Jueces 10:14 - Bible in Tzotzil de Chamula

¹⁴ ¡Batanic, ba c'anbeic pojel coltael yu'un ti diosetic ti loc' ayan ta avo'ntonic ta st'ujele! ¡Ac'o stic' sba sva'an sba ta apojelic ti jech mu x'ech' xjelav ta xava'iic ti vocole!”

Bible in Tzotzil de Chenalhó with Deuterocanon

¹⁴ Ja' bat c'anbeic vocol li diosetic avu'unic laj at'ujique. Ac'o scoltaoxuc loq'uel ta sventa li avocolique”, xut.

Jueces 10:14 Iomraidhean Croise

2 Reyes 3:13

Ja'uc ti Eliseoe xi laj yalbe ya'i ti ajvalil yu'un ti Israele: —¿Mi yu'un xavac'touc avaloj ta jtic' jba ta atojol une? Ja' ba jac'o aba ta stojol ti yaj'alc'optac ti atot ame'e. Ti ajvalil yu'un ti Israele xi xvulvun liquele: —Mu xaval jech, yu'un ti oxib ajvaliluncutic li'e, tijbil xa talel jolcutic yu'un ti Dios yilele yo' jech ta xi'ochcutic ta yoc ta sc'ob ti moabitaetique.

Isaías 10:3

¿C'usi ta xavut abaic un, ti c'alal ta xa'ich'bat ave'ique, ti c'alal ta xavilic ti le' xa xtal ti tsitsele? ¿Buch'u ta xbat atijbeic sjol ta sc'anel ti pojele? ¿Bu ta xavaq'uic comel ti ac'ulejalic une?

Isaías 46:7

Xq'uechojic xa batel ta snequebic. Ta scajanic ta scajleb ti va'al ta xcom yu'unic ti bu taje. Mu ja'uc xa ta sjel yavil ti bu va'al c'ote. Ac'o mi x'avlajetic ta sc'anbel vocol ti pojaticuque, mi ja'uc oy c'usi ta xc'ot ta pasel, mi ja'uc ta xpojatic yu'un ti c'alal oyic ta vocole.

Isaías 57:13

Yu'un ti c'alal xa'avet xa ta xac'an ti apojele, mi ja'uc xascolta, mi ja'uc ta stic' sba ta apojel ma' ti avajdiostaque. Bec'bil ta ic' ta xbat scotolic, ta jvuch'tael no'ox ch'ab xi sc'oplalic. Ja'uc ti buch'utic spatoj yo'nton ta jtojole, ta xnaqui ta jteclum. Ta xlic ch'i c'opojuc ta ch'ul vits cu'un.”

Jeremías 2:28

“Jteclum Judá, ¿bu oy ti adiostac ti laj ameltsan une? Jech yepal avajdiostac jech c'u cha'al ti jteclumetic avu'une. Talicuc un cha'e, vinajuc mi xu' yu'unic ta spojeloxuc c'alal ta xvul ta atojolic ti vocole.

Ezequiel 20:39

‘A'yio ava'iic, jteclum Israel, xi s'elan ta xal ti Diose: Ba loq'ueso avil avo'ntonic ta yich'el ta muc' ti loc'obbailetic avu'unique. Ta ts'acal ti vo'oxuc une ta xlic avaq'uicun ta venta, yu'un laj c'op ta soquesel jc'oplal ta yaq'uilanel matanal ta sventa ta yich'el ta muc' ti loc'obbailetic avu'unique.