Jueces 1:18 - Bible in Tzotzil de Chamula

¹⁸ Ja'uc le' une, mu'yuc xu' yu'unic ta yu'ninel ti jteclum Gazae, ti Ascalone, xchi'uc ti Ecrone, mi ja'uc ti c'u yepal joyol ta spat ta xocontaque.

Bible in Tzotzil de Chenalhó with Deuterocanon

¹⁸ Li Judae laj yich'ic noxtoc li lum Gaza xchi'uc yosilale, xchi'uc li Ascalón xchi'uc yosilale, xchi'uc li Ecrón xchi'uc yosilale.

Jueces 1:18 Iomraidhean Croise

1 Reyes 4:24

Yu'un ti Salomone sventainoj scotol ti banomiletic ta Eufrates ti oy ta stuq'uil smaleb c'ac'ale, ti ta xlic ech'el ta Tifsae, ti ta xc'ot c'alal to Gazae. Sventainoj xtoc scotol ti ajvaliletic ti bu taje, ti lamajem ti c'op yu'un ta sjoyobal ti yosilique.

Éxodo 23:31

Ti ats'actac ti bu c'alal ta xpaje, ta xlic talel ta Tsajal Nab, ta xc'ot c'alal to nab yu'un ti filisteoetique. Ta xlic talel ti ta sbajtical banomile, ta xc'ot c'alal to uc'um Eufrates. Laj xa cac'bot ta avoc ta ac'ob ti jnaclejetic taje, yu'un ta aba ta asat ta xajipic loq'uel.

Jeremías 47:5

Ti jnaclejetic ta Gazae ta st'anbun ta loq'uel ti stsotsil sjolique. Uma' xa xa'i sbaic ti jnaclejetic ta Ascalone. Scomelal sts'unubal inate' viniquetic, ¿c'usi to ora ta xapajes ta syayijesel aba ti mu x'ech' ti avocol ta xava'ie?

Deuteronomio 2:23

Yu'un jech ono'ox c'ot ta stojolic ti heveoetic ti nacalic to' ox ta jun biq'uit jteclum nopol ta Gazae, ti ch'aybat sts'unubalic ta j'ech'el yu'un ti filisteoetic ti liquemic talel ta Cretae, ti com nacliicuc ta j'ech'ele.)

Josué 11:22

Ta j'ech'el mi junuc com snitilultac ti inate' vinic ta sjunul yosilal ti Israele, Ti bu xa no'ox com snitilultac ti inate' vinic Anaque, ja' xa no'ox ti ta Gazae, ti ta Gate, xchi'uc ti ta Asdode.

Josué 13:3

ti q'uiil batel ta ti' uc'um Sihor, ta yeloval sloq'ueb c'ac'al yu'un ti Egiptoe, ti ta xc'ot c'alal to sts'ac ti Ecrone, xchi'uc ti oy ta yolon ti yolon xocon sloq'ueb c'ac'ale ti c'otem ta yosilic ti cananeoetique. Tey oy xtoc vo'ob ajvalil filisteoetique ti nacalic ta jteclum Gazae, ti ta jteclum Asdode, ti ta jteclum Ascalone, ti ta jteclum Gate, xchi'uc ti ta jteclum Ecrone. Ta sc'an u'ninel xtoc yosilalic ti aveoetique.

Josué 15:11

Ta x'ech' batel ta o'lol stselej ta yolon ti yolon xocon sloq'ueb c'ac'al yu'un ti vits Ecrone. Ta xjoybij batel ta Sicrón. Ta stam jelav ta vits Baalá, ti c'ot ta loq'uel ta Jabneele yo' ta xc'ot ta tsutsel ta muc' ta nab Mediterráneo.

Jueces 14:19

Ti jech taj une, ta jech yepal tal u'ninatuc yu'un xcuxlejal ti Diose. Bat ta Ascalón ti Sansone. Laj smil lajuneb xcha'vinic (30) ta vo' viniquetic ti bu taje. Ja' laj stojan o yil ta sventa ti t'unbat smelol ti tajimol lo'il ti c'u'iletic ti laj sloc'anbe talele. Ts'acal to un, capem xa sjol sut batel ta sna ti stote.

Jueces 16:21

Va'i un, mu ta sc'obuc ya'iic ti tsac x'ute yu'un ti filisteoetique. Laj spitsbeic sbec' sat. Yic'ojic batel ta Gazae, ti bu laj xchuquic ta c'anal carina taq'uine. Lic yaq'uic abtejuc ta sjoyoyinel ti sjuch'obil trigo ta chuquinabe.

Jueces 3:3

Yu'un mu'yuc xtijatic ta c'op ti vo'ob banquilaletic yu'un ti filisteoetique, scotol ti cananeoetique, ti sidonioetique, xchi'uc ti heveoetic ti nacalic ta svitsal Líbano ti ta xlic batel ta vits Baal-hermone, ti c'ot c'alal to ti bu ta x'ech' sts'ac ti Hamate.

1 Samuel 6:17

Ti vo'ob sloc'obbail chacal ti meltsanbil ta oro ti laj yaq'uic batel ti filisteoetic ta sventa slajesobil yo'nton ti Diose, ja' yu'unic ti Asdode, ti Gazae, ti Ascalone, ti Gate, xchi'uc ti Ecrone.