Jueces 10:13 - Bible in Tzotzil de Chamula

¹³ Manchuc mi jech un, laj avalopatinicun comel ti bat anijan achiman abaic ta yich'el ta muc' ti yan diosetique. Mi ja'uc xa ta jtic' jba ta apojelic yan velta avi tana li' une.

Bible in Tzotzil de Chenalhó with Deuterocanon

¹³ Vo'oxuc laj acomtsanicun; ja' laj avich'ic ta muc' li yantic diosetique. Ja' yu'un mu'yuc xa chajcoltaoxuc.

Jueces 10:13 Iomraidhean Croise

1 Crónicas 28:9

Ti vo'ot ec une, nich'on Salomón, c'otuc me ta Dios avu'un ti Dios yu'un ti atote. Ta sjunuluc avo'nton, tunan ta stojol. Oyuc slequil ti ajol avo'ntone, yu'un ti Diose chajal ta sba ta sat ti c'usi ta xich' pasele, ti c'u s'elan ti snopbenale. Jech ec mi ta xasa'e, jech ti stuque ta xac' sba iluc ta atojol. Mi ta xach'ac aba ta stojole, ta j'ech'el bajbil tenbil ta xac'ot yu'un.

2 Crónicas 12:5

Va'i un, ti j'alc'op Semaiase bat ta stojol ti Roboame, xchi'uc ta stojol ti banquilaletic yu'un ti Judae, ti stsoboj sbaic ta Jerusalén ti xvolet xa batel ti Sisaque, ti xi laj yalbe ya'iique: —Ti Diose ta xal ti laj xa avictaic comele. Ch'abal xa c'usi ta alel. Jech o xal tana li' une, sq'uelojoxuc xa no'ox ta xayac'oxuc ta yoc ta sc'ob ti Sisaque.

2 Crónicas 15:2

loc' batel ta sa'el ti Asae yo' jech xi ta xalbe ya'ie: “¡A'yio ava'i, Asa, ts'etanbun achiquin xchi'uc acotolic ti vo'oxuque, Judá, Benjamín! Oy ta atojolic ti Diose mi nabaloxuc ta stojole. Mi ta xasa'ique, ta xataic. Mi ta xaq'uej abaic ta stojole, ta xastenoxuc comel.

2 Crónicas 21:10

Ti le' une, cuch yu'un sventainel sba stuc ti Edome, ti jech to oy avi tana le' une. Ma'uc pasbilic ta mantal yu'un ti Judae. Ti jech yorail ta vo'ne taje, lic sventain sba stuc ti jteclum Libnae, yu'un ti Jorame laj xa svalopatin comel ti Ajvalile, Dios yu'un ti smolmuc'totac ta vo'nee.

Jeremías 2:13

“Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Jeremías 2:19

Ta scoj no'ox achopolal ta xata tsitsel yu'un, ta scoj ti mu junuc avo'ntone, ta xatoj un. Ts'ijlan ta snopel ava'i, ta xlic avil un ti mu xnel x'ech' ti vocol ta scoj laj avictaun comele, ti mu'yuc laj avich'un ta muq'ue c'alal vu'un ti Ajvalil Dios avu'une. Diosun ti scotol xu' cu'une, mu stselbuj ma' ti jc'op une.

Jonás 2:8

Ti buch'utic ta sts'acliic ta yich'el ta muc' ti loc'obbailetique, ja' ta xc'ot ta pasel ti mu xa junuc ti sjol yo'ntonic ta atojolale.

Deuteronomio 32:15

“Ti jech taj une, jub ta j'ech'el ti Jesurune,, ti c'ot ta jun toyobba ta j'ech'el xchi'uque, (ti xt'ajet no'ox ti sat yu'un xepu'al ti sjubemale). Tey laj sjip laj sten comel ti Dios yu'une, ti ja' ac'bun xch'ulel yanimae; laj sbaj ti jchabivanej jpojvanej yu'une.

Jueces 10:14

¡Batanic, ba c'anbeic pojel coltael yu'un ti diosetic ti loc' ayan ta avo'ntonic ta st'ujele! ¡Ac'o stic' sba sva'an sba ta apojelic ti jech mu x'ech' xjelav ta xava'iic ti vocole!”

Jueces 2:12

Laj yictaic comel ti Ajvalil Dios yu'un ti smolmuc'totic ti loq'uesatic talel ta Egiptoe. Lic snaban sbaic ta yich'el ta muc' ti diosetic yu'un ti jnaclejetic ti joyol ta spat ta xoconique. Lic sliquesbeic sc'ac'al yo'nton ti Dios ti jech taj une.

Jueces 2:19

Ja'uc le' une, c'alal ta xcham ti jtsobvaneje, ta xlic soques sbaic, ti x'ech' to xjelav ti c'usi chopol ta spasique, ja' mu to sta ti stot sme'ique, ti xnijiletic xchimiletic ta xich'ic ta muc' ta xac' sbaic ta tunel yu'un ti yan diosetique. Mi ja'uc ictabaj ta xa'iic ta spasel ti c'usi chopole. C'ajomal no'ox yac'ojbeic yipal ti mu xa'ibeic xchiquinale.