Jueces 10:6 - Bible in Tzotzil de Chamula

⁶ Ja'uc ti israeletique lic spasic chopol ta sba ta sat ti Diose. Yu'un lic snijan xchiman sbaic ta yich'el ta muc' ti ep ta tos sloc'obbailtac ti Baale xchi'uc ti Astartee, jech c'u cha'al ti diosetic yu'unic ti Siriae, ti Sidone, ti Moabe, ti Amone, xchi'uc ti filisteoetique. Laj svalopatinic comel ti Diose. Mi ja'uc xa ta xich'ic ta muc'.

Bible in Tzotzil de Chenalhó with Deuterocanon

⁶ Li israeletique lic spasic c'usi chopol yan velta ta stojol li Muc'ul Diose; ja' lic tunicuc yu'un li Baaletique, xchi'uc li Astarote, xchi'uc li diosetic yu'un Siria, Sidón, Moab, xchi'uc li diosetic yu'un xnich'nab Amón xchi'uc filistaetique. Ja' la scomtsanic o li Muc'ul Diose; muc xa ja'uc xtunic yu'un.

Jueces 10:6 Iomraidhean Croise

1 Reyes 11:33

Yu'un ti Salomone laj xa stenun ta yo'nton. Lic xa sbic'tajes sba ta yich'el ta muc' ti Astartee, sdiosic ti sidonioetique, xchi'uc ti Quemos sdiosic ti moabitaetique, xchi'uc ti Milcom sdiosic ti amonitaetique. Ti c'usitic laj spase, mu lecuc ta xquil ta jba ta jsat. Mu'yuc xc'ot ta pasel yu'un ti jbel c'usi caloje, ti c'usi nopbil cu'une jech c'u cha'al laj spas ti David ti ja' stote.

1 Reyes 11:5

Ti Salomone lic snijan xchiman sba ta yich'el ta muc' ti Astarte sdiosic ti sidonioetique, xchi'uc ti jsoquesej o'ntonal sloc'obbail Milcom ti ja' yajdiosic ti amonitaetique.

1 Reyes 11:7

Ti jech yorail ta vo'ne taje, ti Salomone lic smeltsan c'opojebal yu'un Quemos ta vits ti oy ta sloq'ueb c'ac'al yu'un ti Jerusalene, jun jsoquesej o'ntonal loc'obbail dios yu'un ti Moabe, xchi'uc ti Moloc yajdiosic ti amonitaetique.

1 Reyes 16:31

Yu'un lec no'ox laj ya'i ta spasel ec ti c'usitic chopol laj spas ti Jeroboam xnich'on ti Nabate. C'ot ta pasel yu'un ti laj yic' ti Jezabel ti yantsil nich'on ti Et-baal ajvalil yu'un ti Sidone, ti lic sbic'tajes sba ta j'ech'el ta yich'el ta muc' ti loc'obbail Baale.

2 Reyes 17:16

Laj svalopatinic comel scotol smantaltac ti Ajvalil Dios yu'unique. Lic smeltsanic cha'cot sloc'obbail ch'in vacax ti unijesbil ta c'anal taq'uine, xchi'uc jun sloc'obbail ti Aserae, xchi'uc xtoc lic yich'ic ta muc' scotol ti c'usitic oy ta vinajele, xchi'uc ti Baale.

2 Reyes 23:13

Ti ajvalile mu xa sc'an sq'uelbe sat ti c'opojebaletic ti oy ta yeloval sloq'ueb c'ac'al yu'un ti Jerusalene, ti oy ta stuq'uil yolon ti yac'ol xocon sloq'ueb c'ac'al yu'un ti vits olivose, ti ja' meltsanbil comel yu'un ti Salomón ajvalil yu'un ti Israele. Ti june, ja' ta sventa ti Astarte j'ac'vanej ta vocol ch'ul me'il yu'unic ti sidonioetique. Ti june, ja' ta sventa ti j'ac'vanej ta vocol loc'obbail Quemos dios yu'unic ti moabitaetique. Ti june, ja' ta sventa ti j'ac'vanej ta vocol loc'obbail Milcom dios yu'unic ti amonitaetique.

