San Juan 8:42 - Bible in Tzotzil de Chamula

⁴² Xi tac'batic yu'un ti Jesuse: —Ti ja'uc Atotic ti Diose, c'ux ta xava'iicun ti jechuque. Yu'un liquemun talel ta stojol Dios ti li' oyune. Ma'uc talemun ta jventa jtuc, yu'un ja' tacbilun talel yu'un ti Diose.

Tzotzil Zinacantan

⁴² ―Ti jaꞌuc atotic ti Rioxe, acꞌanojicon ti yechuque yuꞌun jaꞌ tey liquemon tal yoꞌ bu ti Rioxe. Mu ta jmantaluc jtuc ti litale; jaꞌ listac tal.

LEQUIL ACH' C'OP

⁴² Itac'av ti Jesuse: —Ti ja'uc atotic ta melel ti Rioxe, ac'anojicon ti yechuque, yu'un ja' tey liquemon tal yo' bu ti Rioxe. Mu ta jmantaluc jtuc ti litale, ja' listac tal ti Rioxe.

Bible in Tzotzil de Chenalhó with Deuterocanon

⁴² Li Jesuse jech laj yalbe: —Ti ja'uc atotic li Diose, chac'anicun ti jechuque. Yu'un li vu'une te liquemun tal ta stojol li Diose. Muc ta co'ntonuc jtuc ti litale. Ja' la stacun tal li Diose.

Tzotzil San Andres

⁴² Li Jesuse jech laj yalbe: ―Ti jaꞌuc atotic li Diose, cꞌuxun ta avoꞌonic ti jechuque. Yuꞌun te liquemun talel ta stojol li Diose. Mu ta jmantaluc jtuc ti litale; jaꞌ listac talel li Diose.

Tzotzil de Huixtán

⁴² Ti Jesuse hech laj yalbe: ―Ti ja'uc atotic ti Diose, c'uxun ti avo'ntonic ti hechuque. Yu'un te niloc' tal ti stojol ti Diose. Mu jtucuc no'ox nital. Ja' tacbilun tal yu'un ti Diose.

San Juan 8:42 Iomraidhean Croise

Malaquías 1:6

Ti paleetique, xi ta xvulatic yu'un ti Dios ti scotol xu' yu'une: “Ti alab nich'nabiletique sna' snijan xchiman sbaic ta yich'el ta muc' ti stot sme'ique. Ti mosoviletique sna' snijan xchiman sbaic ta yich'el ta muc' ti yajvalique. Jech ti vu'un ec une, atoticun, ¿c'u cha'al un ti mu xanijan abaic ta yich'elun ta muq'ue? Avajvalicun xtoc, ¿c'u cha'al un ti mu xa xavaq'uicun ta ventae? Yu'un mi ja'uc jutebuc oyun ta avo'ntonic. Ma'uc no'ox taje, yu'un xachi ta xaval xtoque: ‘¿Mi yu'un la oy bu ti mu xacac'otcutic ta ventae?’

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

San Juan 12:49

Yu'un mu ta jmantaluc no'ox jtuc ti c'u s'elan ta xic'opoje. Ti Jtot ti Buch'u laj stacun talele, ja' ta smantal ti c'u s'elan ta xic'opoje, ti c'u s'elan ta xichanubtasvane.

San Juan 13:3

Ti Jesuse sna'oj xa ti ac'bat xa ta yoc ta sc'ob yu'un Stot scotol ti c'usitic x'ayane, xchi'uc ti ta sut xa batel ta stojol Dios ti bu liquem talele.

San Juan 14:10

¿Mi mu xc'ot ta avo'nton ti oyun ta stojol ti Jtote, ti oy ta jtojol ti Jtote? Ti c'usi ta xcalboxuque, mu ta co'ntonuc jtuc. Ja' ta jpasbe yabtel ti Jtot ti jech oy ta jtojole.

San Juan 16:30

Ta xquilcutic ti ta xana' scotole, ti ma'uc tsots sc'oplal ta xava'i ti oy buch'u ta sjac'bote. Ta xc'ot ta co'ntoncutic ti liquemot talel ta stojol ti Diose.

San Juan 17:25

Jch'ul Tot, ti oy alequilal avutsilale, ti buch'utic sventainojic ti sba banomile mu xayojtiquinic. Ti vu'une xacojtiquin. Ti jayib li' oyique laj xa sna'ic ti vo'ot laj atacun talele.

San Juan 17:8

Yu'un laj xa calbe ya'iic ti c'u s'elan laj avac'bun jna'e, laj xa xch'unic. Laj sna'ic ti liquemun talel ta atojole, c'ot ta yo'ntonic ti laj atacun talele.

San Juan 3:17

Ti Diose mu yu'unuc laj stac talel ti Xnich'on yo' tal yac'be stoj smul ti jnaclejetique, ja' no'ox tal scolta.

San Juan 5:23

yo' scotolic ac'o yich'icun ta muc' ti vu'un Nich'onilune jech c'u cha'al, ta xich'ic ta muc' ti Jtote. Ti buch'u mu xiyich'icun ta muc' ti vu'un Nich'onilune, mu xich'ic ta muc' ti Jtot ti ja' laj stacun talele.

San Juan 5:43

Tacbilun talel ta sventa ti Jtote, mi ja'uc xavich'icun ta muc'. Yan mi ta xtal yan vinic ti spasoj sba ta mantal stuque, lec xava'iic, xavich'ic ta muc'.

San Juan 8:14

Xi tac'av ti Jesuse: —Tsots sc'oplal ta xcalbe jba jc'oplal ti jtuque, yu'un jna' ti bu litale, ti bu ta xibat xtoque. Ja'uc ti vo'oxuque, mu xana'ic.

1 Corintios 16:22

Mi oy buch'u mu'yuc c'ux ta xa'i ti Cajvaltic Jesucristoe, ac'o batuc ta ch'ayel. La' no'ox xch'a, Cajval.

Gálatas 4:4

Ja'uc ti c'alal laj sta ti yoraile, ti Diose laj stac talel ti Xnich'one, voc' talel ta stojol jun ants, bats'i israel vul, ventainbil c'ot ta xch'unel ti oy c'usi tsots sc'oplal albil yu'un ti Moisese,

1 Juan 4:14

Vu'uncutic quilojcutic, xchi'uc jamal ta xcalcutic sc'oplal ti Jtotic Diose, ti laj stac talel ti Xnich'one yo' jech tal spoj scolta ti jnaclejetic ta banomile.

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.

Apocalipsis 22:1

Laj taj une, ti anjele laj yac'bun quil jun yaxjipan uc'um ti ta xac' ti cuxlejale. Yax jipan no'ox yutsil ti vo'e, co'ol s'elan jech c'u cha'al junuc nen ta xloc' talel bu chotol ti Diose xchi'uc ti jcot ta Uni Chije.