Jueces 1:23 - Bible in Tzotzil de Chamula

²³ Va'i un, laj staquic batel jpa'ivanejetic ti bu taje. Yu'un coltabilic yu'un ti Dios une,

Bible in Tzotzil de Chenalhó with Deuterocanon

²³ Ba'yuc la staquic batel boch'o chbat sq'uel c'u x'elan li lum Betele, ja' li Luz to'ox yan sbie.

Jueces 1:23 Iomraidhean Croise

Génesis 28:19

Ti bu taje, oy to ox jun jteclum, Luz sbiinoj. Ti Jacob une laj sjeltabe sbi, laj yac'be sbiin Betel.

Génesis 35:6

Ti Jacobe xchi'uc ti c'u yepal xchi'inoj batele, c'otic ta jteclum Luz ti sbiinoj Betel xtoc ti oy ta Canaane.

Génesis 48:3

Xi laj yalbe ti Josee: —Ti Dios scotol xu' yu'une laj sva'an sba ta jtojol. Laj yac' sba iluc ta jteclum Luz ti oy ta Canaán banomil

Josué 16:1

Ti bu c'ot yorail yu'unic ti laj yich' yosilic snitilultac ti Josee, lic batel ta yeloval sloq'ueb c'ac'al ti oy ta uc'um Jordane, ta yac'ol sat vo'etic yu'un ti Jericoe. Ta stam ech'el ti c'ot c'alal to sbajtical banomile. Ta stam ech'el ti c'u sjamlej ti muc'tiquil vitsetic ti ta xc'ot ta Jericoe, xchi'uc ti ta Betele.

Josué 16:2

Ta xlic ech'el ta Betel ti ja' Luz ti yan sbi xtoque. Ta x'ech' batel ta sts'ac yosilic ti arquitaetique, ti c'ot c'alal to Atarote.

Josué 18:13

Ti bu taje, laj stam ech'el ti c'ot ta Luz (ti Betel xcaltique) ta stuq'uil yolon ti yac'ol xocon sloq'ueb c'ac'ale, ti yal ech'el ta Atarot-adar ti ta vits ti oy ta yolon ti yac'ol xocon sloq'ueb c'ac'al yu'un ti Bet-horón ti oy ta olone.

Josué 2:1

Ta Sitim to, ti Josuee ta mucul laj stac batel cha'vo' jpa'ivanej jq'uel-osil viniquetic ti xi laj yalbe batele: “Batanic ta xchajel ta q'uelel yosilal ti jteclum Jericoe.” Ti stuquique batic, c'otic ta sna jun ants ti sna' sbolomalin sba ti Rahab sbi ti nacal ta Jericoe. Laj xch'amunbeic sna yo' ta x'ech' yu'unic ti ac'ubale.

Josué 7:2

Ti Josuee, ta Jericó to, laj stac batel jun chibuc viniquetic c'alal ta jteclum Hai ti oy ta yeloval sloq'ueb c'ac'al yu'un ti Betele, ti nopol xil sba xchi'uc ti Bet-avene. Ti Josuee laj yalbe ya'iic ti ac'o xchajic ta q'uelel ti Haie. Jech ti stuquique batic ta xchajel ta q'uelel ti osile.

Jueces 1:22

Snitilultac ti Josee c'ot ta nopel yu'unic ta stsaquic ta leto ti Betele, ti ja' jteclum Luz sbi ta ba'yel to oxe.

Jueces 18:2

Jech o xal snitilultac ti Dane, ta Zora to xchi'uc ta Estaol to, laj staquic batel vo'ob (5) tsatsaquil viniquetic yo' ta xtunic ta jpa'ivanej ta xchajel ta q'uelel ti banomile. Ti vo'ob jpa'ivanejetic taje ech'ic ta vitstic ti bu oy yosil ti Efraine, ti c'otic ta sna ti Micaía ti ech' yu'unic ti ac'ubaltic ti bu taje.