Jueces 1:10 - Bible in Tzotzil de Chamula

¹⁰ Bat stsaquic ta leto xtoc ti cananeoetic ti oyic ta jteclum Hebrone, ti ja' Quiriat-arba sbi to ox ta ba'yele. Tey laj stsalic ti Sesaie, ti Ahimane, xchi'uc ti Talmaie.

Bible in Tzotzil de Chenalhó with Deuterocanon

¹⁰ Xchi'uc bat stsalic noxtoc li canaanetic te nacajtic ta Hebrón ti Quiriat-arba to'ox sbie. La smilic comel li Sesai, Ahimán, xchi'uc Talmaie.

Jueces 1:10 Iomraidhean Croise

Génesis 23:2

Cham ta Quiriat-arba ti ja' no'ox jteclum Hebrón oy ta Canaán banomile. Ti Abrahame ta xoq'uita ti jech cham ti Sarae. Mu x'ech' ta xa'i ti me'inale.

Génesis 37:14

Xi laj stac' ti Israele: —Lec oy un cha'e, batan, ba q'uelo c'u s'elan ti achi'iltac ta voq'uele, xchi'uc c'u s'elan ti chijetique. Sutan no'ox me talel un yo' jech ta xca'i c'u s'elanic. Ti Israele laj stac batel ta stenlejtic Hebrón ti Josee. C'alal c'ot ta Siquem ti Josee,

Eclesiastés 9:11

Ti li' ta banomile, quiloj ti oy xi s'elan c'usitic ta xc'ot ta pasele: ma'uc cuchem xa yu'un anilajel ti buch'u xvilic no'ox ta anile. Ma'uc cuchem xa yu'un letovajel ti buch'u tsots xa'i sbaique. Ma'uc busul no'ox sve'el ti buch'u bijique. Ma'uc c'otem ta jc'ulej ti xac' lec sjolilal yu'une. Ma'uc ich'bilic xa lec ta muc' ti buch'u tojobtasbilic leque. Scotolic taje, taban to bu lec c'ot ti yorail yu'unique.

Jeremías 9:23

Ti Diose xi ta xale: “Mu snop ti cajal xa xa'i sba xchi'uc sbijil ti buch'u oy sbijile. Mu snop ti cuchem xa yu'un ti buch'u jelavem xu' yu'une. Ti jc'uleje mu snop ti ja' ta xpojvan ti sc'ulejale.

Números 13:22

Ochic batel ta Néguev, c'otic c'alal to Hebrón. Taje, tey nacalic snitilultac ti Anaque, ja'ic ti Ahimane, ti Sesaie, xchi'uc ti Talmaie. Ti Hebrón taje, syucubal xa jabil yich'oj sva'anel ti c'alal laj yich' va'anel ti Zoán ti oy ta Egiptoe.

Números 13:33

Laj quilcutic xtoc ti inate' viniquetique, ti ja' snitilultac ti Anaque. Co'ol s'elan jcotuc c'ulub ta xca'i jbatic ta stojolic. Ja' jech ta xijyilotic ti stuquic eque.

Josué 10:36

Loq'uic batel ta jteclum Eglón. Laj stam batel sbeic ta jteclum Hebrón ti laj stsaquic ta letoe.

Josué 14:15

Ti sbi ta vo'ne ti Hebrone, ja' to ox Quiriat-arba. Yu'un ti Arbae, buyuc no'ox puquem sc'oplal ti ja' jun vinic ti jelavem xu' yu'une, ti ja' jun snitilul ti inate' vinic, Anaque. Ts'acal to un, paj ti leto ta banomil ti bu taje.

Jueces 1:20

Ti Calebe laj yich' ti Hebrone jech c'u cha'al yaloj ono'ox ti Moisese. Ti Calebe laj sten loq'uel ti oxib xnich'nab Anaque.

Jueces 1:9

Bat no'ox stsaquic ta leto xtoc ti cananeoetic ti nacalic ta vitstic ti oy ta yosilal Négueve xchi'uc ti oy ta stenlejale.