Jueces 10:16 - Bible in Tzotzil de Chamula

¹⁶ Jech ti israeletique lic stubbeic sc'oplal ti jeche' diosetique yo' jech ta xlic yich'ic ta muc' ti Dios yan veltae. Jech ti Diose mi ja'uc xa ts'icbaj ta xa'i ti ilbajinbilic ti israeletique.

Bible in Tzotzil de Chenalhó with Deuterocanon

¹⁶ Jech lic sloq'uesic ta stojolic li yantic diosetic yu'unique; ja' lic yich'ic ta muc' stuc li Muc'ul Diose. Li Muc'ul Diose toj abul sba laj yil ti ep chich'ic vocol li israeletique.

Jueces 10:16 Iomraidhean Croise

Génesis 6:6

Jech o xal un, laj xcha'na' ti laj smeltsan ti vinique. Mu ts'icbaj laj ya'i.

2 Reyes 13:23

Ja'uc ti Dios une toj abol sba laj yil. C'uxubaj yo'nton ta stojolic. Ta sventa ti spasoj strate xchi'uc ti Abrahame, ti Isaaque, ti Jacobe, lic yac' sjol ta stojolic. Mi ja'uc laj stubbe sts'unubalic. Mi ja'uc laj sten loq'uel ta stojol, ti ja' to jech mu'yuc tenvanem avi tana le'e.

2 Crónicas 15:8

C'alal laj ya'i ti Asa ti va'i s'elan a'yej yu'un ti j'alc'ope, ayan to yip ti yo'ntone. Lic slilin loq'uel ti loc'obbail diosetic ti oy ta sjunlej sbanomil ti Judae, xchi'uc ti ta Benjamine, xchi'uc ti ta jteclumetic ti laj yu'ninan ta svitsal yosil ti Efraine. Lic xcha'meltsan ti yaltar Dios ti oy ta ochebal sti' xch'ulna ti Diose.

2 Crónicas 33:15

Ma'uc no'ox taje, laj sjipan loq'uel ta xch'ulna Dios ti bisbilic ta diosetique, ti loc'obbailetique, jech c'u cha'al ti altaretic ti ma'uc c'otem ta sventa Dios ti laj smeltsanan ta svitsal yosilal ti ch'ulnae, xchi'uc ta sjunul ti Jerusalene, ti laj sten loq'uel ta jteclume.

2 Crónicas 7:14

mi ta sbic'tajes sbaic ti jteclumale, mi ta xc'opoj xti'inic ta jventa ti jteclumale, mi ta xtalic ta jtojole, mi ta sutes sbaic ti bu chopol stamojic batele, jech ti vu'une, ta vinajel to, ta xca'ibe ti sc'opique. Ta jch'aybeic ti smul scolo'ique. Ta xcha'utsibaj ti yosilic cu'une.

Salmos 73:21

Soquet no'ox banomil laj ca'i yu'un le' une; st'uset no'ox co'nton yu'un ti xc'uxul une.

Isaías 63:9

Scotol ti vocol lamal ta stojolique, cajal c'ot ta sba. Yu'un mu yanuc buch'u ti jpojvanej yu'unique, ja' laj sva'an sba talel stuc ti Diose. Pojeic yu'un ta sventa yutsilal slequilal, xc'uxul yo'nton. Laj stam, laj snit liquel. Jech ono'ox stalel ta spas.

Jeremías 31:20

“Steclumal ti Efraine, ja' jun jnich'on ta xca'i ti c'ux ta co'ntone, nich'onil ti jelavem xc'uxubinel cu'une. C'alal ta jajantae, mu ono'ox tenbaj ta xca'i, ta ono'ox jvul co'nton yu'un. Ta xca'i ti mu'yuc spajeb ti xc'uxul co'nton ta stojole. Ti vu'un Diosune, mu lo'iluc no'ox ta xcal.

Oseas 11:8

“¿C'usi ta xcut ta jipot comel ta co'nton, Efraín? ¿C'usi ta xcut ta jtenot comel, Israel? ¿Mi yu'un xu' ta jlilinot jech c'u cha'al laj jtsutses ti jteclum Admae? ¿Mi yu'un xu' jech ta jpas ta atojol ec jech c'u cha'al laj jpasbe ti jteclum Zeboime? Xtal xbat ti co'nton avu'un ta xca'ie. Yu'un mu'yuc spajeb ti syail xc'uxul co'nton ta atojole.

Oseas 14:8

Xi ta xlic yal ti Efraine: ‘¿C'usi xa jventa ti va'anbil diosetique?’ Yu'un ti vu'une jbainoj ta xchabiel ta yac'bel ti c'usi ta xtun yu'un ti jteclume. Yu'un ti vu'une jech c'otemun jech c'u cha'al ti jpets toj ti yaxc'utan no'oxe. Yu'un tey ta staic ta jtojol ti oy ta ye ta sti'ic scotol ti jteclumale.”

