San Juan 8:34 - Bible in Tzotzil de Chamula

³⁴ Xi laj stac' ti Jesuse: —Ta melel ta xcalboxuc ava'iic, scotol ti buch'u ta sa' smulique, ja' mosovinbilic yu'un ti mulile.

Tzotzil Zinacantan

³⁴ ―Ta melel chacalbeic, ti muchꞌutic tsaꞌulan to smulique ticꞌajtic to ta mulil. Coꞌol xchiꞌuc mozoil ti mu xuꞌ tsloqꞌues sba stuque.

LEQUIL ACH' C'OP

³⁴ Xi i'albatic yu'un ti Jesuse: —Ta melel chacalbeic, ti much'utic tsa' smulique ja mozoinbilic yu'un li mulile.

Bible in Tzotzil de Chenalhó with Deuterocanon

³⁴ Itac'ov li Jesuse: —Jamal ta xcalboxuc ava'yic, scotol li boch'otic ta sa'ilan smulique ja' smozo mulil c'otemic o.

Tzotzil San Andres

³⁴ Itacꞌav li Jesuse: ―Melel li cꞌusi chacalbeique, scotol li buchꞌutic ta saꞌulan smulique jaꞌ te oyic ta jtunel yuꞌun li smulique.

Tzotzil de Huixtán

³⁴ Hech itac'av ti Jesuse: ―Melel ti c'usi chacalbeique, scotol ti much'u tsa'ilan smule oy ti mozoil yu'un smulic obi.

San Juan 8:34 Iomraidhean Croise

1 Reyes 21:25

(Mu'yuc xa yan ti x'ech' to chopol laj spas ta sba ta sat Dios jech c'u cha'al laj spas ti Acabe, ta scoj ti laj xch'unbe ti c'usi xal yo'nton ti yajnile.

Proverbios 5:22

Ti buch'u mu'yuc xch'ulel xa'i sbae, ta stsale yu'un ti c'usi chopol ta spase, co'ol s'elan jbejuc ch'ojon ta xchuque yu'un ti smule.

San Mateo 5:18

Melel ta xcalboxuc ava'iic, ti c'u sjalil oy ti vinajel banomile, mu'yuc ta xich' ch'ayesel jbeluc ti mantale ja' to mi c'ot ta pasel scotol ti c'usi ta ono'ox xc'ot ta pasele.

San Juan 3:3

Xi albat yu'un ti Jesuse: —Ta xcalbot ava'i ta melel, ti buch'u mu xvoc' ta ach'e, mu xu' x'och batel ti bu ta xventainvan ti Diose.

Hechos 8:23

Quiloj ti noj ta avo'nton ti yit'ixale, ti pech'bil chuculot yu'un ti mulile.

Romanos 6:12

Jech o xal un, mu xavac' abaic ta tsalel yu'un ti mulile yo' jech mu xapasic ti c'usi sc'an ti abec'talic ti sna' xchame.

Romanos 6:16

Ti vo'oxuque xana'ic lec ti mi oy bu ta xavac' abaic ta pasel ta mantal ta stojol jun ajvalil ta xch'unbel ti smantale, c'otemot ta mosovil yu'un ti ajvalile. Ja' jech xtoc un, mi ta xavac' abaic ta pasel ta mantal yu'un ti mulil ti lajel tubel sq'ueloj batele, lac'ot ta smosov. Ja' jech xtoc un, mi ta xach'un ta spasel ti c'usi ta sc'an ti Diose, ta xata alequilal.

Romanos 6:6

Ti c'u j'elantic ta ba'yele, jna'tic lec ti jipil ta curus cham xchi'uc ti Cristoe yo' jech ta xlaj yip ti c'u j'elantic ti naca jsa'mulilotique, yo' mu staojuc yav ta xispasotic ta mantal ta xismosovinotic ti mulile.

Romanos 7:14

Ti oy c'usi tsots albil sc'oplale, jna'tic ti lec ch'ul mantal ono'oxe, yu'un liquem talel ta stojol ti Diose. ¡C'u stu un! lum ach'elun, oy jtalel, laj xa jchon jba ta mosovinel yu'un ti mulile.

Romanos 7:25

Bats'i coliyal Dios ti ja' laj scoltaun ta sventa ti Cajvaltic Jesucristoe. Ta xca'i ti ac'o jpasbe smantal ti Diose. ¡C'u stu un! ti jtalele, mosovinbilun yu'un ti mulile.

Romanos 8:21

Yu'un ta sta yorail ti ta xpaj ti svocolic ti jech ta xc'a'e, ti jech ta soque. Yu'un ta xich' slequilalic ec ti c'alal ja' o ta xich' slequilal yutsilal ti xnich'nabtac ti Diose.

Efesios 2:2

Yu'un ta vo'ne ti vo'oxuque jech laj apasic jech c'u cha'al ta spasic ti jnaclejetic ta banomile, ti ach'unojbeic smantal ti pucuj ti ta ic' ta xanave, ti ta x'abtej ta yo'ntonic ti buch'utic mu xch'unic ti c'usi ta xal ti Diose.

SUN TITO 3:3

Yu'un ta vo'ne ti vo'otic eque, toj alticotic, toyobbaotic ta stojol ti Diose. Ch'ayemotic ta be. Ochemotic ta mosovil yu'un ti c'usi lec ta xa'i ti co'ntontique. Ja' cuxulotic ta spasel ti c'usi chopole, ti it'ix o'ntone, ti soquet to ox ti joltique, ti chopol xquilan jbatic ta jujun tale.

2 Pedro 2:19

Utsuc xa xalbeic ya'iic ti mu'yuc xa c'usi smaquelic ta bee, ti c'alal mosovinbilic ti stuquic ta pasel ti c'usi chopol ta sc'an ti sbec'talique. Yu'un scotol ti buch'uuc no'oxe, ta xcomic o ta yajmosov ti bu tsalbil ta xc'otique.