Jueces 1:12 - Bible in Tzotzil de Chamula

¹² Yu'un ti Calebe laj ono'ox yal sc'op ti buch'u ta stsal yu'un ti yajval jteclum Debir xchi'uc ti ta xu'nine, ta xac'be yajnilin ti yantsil nich'on ti Acsa sbie.

Bible in Tzotzil de Chenalhó with Deuterocanon

¹² Jech ono'ox yaloj li Calebe: “Li boch'o chbat stsal li lum Debire, ta xcac'be yic' li jtseb Acsae”, xi.

Jueces 1:12 Iomraidhean Croise

Salmos 60:9

¿Buch'u xa ono'ox la ta xiyic' batel ta jteclum ti bu lec macale? ¿Buch'u xa ono'ox la ta xisbeiltas ech'el ta Edom?

Jeremías 29:6

Nupijan ts'aquijanic, epajuc avalab anich'nabic. Ti stuquic eque, nupijuc ts'aquijicuc ec, epajuc ta j'ech'el ti yalab xnich'nabique. Ma'uc ti xc'otic ta ulel ti bu taje.

Josué 15:15

Ts'acal to un, laj stam batel sbe ta stsaquel ta leto ti jnaclejetic ta Debire, ti ja' to ox sbi Quiriat-sefer ta ba'yele.

Jueces 1:11

Laj taj une, bat stsaquic ta leto ti jteclum Debire, ti ja' Quiriat-sefer sbi ta ba'yele.

Jueces 1:13

Ti buch'u cuch yu'un ta yu'ninel ti jteclume, ja' ti Otoniel xnich'on ti Quenaze, yu'un ti Cenaze xc'ox its'in ti Calebe. Va'i un, ti Acsae, stseb ti Calebe, laj yic' ti Otoniele.

1 Samuel 17:25

Xi lic yalolanbe sbaique: “¿Mi mu lajuc avilic ti vinic loc' talele? ¡Cajal ye xa'i sba ta j'ech'el ta stsaquel ta c'op ti Israele! Buch'uuc no'ox ti ta stsal yu'une, ta x'ac'bat ep sc'ulejal, ta x'ac'bat stseb ti ajvalile. Mu'yuc ta x'ac'bat stoj patan ti c'u yepalic oyic ta nacleje.”

1 Samuel 18:23

Yajtuneltac ti Saule bat yalbeic David scotol ti va'i s'elan taje. Ja'uc le' une, xi laj stac' ti Davide: —¿Mi ta xach'unic xana' ti mu vocoluc ta xc'ot ta sni' jun ajvalil jun vinic ti mu'yuc c'usi bal o yuni c'oplal jech c'u cha'alune?