Miqueas 7:18

Mu'yuc xa yan jech c'u cha'al ti vo'ote, Dios, ta xach'ay ti mulil colo'ile, ta xatub ta avo'nton stoyobbail ti vi xa yepal scomelal ti ateclumale, ta xavac' ta ilel ti syail xc'uxul avo'nton ta jtojolcutique. Mu teyuc no'ox staoj yav oy o ti sc'ac'al avo'ntone.

San Lucas 15:20

Jech un, laj stam batel sbe. Sut batel ta sna ti stote. “C'alal nom to sc'an ta xc'ote, ile yu'un ti stote, c'uxubaj yo'nton ta stojol. Bat nupatuc ta be ta anil. Meye sbuts'e yu'un.

San Lucas 19:41

C'alal c'ot ta sts'el ti Jerusalene, laj yil lamal ti jteclume. Ti Jesuse oc' ta stojol.

San Juan 11:34

Xi laj sjac' ti Jesuse: —¿Bu laj amuquic un? Xi laj yalbeique: —Cajval, la' jq'ueltic avil.

Efesios 4:32

Oyuc slequilal avo'ntonic ti c'uxuc xava'i abaique. Ch'aybo aba amulic ta jujun tal jech c'u cha'al laj xch'ayboxuc amulic ti Dios ta sventa ti Jesucristoe.

Deuteronomio 32:36

“Ti Diose ta xloc' talel ta spojel ti slumal ti c'alal ta xil ti mu'yuc xa ti yipal yu'unique. Yu'un ti Diose ta xlic xc'uxubaj yo'nton yu'un ti yajtuneltac ti c'alal ta xil ti mu ja'uc xa junuc ta xcom ti buch'u tsotsique, ti mu ja'uc xa junuc ta xcom ti buch'u ch'abal ti yipic ono'oxe.

Hebreos 3:10

Jech o xal un, li'ilin yu'un ti jvoc' jch'iel jc'opojeletic taje, ti xi laj cale: ‘J'ech'el ch'acal yo'ntonic ta jtojol, yu'un mu sc'an stamic ti jbe bu jtamoj batele.’

Hebreos 4:15

Yu'un ti Banquilal Pale cu'untique ta xc'uxubaj yo'nton yu'un ti jvocoltic ta scoj ch'abal ti yipal cu'untique. Yu'un ti stuque laj ya'i c'u s'elan ti vocol jech c'u cha'al ta xca'itique. Ja' no'ox un, ti stuque mu'yuc x'ech' xjelav ta stael ti smule.

Josué 24:23

Xi tac'batic yu'un ti Josuee: —Lec un cha'e, tenic loq'uel ti yan diosetic ti oy ta atojolique. Sutanic talel ta sjunuluc avo'ntonic ta stojol ti Ajvalil Dios yu'un ti Israele.

Jueces 2:18

Ti ta jujun velta ti ta stac talel jtsobvanej ti Diose, ta xcoltaatic yu'un. Ti c'u sjalil ta xcuxi ti jtsobvaneje, ta stic' sba ta spojel ti israeletic yu'un ti yajcontraic ti jelavem xu' yu'unique, yu'un ta xc'uxubaj yo'nton. Ta xa'i ti x'ajlajetic yu'un yipal ti svocolique.

1 Samuel 12:10

Ja'uc le' une, lic ya'i sbaic ti staoj smulic ta stojol ti Dios ti jech laj xa svalopatinic comel ta scoj ti bat snijan xchiman sbaic ta yich'el ta muc' ti ep ta tos sloc'obbail ti Baale, xchi'uc ti Astartee. Jech xvocoletic liquel ti ac'o pojaticuc ti tsalbilic yu'un ti yajcontraique, xchi'uc ti laj yac' ye sti'ic ti c'ajomal no'ox ta snijan xchiman sbaic ta yich'el ta muc' stuc ti Diose.

1 Samuel 7:3

Taj une, ti Samuele xi laj yalbe ya'i ti israeletique: “Mi ta sjunul avo'ntonic ta xasutic talel ta stojol ti Diose, tsots sc'oplal ta xatenic loq'uel ti yan diosetique, xchi'uc sloc'obbail ti Astartee, ti ta xavac' abaic ta tunesel yu'un ti Diose. C'ajomal no'ox stuc ta xavaq'uic ta ich'el ta muc'. Va'i un, ti stuque ta spojoxuc loq'uel ta yoc ta sc'ob ti contrainbiloxuc yu'un ti filisteoetique.”

1 Samuel 7:4

Ti israeletic une lic stenic loq'uel ta stojolic ti ep ta tos sloc'obbailtac ti Baale xchi'uc ti Astartee. C'ajomal no'ox lic snijan xchiman sbaic ta yich'elic ta muc' ti Diose.