San Juan 9:22 - Bible in Tzotzil de Chamula

²² Ti jech laj yal ti stot sme'e ta scoj xi'el. Yu'un ti j'abteletic yu'un ti israeletique laj xa scomonop sc'opic ti buch'uuc no'ox ta xal ja' Cristo ti Jesuse, ta xtenat loq'uel ta ch'ulna yu'unic.

Tzotzil Zinacantan

²² Ti xꞌelan iyal ti stot smeꞌe, yuꞌun xiꞌemic o ti cajmeltsanejcꞌopticotique. Yuꞌun ti jmeltsanejcꞌopetique yalojic xa ti mu xuꞌ ch-ochic ta junuc templo ti muchꞌutic jamal chalbe scꞌoplal ti Jesuse ti jaꞌ ti muchꞌu scꞌoplal onox chtal spasoticotic ta mantale.

LEQUIL ACH' C'OP

²² Ti x'elan iyal ti stot sme'e, ta sc'oj xi'el, yu'un ti jurioetique yalojic xa ti ta sloq'uesic ta templo ti much'u chal ti ja' tacbil tal yu'un Riox ti Jesuse.

Bible in Tzotzil de Chenalhó with Deuterocanon

²² Ti jech laj yalic li stot sme'e, yu'un ta xi'ic yu'un li j'abteletic yu'un judioetique. Yu'un li j'abteletic yu'un judioetique xchapojic xa ti j'ech'el tsloq'uesic o ta nail tsobobbail li boch'o jamal chal ti ja' Cristo li Jesuse.

Tzotzil San Andres

²² Ti jech laj yalic li stot smeꞌe, yuꞌun ta xiꞌic o li ta jꞌabteletic cuꞌuncutique. Yuꞌun li jꞌabteletic cuꞌuncutique smeltsanojbeic xa scꞌoplal ti ta jꞌechꞌel mu xuꞌ ta xꞌochic ta chꞌulna li buchꞌu jamal ta xalbeic scꞌoplal li Jesuse ti jaꞌ xa li buchꞌu scꞌoplal onoꞌox chtal ventainvanuque.

Tzotzil de Huixtán

²² Yu'un ti hech laj yalic ti stot sme'e, yu'un ixi' yu'un ti totiletic cu'untutique. Yu'un ti totiletique xchapoj xa sc'opic ti j'ech'el mu stac' ch-och ti templo ti much'u jamal chal ti ja' ti Jcoltavaneje ti Jesuse.

San Juan 9:22 Iomraidhean Croise

Proverbios 29:25

Ti xi'el yu'un ti viniquetique, muc'ul tsalel ta j'ech'el; ti buch'u spatoj yo'nton ta stojol ti Dios une, chabibil lec.

Isaías 51:12

“Vu'un ta xcac' tsatsuban. ¿Buch'u ti ta xaxi' yu'une, mi ja' ti viniquetique, mi ja' ti viniquetic ti sna' xcham xlajic co'ol s'elan ti momole?

Isaías 51:7

“Ts'etano achiquin ava'iic ti xana'ic spasel ti c'usi oy stuq'uile, jteclumetic ti tac'al xc'ot ta avo'ntonic ti jmantaltaque. Mu xatsiq'ues avo'nton yu'un ti buch'u oy c'usitic chopol ta xloc' ta eal yu'une, ti mu xa stac' a'yeluc ta xava'i yu'un ti c'usi xbet'bun ye ta yalele.

Isaías 57:11

“¿Buch'u xcal ti diosetic ti laxi' yu'une, ti laj avich' ta muq'ue, ti yanij ajol ta jtojol yu'une, ti j'ech'el laj ach'ayun ta avo'nton xchi'uque? C'alal mu'yuc xa quich'el ta muc' avu'une, ts'ijilun xa no'ox, co'nton xa no'ox sna'.

San Lucas 6:22

“Yan yutsil ti vo'oxuc c'alal contrainbiloxuque, c'alal tacbiloxuc loq'uele, c'alal ilbajinbiloxuque, c'alal chopol c'optabil abiic ta jventa ti co'ol j'elantique.

San Juan 1:19

Ti j'abteletic yu'un ti israeletic ta Jerusalene, laj staquic batel ti paleetique xchi'uc levitaetic ta sjac'bel buch'u ti Juane.

San Juan 16:2

Yu'un ta xavich'ic jipel loq'uel ta ch'ul na. Xu' ta xc'ot ta pasel ti oy buch'u ta xasmiloxuc ti ta snopic ti ja' jech ta xtunic yu'un ti Diose.

San Juan 19:38

Laj taj une, ti Josee liquem talel ta jteclum Arimatea, ba yich'be ye ti Pilatoe mi xu' ta xich' batel sbec'tal ti Jesuse. Yu'un ti Josee, ja' jun ti c'otem ta yo'nton ta xch'unel ti Jesuse, ja' no'ox ti ta mucule yu'un ta xi' yu'un ti israeletique. Ti Pilatoe laj yac' ye ti xu' ta xich'be batel sbec'tal Jesús ti Josee.

San Juan 20:19

Ta smalel c'ac'al yu'un ti sliquebal xemunae, bajalic ta jbej na ti stsobolic ti jchanc'opetique, ta scoj xi'el yu'un jpas-mantaletic yu'un ti israeletique. Och batel ti Jesús ti c'ot sva'an sba ta o'lol yu'unic ti xi laj yale: —Tsotsanic, junuc avo'ntonic, mu xaxi'ic.

San Juan 7:13

Manchuc mi jech un, mu'yuc buch'u ta sjam lec ye ta yalbel sc'oplal ta scoj xi'el yu'un ti banquilaletic yu'un ti israeletique.

San Juan 9:18

Ja'uc ti israeletique mu xch'unic ti ma'sat to oxe, ti jech xil ti osil tanae. Laj yic'beic talel xtoc ti stot sme'e.

San Juan 9:21

Ti bu mu jna'cutique, ti jech ta xil xa ti osile, ti buch'u jambun ti sate. Jac'beic ava'iic ti stuque, x'al xa yu'un, julem xa xch'ulel.

San Juan 9:34

Ti fariseoetique xi laj yalbeique: —Yu'un mu albajuc amul lavoc' talel ta banomil. ¿Bu latal ti cajal xa ave ati' ta xac'an xachanubtasuncutic ti avaloje? Laj sjipic laj staquic loq'uel ta ch'ul na.

San Juan 9:35

Ti Jesuse laj ya'i ti jipbil xa loq'uel ta ch'ulna ti ma'sat to oxe. C'alal laj snup sbaic ta bee, xi jac'bat yu'un ti Jesuse: —¿Mi ta xavich' ta muc' ti Xnich'on Diose?

Hechos 4:18

Laj staic ta iq'uel xtoc ti tsots albatic ti mu xa xalbeic sc'oplal ti Jesuse.

Hechos 5:13

Ac'o mi lec x'ileic, mi ja'uc ta svol sbaic xchi'uc jch'unolajel ti yane.

Hechos 5:40

Laj yiq'uic ochel ti jcholc'opetic ta stojol ti jchapanvanejetique. Laj yac'beic yich' nucul. Laj yalbeic ti mu xa xalbeic sc'oplal ti Jesuse. Ts'acal to laj scoltaic batel.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”