2 Crónicas 28:23

Laj yaq'uilan milbil matanaletic ta stojol diosetic yu'un ti Damascoe, ti ja' ta scoj ti tsalbil c'ote. Laj snop, mi coltabil ti ajvaliletic ta jteclum Asiria yu'un ti diosetic taje, ja' jech ta xcoltaat ec mi ta xac'be ti milbil matanale, ti c'alal ja' ta scoj ti tsalbil c'ote, xchi'uc ta scotol ti Israele.

Salmos 106:36

Laj squejan sbaic ta yich'el ta muc' ti c'usi meltsanbil ta c'abale, lic sta svocol xchi'uquic ta scoj taj une.

Isaías 23:4

Ta xlic q'uexavan ta j'ech'el lum Sidón ti amacoj ti muc' ta nabe, ti xi no'ox ta xavalbe abae: “Mu jta jvocol jech c'u cha'al ti ants c'alal ta xlic xc'uxul xch'ut ta svoq'uesel ti yole, mi jutebuc ma' ti jech ta xc'ot ta jtojole. Mu'yuc calabtac ta sts'itesel, mi ja'uc ta stojobtasel jtsebtac.”

Jeremías 2:13

“Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Jeremías 2:20

“Le' xa talel ma' ti lic atoy abaic talel ta jtojole, ti mu xac'anic pasel ta mantal une. Xi laj avalbe abae: ‘laj c'op ma' ti ta xcac' jba ta tunel une.’ Ta scotol ti buyuc no'ox ti toyol vitsetique, ta yolon scotol ti limlim te'tique, lic avac' abaic ta stojol yan.

Jeremías 32:23

C'alal ochic talel ta jteclum li' une, laj yu'ninic un. Mu'yuc laj yaq'uicot ta venta. Mi ja'uc laj xch'unic ta spasel ti c'u s'elan laj atojobtase, mi ja'uc ti c'u s'elan laj avalbe ya'iique. Jech o xal un, laj atacbe talel ta stojol ti cuxul j'ilbajinvanej vocole.

Ezequiel 27:16

Ta xmanolaj ta atojol ec ti jteclum Edome, ta sventa ti col no'ox la'albat ti xi s'elan c'usitic ep xloc' x'ayan avu'une: ta xajelic xchi'uc ti abolomale, ta c'upil sba bax-ton ti ep ta tos ta xac' xojobale, ta bonbil poc' yax'elan xyaxale, ta luchbil poq'uetic, ta c'upil sba saquil xela poq'uetic, ta c'upil sba bax-ton ti yax'elan saquile, ta bax-ton ti tsoj-tsojtic ta xac' xojobale.

Deuteronomio 13:6

“Ja'uc le' une, oy bu ma' ti ta xc'ot ta pasel ja' achi'il ta voq'uele, mi aquerem nich'on, mi atseb, mi ac'uxubinbil ajnil, mi ja' ti buch'u spajem lec xavil abaic xchi'uque, ta mucul ta sc'an ta syanijes ajol yo' jech ta xanijan xachiman abaic ta yich'el ta muc' yan diosetic ti mu ja'uc xavojtiquinique, mi ja'uc laj yojtiquinic ti atot ame'ic ti laj ech'icuc ta vo'nee,

Deuteronomio 13:8

Mu me ja'uc xc'ot ta pasel ta xaco'oltas ajolic xchi'uc ti jech ta xac' ti sjol yo'nton stuque. Mi ja'uc xach'unbeic. Mi ja'uc ti ta xc'uxubaj avo'ntonic yu'une. Mi ja'uc ti abol sba ta xavile. Mi ja'uc xamucbe smul.

Deuteronomio 31:16

Va'i un, ti Diose xi laj yalbe ti Moisese: “Ti jech jutuc sc'an xc'ot yorail ta xachame, ti lum li'e, ta jech yepal ta xlic syanijes sbaic. Ta xich'ic ta muc' sdiosic ti jteclum ti bu ta xu'ninique. Va'i un, ta xlic yictaicun comel. Ta xlic soquesbeic sc'oplal ti jtrate ti laj jpas ta stojolique.

