Jueces 10:4 - Bible in Tzotzil de Chamula

⁴ Laj yilbe sat lajuneb xcha'vinic (30) ta vo' squerem xnich'nab, ti xcajetic no'ox ta sburroic jujunique, xchi'uc ti oy jujun steclumalic ta yosilal ti Galaade. Ti lajuneb xcha'vinic jteclum taje, ojtiquinbil to yu'unic avi tana le'e, “Steclumal ti Jaire” xi sc'oplal.

Bible in Tzotzil de Chenalhó with Deuterocanon

⁴ Li Jaire oy lajuneb xcha'vinic (30) xnich'nab xchi'uc jujucot scajleb buroic. Xchi'uc oy lajuneb xcha'vinic (30) lumetic yu'unic. Ja' “Lumetic yu'un Jair” sbi; ja' jech sbi o c'alal to tana. Li lumetique te oy ta yosilal Galaad.

Jueces 10:4 Iomraidhean Croise

2 Samuel 16:2

Ti ajvalile xi laj sjaq'ue: —¿C'usi ta xtun o ti laj avich' talel le'e? Ti Sibae xi laj staq'ue: —Ti burroetique ta scajlebin batel ti c'u yepal oy yu'un ti ajvalile. Ja'uc ti panetique xchi'uc ti sat lo'bolal te'etique, ta stun ta slajesic ti soldadoetique. Ti vinoe, ja' ta xuch'ic ti buch'utic ta xlubic ta be ti ta sbajtical banomile.

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

Números 32:41

Ti Jaire, snitilultac ti Manasese, laj yu'ninic ta spojel jun chibuc bic'tal jteclumetic ti oy ta yosil ti amorreoetique, ti laj yac'beic sbiin Havot-jaire.

Deuteronomio 3:14

(Ja'uc ti Jaire, sts'unubal ti Manasese, laj yu'nin ta spojel ti Argobe, ti c'ot c'alal to sts'actac Gesure xchi'uc Maacae, ti sbiinoj to ox Basane, ti lic sbiiltas Havot-jair ti ja' sbi stuque, ti ja' to jech sbiinoj yu'unic avi tana le' une.)

Jueces 10:3

Ts'acal to un, lic sva'an sba ti Jair ti liquem talel ta Galaade, ti chib xcha'vinic (22) jabil laj spas ajvalilal ta stojol ti israeletique.

Jueces 10:5

C'alal cham ti Jaire, laj yich' muquel yu'unic ta Camón.

Jueces 12:14

Vaxaquib (8) jabil sjalil laj spoj ti israeletique. Ti Abdone laj yilbe sat cha'vinic (40) ta vo' squeremetic xchi'uc lajuneb xcha'vinic (30) ta vo' smamobtac ti xcajetic no'ox ta sburroic jujunique.

Jueces 5:10

“Xi s'elan alic ti vo'oxuc ti xacajetic ta sac pojan me' burroe, ti vo'oxuc xachotetic ta lequil chotlebale, xchi'uc xtoc ti vo'oxuc ti xanviloxuque: