Jueces 1:21 - Bible in Tzotzil de Chamula

²¹ Ja'uc snitilultac ti Benjamine, mu'yuc xu' yu'unic ta stenel loq'uel ti jebuseoetic ti nacalic ta Jerusalene. Jech o xal avi tana le' une, snitilultac ti Benjamine staoj yav jmoj nacalic xchi'uc ti jebuseoetic ta Jerusalene.

Bible in Tzotzil de Chenalhó with Deuterocanon

²¹ Pero li jchop liquemic ta Benjamine muc xu' yu'unic la snutsic loq'uel te ta Jerusalén li jebusetic te nacajtique. Ja' yu'un te la xchi'inic o ta naclej. Yoquel te xchi'inojic o ta naclej ta Jerusalén c'alal to tana.

Jueces 1:21 Iomraidhean Croise

1 Reyes 9:21

ti ja'ic xa ti snitilulic ti comic xa ta naclej xcaltique, ti mu'yuc stsutsesatic ta j'ech'el yu'un ti israeletique, tsots sujbilic ta abtel yu'un ti Salomone, ti ja' to jech oyic avi tana li'e.

1 Crónicas 1:14

Ta stojolal ti Canaane, lic talel sts'unubalic ti jebuseoetique, ti amorreoetique, ti gergeseoetique, ti heveoetique, ti araceoetique, ti sineoetique, ti arvadeoetique, ti zemareoetique, xchi'uc ti hamateoetique.

1 Crónicas 11:4

Ti Davide xchi'uc scotol ti israeletique, laj stam batel sbeic ta Jerusalén, ti Jebús to ox ti sbie. Naca jebuseoetic nacalic ma' ta banomil taj une.

1 Crónicas 8:28

Taje, naca totil jtsobvanej yu'unic ti jujuchop nitiluletic ti nacalic ta Jerusalene.

2 Crónicas 8:8

ti lec ta alele, ja' xa snitilulic sts'unubalic ta jteclum ti mu'yuc stsutsesatic ta j'ech'el yu'un ti israeletique, tsots lic aq'ue abtejicuc yu'un ti Salomone, ti jech to staoj yav avi tana le'e.

Salmos 106:34

Mu'yuc laj stubbeic sts'unubal jteclumetic ti yaloj no'ox Dios ta stsutses ta j'ech'ele.

Josué 15:63

Ja'uc ti snitilultac ti Judae, mu'yuc xu' yu'unic ta stenel loq'uel ti jebuseoetic ti nacalic ta yosilal ti Jerusalene. Avi tana le' une, ti jebuseoetique staoj yav jmoj nacalic xchi'uc ti snitilultac ti Judá ta Jerusalene.

Jueces 1:22

Snitilultac ti Josee c'ot ta nopel yu'unic ta stsaquic ta leto ti Betele, ti ja' jteclum Luz sbi ta ba'yel to oxe.

Jueces 1:27

Ja'uc snitilultac ti Manasese, mu'yuc xu' yu'unic stenel loq'uel ti cananeoetic ti nacalic ta jteclum Bet-seane, ti Taanaque, ti Dore, ti Ibleame, ti Meguidoe, xchi'uc ti bic'tal lumetic ti joyol ta spat ta xocon ti lume. Jech o xal ti cananeoetique comic ta naclej xchi'uc ti israeletic ti bu taje.

Jueces 1:8

Snitilultac ti Judae lic tsacvanicuc ta leto. Laj yu'ninic ti Jerusalene. C'alal laj smilic ta espada scotol ti jnaclejetique, lic stic'beic sc'ac'al ti jteclume.