Deuteronomio 31:17

Ja'uc le' une, ta xlic tiluc ti sc'ac'al co'nton ta stojolique. Ta jipic comel ya'iic stuquic. Mu ja'uc jset'uc ta jvulesic ta co'nton. Mu albajuc ta xlic ti svocolique, ti at-o'nton ta xtal ta stojolique, ti lajebale, ti ta xc'ot ta pasel ti xi ta xlic yalique: ‘¿Mi mu ja'uc xana' ti mu'yuc xa li' xchi'inojotic ti Dios ti vi s'elan ta xquich'tic ti jvocoltique?’

Deuteronomio 32:15

“Ti jech taj une, jub ta j'ech'el ti Jesurune,, ti c'ot ta jun toyobba ta j'ech'el xchi'uque, (ti xt'ajet no'ox ti sat yu'un xepu'al ti sjubemale). Tey laj sjip laj sten comel ti Dios yu'une, ti ja' ac'bun xch'ulel yanimae; laj sbaj ti jchabivanej jpojvanej yu'une.

Josué 13:31

Laj yu'ninic xtoc o'lol jxet' yosil ti Galaade, xchi'uc ti jteclum Astarote, xchi'uc ti jteclum Edrei. Scotol taje, ja' laj yich' ti o'lol jvoc' snitilultac ti Maquire xnich'on ti Manasese, ja' ti c'u yepalic ta jujuchope.

Jueces 10:5

C'alal cham ti Jaire, laj yich' muquel yu'unic ta Camón.

Jueces 11:24

Ti c'usi ta xac'bot ti Quemos ti ja' dios avu'une, ta xava'i ti c'ot xa arextoe, ¿mi mu jechuc un? Ja' jech ti vu'uncutique, c'ot ta jrextocutic ta xca'icutic ti laj yac'buncutic ti Diose.

Jueces 13:1

Ja'uc ti israeletic une lic xcha'pasic chopol ta sba ta sat ti Diose. X'ech' cha'vinic (40) jabil sjalil aq'ueic comel ta yoc ta sc'ob filisteoetic yu'un Dios ti israeletique.

Jueces 16:23

Ti banquilaletic yu'un ti filisteoetique lic stsob sbaic yo' ta spasic q'uin ti cuch xa yu'unic ta stsalele. Lic smilbeic smoton ti dios Dagone, ti xi lic q'uejinicuque: “Ti dios cu'untique laj xa yac'botic ta coc ta jc'obtic ti cajcontratic Sansone.”

Jueces 3:7

Ti c'usitic laj spasic ti israeletique, chopol laj yil ta sba ta sat ti Diose. Yu'un tenbil c'ot ta o'ntonal yu'unic. Lic yac'beic yipal ta yich'el ta muc' ti yalel toyol sloc'obbail ti Baale xchi'uc ti Astartee.

Jueces 4:1

Ts'acal to un, ti c'alal chamem xa ox ti Aode, jech ti israeletique lic xcha'pasic ti c'usi chopol ta sba ta sat ti Diose.

Jueces 6:1

Ja'uc ti israeletic une chopol lic spasic ta sba ta sat ti Diose. Yu'un vucub (7) jabil sjalil aq'ueic ta yoc ta sc'ob madianitaetic yu'un ti Diose.

Jueces 8:33

Ta ts'acal to un, ti c'alal chamem xa ox ti Gedeone, jech ti israeletique lic xch'ac sbaic ta stojol ti Diose yo' jech lic snijan xchiman sbaic ta yich'el ta muc' ti ep ta tos sloc'obbailtac ti Baale. C'ot ta t'ujel yu'unic ta xrioxinel ti Baal-berite.

1 Samuel 5:2

Va'i un, laj xchechic batel, bat stiq'uic ta xch'ulna ti dios Dagone. Laj sbejanic ta sts'el ti bu va'al ti diose.