Jueces 1:19 - Bible in Tzotzil de Chamula

¹⁹ Ti snitilultac ti Judae, ac'o mi sva'anoj sba ti Dios ta stojolic une, ti cuch yu'unic ta yu'ninel ti muc'tiquil vitstique, ja' xa mu'yuc xu' yu'unic ta stenel loq'uel ti buch'utic nacalic ta stenleje, yu'un naca taq'uin meltsanbil ti scarretaique.

Bible in Tzotzil de Chenalhó with Deuterocanon

¹⁹ Li Judae te chi'inbil yu'un li Muc'ul Diose, jech ivu' yu'un la stsalic li boch'otic te nacajtic ta vitsetic ta toyolaltique. Ja' xa no'ox muc stsal yu'unic li boch'otic te nacajtic ta stenlejaltique yu'un oy lec scaretaic pasbilic ta stsatsal taq'uin.

Jueces 1:19 Iomraidhean Croise

Génesis 39:2

Ja' no'ox un, ti Josee chi'inbil yu'un ti Diose. Jech o xal lec bat yu'un c'alal nacal ta sna ti jun egipcio vinic ti ja' yajvale.

Génesis 39:21

ja' no'ox un, chi'inbil yu'un ti Diose. Yu'un sva'anoj sba ta stojol yo' jech ta sta ti lec x'ilat yu'un ti banquilal jchabiej chuqueletique.

2 Samuel 5:10

Ja'uc ti Davide yantic stsac ech'el yip ti c'usi ta spase, chi'inbil yu'un ti Ajvalil Dios ti scotol xu' yu'une.

2 Reyes 18:7

Jech o xal coltabil yu'un ti Diose. Scotol ti c'usi ta spase, lec ta xc'ot ta pasel yu'un. Ti Ezequiase laj stoy sba ta scontrainel ti ajvalil yu'un ti Asiriae. Mi ja'uc laj xch'un pasel ti mantale.

Salmos 46:11

Li' oy ta jtojoltic ma' ti Dios ti scotol xu' yu'une. Dios yu'un ti Jacobe c'otem ta jnac'obbailtic.

Salmos 46:7

Li' oy ta jtojoltic ma' ti Dios ti scotol xu' yu'une; ti Dios yu'un ti Jacobe c'otem ta jnac'obbailtic.

Salmos 46:9

c'ot xa ta tsutsel yu'un letovajel ti bu xa oy jujuti' ti banomile, c'as xa yu'un ti syolobique, lilij xa yu'un ti lanzaetique, laj xa spajbe sc'ac'al ti carretaetic sventa ac'ob-letoe.

Salmos 60:12

Ta sventa ta stic' sba ta coltavanej ti Diose, yepal no'ox ti c'usi muc'tic ta xc'ot ta pasel cu'uncutique; ja' stuc ta sju' ta teq'uel ti jcontracutique.

Eclesiastés 9:11

Ti li' ta banomile, quiloj ti oy xi s'elan c'usitic ta xc'ot ta pasele: ma'uc cuchem xa yu'un anilajel ti buch'u xvilic no'ox ta anile. Ma'uc cuchem xa yu'un letovajel ti buch'u tsots xa'i sbaique. Ma'uc busul no'ox sve'el ti buch'u bijique. Ma'uc c'otem ta jc'ulej ti xac' lec sjolilal yu'une. Ma'uc ich'bilic xa lec ta muc' ti buch'u tojobtasbilic leque. Scotolic taje, taban to bu lec c'ot ti yorail yu'unique.

Isaías 41:10

Mu xaxi', yu'un li' jchi'inojote, mi ja'uc xatsiq'ues avo'nton, yu'un Diosun avu'un. Ta xcac'bot avip, ta jcoltaot. Ta sventa ti jelavem xu' cu'une, icbil japbilot cu'un.

Isaías 7:14

Avi tana li'e, xi s'elan ta xlic yac'boxuc avilic senyail stuc ti Diose: Xchi'inoj xa yol ti jun tsebe, ti ta xilbe sat ti yol ti Emanuel ta xac'be ti sbie.

Isaías 8:10

C'otuc xa ta nopel avu'unic ti c'usi sc'an pasele, ta xc'ot ta soquel ta be; abtelano xa avilic ti c'usi sc'an pasele, mu'yuc xc'ot ta pasel, yu'un sva'anoj sba ti Dios ta jtojolcutique.

