San Juan 8:48 - Bible in Tzotzil de Chamula

⁴⁸ Xi laj yalic ti israeletique: —Oy smelol ti ta xcalcutic ja' jun samaria vinicote, yu'un ach'ulelinojbe xch'ulel ti pucuje.

Tzotzil Zinacantan

⁴⁸ Ti cajmeltsanejcꞌopticotique jaꞌ yech lic yalbeic ti Jesuse: ―Yuꞌun onox yech ti cꞌusi icalticotique ti jsamariaote, ti oy pucuj ta avoꞌone ―xutic.

LEQUIL ACH' C'OP

⁴⁸ Ti jurioetique ja' yech lic yalbeic ti Jesuse: ―Yu'un onox yech ti c'usi icalticotique ti jsamariaote, ti oy pucuj ta avo'one ―xutic.

Bible in Tzotzil de Chenalhó with Deuterocanon

⁴⁸ Itac'ov li judioetique, jech laj yalbeic li Jesuse: —Ja' melel ti laj calcutic vo'ot samaria vinicote, xchi'uc ti ochem pucuj ta avo'ntone —xutic.

Tzotzil San Andres

⁴⁸ Itacꞌavic li jchiꞌiltac ta israelale, jech laj yalbeic li Jesuse: ―Jaꞌ melel li cꞌusi la jnopcutique. Li joꞌote jsamariail vinicot. Ochem pucuj ta avoꞌon ―xi la snaꞌleic li Jesuse.

Tzotzil de Huixtán

⁴⁸ Hech i'albat ti Jesuse yu'un ti jchi'iltaque, ho'on ti co'ol judiountutic xchi'uque: ―Hech ono'ox hech chaj c'u che'el laj jnoptutic. Ho'ot liquemot tal ti Samaria. Oy pucuj ti avo'nton ―xchiic.

San Juan 8:48 Iomraidhean Croise

Isaías 49:7

Ti jpojvanej jcoltavanej Ajvalile, Ch'ul Dios yu'un ti Israele, xi ta xalbe ti lum ti tan puc batic ta j'ech'ele, ti bajbil tenbil c'otic yu'un ti yan lumetique, ti c'otic ta yajmosovtac ti buch'u spajebal xa no'ox j'ilbajinvanej xa'i sbaique: “C'alal ta xayil ti ajvaliletique, xchi'uc ti its'inal ajvaliletique, ta xlic va'iicuc, ta squejan sbaic ta atojol, yu'un ti jech Ajvalilune, ch'ul Diosun yu'un ti Israele, laj jt'ujot, ta xc'ot ta pasel cu'un ti c'u s'elan calojane.”

Isaías 53:3

Bajbil tenbil c'ot yu'un ti jnaclejetique, mu'yuc stu ile. Ja' jun j'ich'-vocol vinic, ti mu sna' spoj sba yu'un ti vocolajele. C'ot jech c'u cha'al ti buch'u tenbil xa ta o'ntonale, ti mu'yuc stu jipbil tenbil c'ot cu'untique.

San Mateo 10:25

Ti jchanc'ope, spatuc yo'nton ti jech sc'oplal jech c'u cha'al ti jchanubtasvanej yu'une. Ti mosovile, spatuc yo'nton ti jech sc'oplal jech c'u cha'al ti yajvale. Mi ta x'albat Beelzebu banquilal pucuj ti yajval nae, ¿mi mu jechuc ta x'albat ti xnich'nabe?

San Mateo 10:5

Ti Jesuse xi laj yalbe ti lajcha'vo' yajchanc'optac ti c'alal laj stac batele: —Mu xabatic ta stojol ti jyanlumetique. Mi ja'uc xa'ochic batel ta jteclumetic ti oy ta Samaria banomile.

San Mateo 11:18

Tal ti Juane ti mu sna' xve' yuch' vo'e, ta xavalic ti ventainbil yu'un ti pucuje.

San Mateo 12:24

C'alal laj ya'iic ti fariseoetic taje, xi laj yalique: —Ti vinic le'e, ti ta sloq'ues ti pucujetique, ja' ta stsatsal ti Beelzebú ti banquilal yu'unique.

San Mateo 12:31

“Ta xcalboxuc ava'iic, buch'uuc no'ox ti chopol c'usi ta spasique, ti chopol ta xc'opojic ta stojol ti Diose, ta to xch'aybatic ti smulique. Ja'uc ti buch'u chopol ta xc'opojic ta stojol ti Ch'ul Espiritue, mu cha'bel xch'aybat ti smulique.

San Mateo 15:7

¡Jpac'taejbailetic! Yu'un xi ono'ox laj yal ac'oplalic ti j'alc'op Isaiase:

San Juan 1:19

Ti j'abteletic yu'un ti israeletic ta Jerusalene, laj staquic batel ti paleetique xchi'uc levitaetic ta sjac'bel buch'u ti Juane.

San Juan 10:20

Xi laj yalic ti yepale: —¿C'u cha'al ta xach'unbeic sc'op le'e? Yu'un chuvajibem xchi'uc xch'ulelinojbe xch'ulel pucuj.

San Juan 13:13

Ti ‘Jchanubtasvanej, Cajval’, xavuticune, melel ava'uquic un, yu'un vu'unun ono'ox.

San Juan 4:9

Xi laj stac' ti samaria antse: —¿C'u cha'al ta xac'anbun vo' avuch' ti vo'ot israelot c'alal vu'un samaria antsune? Ja' jech laj yal ti antse, yu'un ti israeletique mu lecuc xil sbaic xchi'uc ti samariaetique.

San Juan 7:20

Xi laj yalic ti jnaclejetique: —Ach'ulelinojbe xch'ulel pucuj. ¿Buch'u sc'an ta smilot ya'i?

San Juan 8:22

Xi laj yal ti israeletique: —¿Mi yu'un ta snop ta smil sba ya'luc? ¿Mi jech o xal ti xi laj yale: ‘Ti bu ta xibate, mu xac'otic?’

San Juan 8:52

Xi laj staq'uic ti israeletique: —Melel ach'ulelinojbe xch'ulel ti pucuje. Yu'un ti Abrahame, scotol ti j'alc'opetique laj xa chamicuc. Ja'uc ti vo'ote xachi ta xavale: “Ti buch'u ta xich' ta muc' ti c'usi ta xcale, mu xcham.”

Romanos 15:3

Yu'un ti Cristoe ma'uc laj spas ti c'usi lec ta xa'i ti stuque, yu'un ja' c'ot ta stojol jech c'u cha'al ti xi ta xal ta ch'ul c'ope: “Scotol ti buch'utic xbet'bun no'ox yeic ta scontrainelote, ja' cajal c'ot ta jba.”

Hebreos 13:13

Batic ta sts'acliel ti Jesús ta loq'ueltic yu'un ti jteclume. Quich'tic labanel ec jech c'u cha'al laj yich' ti stuque.

Santiago 2:19

Toj lec ti jech c'otem ta avo'nton ta xch'unel ti jun no'ox oy ti Diose. Ja' jech xch'unojic ec ti pucujetique. Ma'uc no'ox, ta xniquic ta xi'el xtoc.