San Juan 8:41 - Bible in Tzotzil de Chamula

⁴¹ Ja'uc ti vo'oxuque, ja' jech ta xapasic jech c'u cha'al ta spas ti atotique. Xi laj yalique: —Ti vu'uncutique ma'uc tsobbilal ololuncutic, yu'un oy jun jtotcutic, ja' ti Diose.

Tzotzil Zinacantan

⁴¹ Li voꞌoxuque jaꞌ chapasic ti cꞌu xꞌelan tspas latotique ―xꞌutatic yuꞌun ti Jesuse. ―Li voꞌoticotique mu tsobbalal unenoticoticuc. Jun ti jtoticotique, jaꞌ ti Rioxe ―xiic.

LEQUIL ACH' C'OP

⁴¹ Li vo'oxuque ja' chapasic ti c'u x'elan tspas latotique. ―X'utatic. ―Istac'beic ti Jesuse: —¡Li vo'oticotique mu tsob-balal unenoticoticuc; jun ti jtoticotique, ja' ti Rioxe! ―Xiic.

Bible in Tzotzil de Chenalhó with Deuterocanon

⁴¹ Vo'oxuque ja' chapasbeic yabtel li atotique —xut. Itac'ovic: —Li vu'uncutique muc yol xnich'onuncuticuc jmulavil. Jun no'ox li jtotcutique, ja' li Diose —xiic.

Tzotzil San Andres

⁴¹ Joꞌoxuque jaꞌ chapasbeic yabtel la atotique ―xut. Itacꞌavic: ―Li joꞌoncutique maꞌuc tsobbil unenuncutic. Jun noꞌox li jtotcutique, jaꞌ li Diose ―xiic.

Tzotzil de Huixtán

⁴¹ Ho'oxuque chapasbeic yabtel ti atotique ―xut. Hech itac'avic: ―Ho'ontutique mu yol snich'onucuntutic jmulavil. Jun no'ox ti totil cu'untutique, ja' jtotutic stuc ti Diose ―xchiic.

San Juan 8:41 Iomraidhean Croise

Éxodo 4:22

Ja' yu'un un, xi xavalbe ya'i ti faraone: “Ti Diose xi ta xale: ‘Ti Israele, ja' jbanquilal nich'on.

Isaías 63:16

Yu'un ti vo'ot une, jtototcutic. Manchuc mi mu xa xisna'uncutic ti Abrahame, manchuc mi mu xa xisvulesuncutic ta yo'nton ti Israele, ti vo'ot une, Dios jtototcutic, jpojvanejot ono'ox cu'uncutic une.

Isaías 64:8

Manchuc mi jech un, Cajval Dios, vo'ot jtototcutic. Lum ach'eluncutic ma' ti vu'uncutique. Vo'ot me ti jpotobote. Jcotolcutic yabteluncutic avoc ac'ob.

Jeremías 3:19

“Israel, loc' ayan ta co'nton ti laj jbisot ta jnich'one, ti ta xcac'bot ti banomil ti stuc no'ox jun yutsil ta scotole, ti juteb ta o'ntonal yu'unique. Laj jnop ti ta xabisun ta atote, ti j'ech'el mu ta xach'ac aba ta jtojole.

Jeremías 31:20

“Steclumal ti Efraine, ja' jun jnich'on ta xca'i ti c'ux ta co'ntone, nich'onil ti jelavem xc'uxubinel cu'une. C'alal ta jajantae, mu ono'ox tenbaj ta xca'i, ta ono'ox jvul co'nton yu'un. Ta xca'i ti mu'yuc spajeb ti xc'uxul co'nton ta stojole. Ti vu'un Diosune, mu lo'iluc no'ox ta xcal.

Oseas 1:2

Ti Diose xi xcholet ta xchapbe ya'i ti Osease: “Ti jnaclejetic ta yosilal Israele laj xa sa' yan yajvalic. Laj xa xch'ac sbaic loq'uel ta jtojol. Ti c'u s'elan laj spasique, paso jech ec, ba ic'o junuc ants ti sbolomalinoj sbae. Ayanuc anich'nab yu'un. Jech ti stuquique, jloc' me' ta xbatic.”

Malaquías 1:6

Ti paleetique, xi ta xvulatic yu'un ti Dios ti scotol xu' yu'une: “Ti alab nich'nabiletique sna' snijan xchiman sbaic ta yich'el ta muc' ti stot sme'ique. Ti mosoviletique sna' snijan xchiman sbaic ta yich'el ta muc' ti yajvalique. Jech ti vu'un ec une, atoticun, ¿c'u cha'al un ti mu xanijan abaic ta yich'elun ta muq'ue? Avajvalicun xtoc, ¿c'u cha'al un ti mu xa xavaq'uicun ta ventae? Yu'un mi ja'uc jutebuc oyun ta avo'ntonic. Ma'uc no'ox taje, yu'un xachi ta xaval xtoque: ‘¿Mi yu'un la oy bu ti mu xacac'otcutic ta ventae?’

Malaquías 2:11

Ti Judae, yan sjol yo'nton ta stojol ti Diose. Spajebal xa no'ox ti c'usitic chopol ta spas ta Jerusalene, ti ta Israele. Ti Judae laj xa sju'be ta teq'uel yutsilal ti ch'ulna ti stuc'ulanoj lec ti Diose. Ti viniquetic ta jteclum Judae laj xa yajnilanic antsetic ti xrioxinojic ti va'anbil diosetique.

San Juan 8:38

Ja' no'ox ta xcal ti c'u s'elan laj yac'bun jna' ti Jtote. Ti vo'oxuque ja' ta xapasic c'u s'elan ta xa'albatic yu'un ti atotique.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

Deuteronomio 14:1

“Yu'un ti vo'oxuque, yalab xnich'naboxuc ti Ajvalil Dios avu'unique. Mi ja'uc xayayijes abaic. Mi ja'uc xat'anbun ta loq'uel ti stsotsil ajolic ta scoj mi oy buch'u chame.

Deuteronomio 32:6

¿Mi ja' jech ta xatojbeic ta xapacbeic sutel ti Diose? Pimil jteclum, mi ja'uc jutebuc oy abijilic, ¿mi yu'un ma'uc atot ti Buch'u laj yac' ach'ulele, ti laj smeltsanote? Ja' laj smeltsanot, laj yac'bot ach'ulel.

1 Juan 3:12

Mu me jechuc co'ntontic jech c'u cha'al ti Caine, ti laj smil ti yits'in ta scoj stotinoj ti pucuje. ¿C'u cha'al laj smil un? Yu'un ti c'usi ta spas ti Caine, toj chopol ta j'ech'el, ja'uc ti yits'ine, lec ti c'usi ta spase.