San Mateo 1:23

‘Ta xchi'in yol ti jun tojol tsebe. Ta x'ayan jun squerem, Emanuel ta xac'be sbiin.’ (“Dios ta sva'an stec'an sba ta jtojoltic”, ti xi ta xac'be sbiine.)

Romanos 8:31

¿C'usi xu' ta xcaltic un cha'e? Mi jech sva'anoj stec'anoj sba ti Dios ta jtojoltique, mu'yuc buch'u xu' ta xismacotic ta be.

Filipenses 4:13

Xu' cu'un scotol ta sventa Cristo, yu'un ja' ta xiyac'bun jtsatsal.

Josué 1:5

Ti c'u sjalil ti ach'iel ac'opojele, mu'yuc buch'u ta xastsalot. Yu'un j'ech'el jva'anoj jba ta atojol jech c'u cha'al laj jva'an jba ta stojol ti Moisese. Mi ja'uc ta xaquictaot comel. Mi ja'uc ta xajtenot comel.

Josué 1:9

Vu'un ta xcal ti tsotsane, ti mu xatsiq'ues avo'ntone. Mu xasibtas aba. Mi ja'uc xavul avo'nton. Yu'un vu'un ti Ajvalil Diosun avu'une ta jva'an jba ta atojolal ti buyuc no'ox ta xabate.”

Josué 14:12

Jech o xal un, avocoluc, ac'o avac'bun yosilal ti muc'tiquil vitstique jech c'u cha'al albilun yu'un ti Diose. Yu'un ana'oj lec ti nacalic to ox snitilultac ti inate' vinic Anaque, ti muc'tic no'ox ti jteclumetic yu'unique, ti lec meltsanbil ti smocalique. C'otem ta jol ta co'nton ta xiscoltaun ta sva'an sba ti Diose, ti ta sten loq'uel jech c'u cha'al yalojbun ono'oxe.”

Josué 6:27

Ti Diose laj stic' sba ta scoltael ti Josuee, ti buyuc no'ox vinaj batel sc'oplale.

Josué 7:12

Jech o xal ti israeletique mu xu' yu'unic stsaquic ta c'op ti scontraique, yu'un ja' no'ox ta stambeic jatobal. Avi tana le'e, ja' xtunic o ti ac'o yich'ic tsutsesel ta j'ech'el ti israeletique. Ti mi mu xatsutsesbeic sc'oplal ta ora ti laj xa cal jmantal ti ac'o yich' tubbel sc'oplale, ta xquictaoxuc comel.

Jueces 1:2

Tac'batic talel yu'un ti Diose, ti ja' ba'yel ta sliques tsacvanej ta leto ti Judae, yu'un oy xa sc'oplal ti ac'bil xa ta yoc ta sc'ob ti banomile.

Jueces 4:13

Jech o xal laj stsob baluneb ciento (900) ta cot ti scarreta ti meltsanbil ta taq'uine xchi'uc scotol ti yajsoldadotaque. Xvoletic no'ox batel ta Haróset-goim xchi'uc scotol ti yajsoldadotaque, ti c'ot ta uc'um Cisone.

Jueces 4:3

Ti Jabin taje, oy yu'un baluneb ciento (900) ta cot carreta ti meltsanbil ta taq'uine. Jtob (20) jabil sjalil tsots laj yilbajin ti israeletique, ja' to ti c'alal xvocoletic liquel ta stojol ti Dios ti ac'o coltaaticuque.

1 Samuel 18:12

Ti Saule ta xi' yu'un ti Davide, ja' ti coltabil yu'un ti Dios ti Davide. Ja'uc ti stuque mu'yuc xa ta xcoltaat yu'un.

1 Samuel 18:14

Ti coltabil yu'un Dios ti Davide, lec ta xc'ot ta loq'uel yu'un scotol ti c'usi ta spase.

1 Samuel 18:5

Vinaj sbijil ta spasel ti David ti c'u s'elan ta x'albat yu'un ti Saule. Lec laj stuc'ulan ta spasel ta j'ech'ele ti ac'bat sbain yu'un Saúl ti j'ac'-leto viniquetique. Ti jech taje, lec laj ya'iic scotol ti j'ac'-letoetique xchi'uc ti j'opisialetic yu'un ti Saule.