San Juan 8:24 - Bible in Tzotzil de Chamula

²⁴ Jech o xal laj calboxuc ava'iic ti acuchoj amul xacham xalajique, yu'un mi mu xc'ot ta avo'ntonic ti Buch'uun ta melele, acuchoj amul xacham xalajic, xacutoxuc.

Tzotzil Zinacantan

²⁴ Yechꞌo ti lacalbeic ti tey acuchoj amul chachamique. Mi mu xachꞌunic ti liquemon tal ta vinajele, tey acuchoj amulic ti cꞌalal xachamique ―xꞌutatic yuꞌun ti Jesuse.

LEQUIL ACH' C'OP

²⁴ Yech'o ti lacalbeic ti tey acuchoj amul chachamique; yu'un ti mi mu xa ch'unic ti Vo'on ta melele, tey acuchoj amul chachamic. ―X'utatic.

Bible in Tzotzil de Chenalhó with Deuterocanon

²⁴ Ja' yu'un laj calboxuc ti te acuchoj amul chachamique, yu'un mu xach'unic ti Vu'une, jech te acuchoj o amul chachamic —xi li Jesuse.

Tzotzil San Andres

²⁴ Ti laj calboxuc ti te acuchoj amulic chachamique, yuꞌun mu xachꞌunic ti joꞌon chajcoltaique, jaꞌ yuꞌun te acuchoj o amulic chachamic ―xi li Jesuse.

Tzotzil de Huixtán

²⁴ Ja' yu'un ti hech laj calboxuc: Acuchoj amul chachamic, ti xacutique. Yu'un mi mu xach'un ti ho'on Jcoltavanejun avu'unique, ja' acuchoj amul chachamic ―xchi ti Jesuse.

San Juan 8:24 Iomraidhean Croise

Éxodo 3:14

Ti Diose xi laj staq'ue: —VU'UN TI BUCH'U ONO'OXE., Ja' jech xtoc xi xavalbe ya'iic ti israeletique: VU'UNUN ti xie, ja' laj stacun talel ta atojolic.

Proverbios 8:36

Yan ti buch'u ta xch'ac sbaic ta jtojole, xi'bal xa sba xac' o ti sjol sbaquil xchi'uque; lajebal ta sc'upin ya'i ti buch'u xti'et sjol ta jtojole.”

San Mateo 24:5

Yepal no'ox ta xtalic ti buch'u ta sbis sba jech c'u cha'alune, ti xi ta xalique: ‘Vu'unun ti Cristoe.’ Yepal ta slo'la ti jnaclejetique.

Marcos 13:6

Yepal no'ox ta xvulic ta loq'uel ta sbis sbaic jech c'u cha'al ti vu'une, ‘Vu'un Cristoun’, xi ta xalique. Yepal no'ox ta xlajic ta lo'lael.

Marcos 16:16

Ti buch'u ta xich'ic ta muc' ti lequil ach' c'ope, ta xich'ic vo' unbi, ta staic pojel colel. Ja'uc ti buch'utic mu xich'ic ta muc' ti lequil ach' c'ope, ta ono'ox stoj ti smulique.

San Lucas 21:8

Ti Jesuse xi laj yale: —Bijanic, mu xalajic ta lo'lael, yu'un yepal ti buch'utic ta stunesic ti jbi ti xi ta xalique: ‘Vu'unun ti Cristoune.’ Oy yan ti xi ta xalique: ‘Xtal xa ma' ti Cristo une.’ Ja'uc le'e, mu xats'acliic.

San Juan 13:19

C'alal ta xavilic jech ta xc'ot ta pasele, jpoco'alojboxuc xa ono'ox ava'iic yo' ta xc'ot ta avo'ntonic ta xch'unel Buch'uun ta melel.

San Juan 3:18

“Ti buch'u ta xc'ot ta yo'nton ti ja' Jpojvanej yu'un ti Xnich'on Diose, mu x'ac'bat stoj ti smule. Ja'uc ti buch'u mu xc'ot ta yo'nton ti ja Jpojvanej yu'une, chapal xa sc'oplal ta stoj ti smule, ta scoj ti mu xc'ot ta yo'nton ti yo junomal Xnich'on ti Diose.

San Juan 3:36

Ti buch'u ta xc'ot ta yo'nton ti ja' Jpojvanej yu'un ti Nich'onile, oy xcuxlejal sbatel osil. Ja'uc ti buch'u mu xc'ot ta yo'ntone, mu sta ti xcuxlejale. C'ajomal xa no'ox chapal sc'oplal ti tsots tsitsel ta x'ac'bat yu'un ti Diose.

San Juan 4:26

Xi laj yal ti Jesuse: —Taje, vu'unun ti li' yacal ta xic'opoj ta atojole.

San Juan 8:21

Xi laj xcha'al ti Jesuse: —Ti vu'une ta xibat. Ta xasa'icun un. Le' une, acuchoj amul xacham xalajic. Yu'un ti bu ta xibate, mu xac'otic.

San Juan 8:25

Xi laj sjaq'uique: —¿Buch'uot un cha'e? Xi laj stac' ti Jesuse: —Laj xa calboxuc ava'iic ta sliquebal.

San Juan 8:28

Xi laj yal ti Jesuse: —C'alal ti vo'oxuc ta xajipanic ta curus ti vu'un co'ol j'elantique, ja' to ta xlic avojtiquinicun Buch'uun ta melel. Scotol ti c'usi ta xcale, ma'uc ta jol jtuc, yu'un ja' ta xcal c'u s'elan lichanubtasat yu'un ti Jtote.

San Juan 8:58

Xi laj stac' ti Jesuse: —Ta xcalboxuc ava'iic ta melel, c'alal mu'yuc to ox voq'uem ti Abrahame, oyun xa ono'ox.

Hechos 4:12

Mu'yuc xa yan bu ta tael ma' ti coltaele, yu'un mu'yuc laj sva'an yan Jcoltavanej ti Dios li' ta banomile. Ja' no'ox ta sventa Jesús ta jtatic ti coltaele.

Hebreos 12:25

Jech o xal un, bijanic, tsotsanic, mu xabaj xaten ti Buch'u yacal ta xisc'oponotic avi tanae. Yu'un mu'yuc xcolic ti buch'utic laj sbajic ti bijubtasel yu'un ti buch'u c'opoj ta sventa Dios li' ta banomile. ¿Mi ja' xa van ta xijcolotic ti vo'otic mi ta jbajtic ti Buch'u ta xisbijubtasotic ti ta xlic talel sc'opojel ta vinajele?

Hebreos 2:3

¿C'usi xa ono'ox ta xcutic yo' ta jpoj jbatic un cha'e mi mu jtuc'ulantic lec ti muc'ul coltaele? Yu'un ja' laj yal ba'yel stuc ti Cajvaltic sc'oplal ti pojel colele. Lic yalbotic ec ti buch'utic laj ya'iic ba'yel ti sc'oplale.