Jueces 1:1 - Bible in Tzotzil de Chamula

¹ Ts'acal to un, c'alal chamem xa ox ti Josuee, ti israeletique laj sjac'beic ti Diose yo' jech ta sna'ic bu jvoc'ucal nitilulil ti ba'yel ta sliques ta stsaquel ta leto ti cananeoetique.

Bible in Tzotzil de Chenalhó with Deuterocanon

¹ C'alal chamen xa'ox li Josuee, li israeletique lic sjac'beic Muc'ul Dios boch'o jchopucal ba'yuc chbat spas pleito yu'unic xchi'uc li canaanetique.

Jueces 1:1 Iomraidhean Croise

1 Reyes 22:5

Ja'uc le' une, jac'bo ba'yel c'usi oy ta yo'nton ti Diose.

Éxodo 18:15

Xi laj stac' ti Moisese: —Ti israeletique ta xtalic ta jtojol, yu'un ta sc'anic chapanel ti c'usi lec ta xil ti Diose.

Éxodo 28:30

Tic'o ta uil ti Urim Tumime, ti yuinoj ta xbat ti Aarón ta stojol ti Diose yo' jech ta x'ac'bat sna' ti c'usi oy ta yo'nton ti Dios ta stojol ti israeletique.

Números 27:21

Ja'uc le' une, ti Josuee tsots sc'oplal ta sjac'be ti pale Eleazar ti c'usi sc'an pasele. Ja'uc ti palee ta st'un ta sventa ti Urim ti c'usi sc'an pasele. Scotol ti c'usitic xu' ta spasic ti israeletique, ja' ta x'albatic mantal yu'un ti Josuee.

Jueces 1:27

Ja'uc snitilultac ti Manasese, mu'yuc xu' yu'unic stenel loq'uel ti cananeoetic ti nacalic ta jteclum Bet-seane, ti Taanaque, ti Dore, ti Ibleame, ti Meguidoe, xchi'uc ti bic'tal lumetic ti joyol ta spat ta xocon ti lume. Jech o xal ti cananeoetique comic ta naclej xchi'uc ti israeletic ti bu taje.

Jueces 2:21

Ja' yu'un un cha'e, mu'yuc ta jten loq'uel mi jchopuc ti jteclumetic ti oy ta stojolique, ti mu'yuc ono'ox laj sten loq'uel ti Josué ti c'alal cuxul to oxe.”

Jueces 2:8

C'alal cham ti Josuee, yich'oj xa ox lajuneb svacvinic (110) jabil.

Jueces 2:9

Laj smuquic ta sbanomil stuc, ta Timnat-sera, ti oy ta yolon ti yolon xocon sloq'ueb c'ac'al yu'un ti vits Gaas ta vitstic yu'un ti Efraine.

Jueces 20:18

Ti israeletique batic ta Betel. Ti bu taje, lic sjac'beic Dios buch'u jvoc'ucal nitilulil ti ba'yel ta sliques stsaquel ta leto snitilultac ti Benjamine. Ti Diose laj yal ti ja' ba'yel ta xbat tsacvanicuc ta leto snitilultac ti Judae.

Jueces 20:27

Yu'un ti tey ta Betele, oy ta stojol israeletic xcaxail strate ti Dios ti jech c'ac'al ta vo'ne taje. Yu'un ja' o yacal ta x'abtej ti Finees xnich'on ti Aarón ta stojolal ti trate ti jech c'ac'al ta vo'ne taje. Jech o xal ti israeletique lic sjac'beic ti Diose, ti xi laj yalique: “¿Mi ta to xbat jtsac jbacutic ta leto xchi'uc snitilultac ti Benjamín ti jvinquilel jbacutic xchi'uque? ¿Mi tey no'ox c'alal ti net'bil ta xicomcutique?” Xi albatic yu'un ti Diose: “Ba tsaquic ta leto ya'iic. Ta xc'ot ta pasel cu'un ti tsalbil ta xc'ot avu'unic ti oc'ome.”

1 Samuel 10:22

Ja'uc taj une, lic sjac'beic ti Diose yo' jech ta sna'ic mi tey oy ti Saule. Laj yal ti Diose ti tey oy ti Saule, ti snac'oj sba ta yavil q'uejob c'u'ile.