios cu'uncutic, laj jsa' jmulcutic ta atojol. Laj xa jtenotcutic comel ta snijanel xchimanel jbacutic ta yich'el ta muc' ti jeche' diosetique.”

Jueces 10:8

Va'i un, scotol ti israeletic ti nacalic ta Galaade, ti oyic ta jot uc'um Jordán ti ja' yosilal ti amorreoetique, vaxaclajuneb (18) jabil sjalil lic yich'ic ilbajinel yu'un ti filisteoetique, xchi'uc ti amonitaetique.

Jueces 11:4

Ech' xa ox c'uc sjaliluc un, ti amonitaetique bat stsaquic ta leto ti israeletique.

Jueces 2:15

C'alal jujun velta xbat tsacvanicuc ta letoe, ta xlic contrainaticuc yu'un ti Diose. Mi ja'uc oy c'usi lec ta xc'ot ta loq'uel yu'unic ti c'alal jech ono'ox albilic yu'une. Ac'o mi staojic lec svocolic yu'un Dios ti israeletique,

Jueces 6:2

Ti jech tsatsajem yilbajinelic yu'un madianitaetic ti israeletique, ti ta x'ac'batic xi'el yu'une, jech o xal laj smeltsanic snac'obbailic ta vitsetic, ta nail ch'enetic, xchi'uc ti bu xa vocoltic ta xvinajique.

1 Samuel 13:6

Lajem xa laj ya'iic ti israeletic ti c'alal laj yilic ti ta xc'ot ta pasel ti ta stsacatic ta leto yu'un ti filisteoetique, ti bat snac'an sbaic ta nail ch'enetique, ta lom ch'enetic, ta lican ch'entic, ta beo'etic, xchi'uc ta joq'uetic.

1 Samuel 28:15

Va'i un, xi albat yu'un ti Samuele: —¿C'u cha'al ta xavilbajinun ti laj ataun talel ta iq'uele? Xi laj stac' ti Saule: —Mu xa stac' a'yeluc ta xca'i c'usi xu' ta jpas. Vololic ta scontrainelun ti filisteoetique. Laj xa sjipun stenun comel ti Diose. Mu'yuc xa ta stac'bun, mi ja'uc ta vaichil, mi ja'uc ta sventa ti j'alc'opetique. Jech o xal laj jtaot talel ta iq'uel yo' ta xavalbun ca'i c'usi stac' ta jpas.