San Juan 8:19 - Bible in Tzotzil de Chamula

¹⁹ Xi laj sjac'beique: —¿Bu oy ti atote? Xi laj stac' ti Jesuse: —Ti vo'oxuque mu xavojtiquinicun, mi ja'uc xavojtiquinic ti Jtote. Ti yu'unuc xavojtiquinicune, xavojtiquinic ti Jtot jechuque.

Tzotzil Zinacantan

¹⁹ ―¿Bu ti atot chavale cheꞌe? ―xi ti jfariseoetique. ―Yuꞌun mu xachꞌunic ti tey liquemon tal ta vinajele, yechꞌo ti mu xachꞌunic ti jaꞌ Jtot ti Rioxe. Ti achꞌunojicuc ti tey liquemon tal ta vinajele, anaꞌojic ti jaꞌ Jtot ti Rioxe ―xut.

LEQUIL ACH' C'OP

¹⁹ Xi isjac'beique: —¿Bu ti atot chavale? ―Xutic. Itac'av ti Jesuse: ―Li vo'oxuque mu xa vojtiquinicon, ja' no'ox yech ti Jtote mu xa vojtiquinic uc; ti xavojtiquiniconuque, ja' no'ox yech xavojtiquinic yechuc ti jtote. ―X'utatic.

Bible in Tzotzil de Chenalhó with Deuterocanon

¹⁹ Jech laj yalbeic li Jesuse: —¿Bu oy li atot chavale? —xutic. Itac'ov li Jesuse: —Yu'un mu xavotquinicun li vu'une, jech mu xavotquinic ec li Jtote. Ti avotquinicucune, xavotquinic xa Jtot ec ti jechuque —xut.

Tzotzil San Andres

¹⁹ Li jfariseoetique jech la sjacꞌbeic li Jesuse: ―¿Bu oy la atot chavale? ―xutic. Itacꞌav li Jesuse: ―Mu xavojtaquinicun, jech mu xavojtaquinic eꞌuc li Jtote. Ti xavojtaquinicune, jech xavojtaquinic eꞌuc li Jtote ―xut.

Tzotzil de Huixtán

¹⁹ Hech lic sjaq'uic: ―¿Bu oy ti Atote ti chavale? ―xchiic. Hech itac'av ti Jesuse: ―Mu xavojtiquinun, mu xavojtiquin uc ti Jtote. Ti taca avojtiquinucune, chavojtiquin uc ti Jtote ti hechuque ―xchi.

San Juan 8:19 Iomraidhean Croise

Jeremías 22:16

Laj stic' sba ta spojel ti c'usitic oy sc'oplal ta xtun yu'un ti buch'utic me'un mu'natetique, xchi'uc ti buch'utic ilbajinbilique, jech o xal lec c'ot ta loq'uel yu'un un. Taje, sbiinoj xiyojtiquinun, xi smelol. Ti vu'un Diosune, mu stselbuj ti jc'ope.

Jeremías 24:7

Ta xcac'be lec snopbenal yu'unic yo' jech ta xiyojtiquinic ti vu'un Ajvalilune. Ti stuquique ta xc'otic ta jteclumal, ta xic'ot ta Dios yu'unic un, ja' ti sjunul xa yo'ntonic ta sutic talel ta jtojole.

San Mateo 11:25

Ti jech yorail taje, xi laj yal ti Jesuse: —Tot, Cajvalot, ta jlequil-c'oponot, Yajval vinajel banomil, mu'yuc laj avac'be sna' scoltael ti buch'utic bij ta xa'ibe xchiquinal ti yalojique. Ja' no'ox laj avac'be sna' scoltael ti buch'utic laj spas sbaic ta olole.

San Juan 1:10

Ti j'ac'-cuxlejale li' xa oy ta stojol ti jnaclejetique. Manchuc mi ja' ta sventa meltsaj ti banomile, ti jnaclejetic ta banomil une mu'yuc laj yojtiquinic.

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

San Juan 15:21

Scotol taje, jech ta xc'ot ta atojolic ta jventa, yu'un mu xojtiquinic ti Buch'u laj stacun talele.

San Juan 16:3

Jech ta spasic, yu'un mu xojtiquinic ta j'ech'el ti Jtote, mi ja'uc xiyojtquinicun ec.

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

San Juan 7:28

Ti jech ta xchanubtasvan ta ch'ulna ti Jesuse, xi tsots laj yale: —Ati xcaltic un cha'e, xavojtiquinicun, xana'ic bu liquemun talel. Ja'uc le' une, ma'uc talemun ta jmantal jtuc, ja' tacbilun talel yu'un ti Buch'u oy slequil yutsil yo'ntone, ti vo'oxuc mu xavojtiquinique.

1 Corintios 15:34

Cha'tamic lec ti cuxlejale. Mu xasa' amulic. Oy jlom avu'unic mu xojtiquinic ti Diose. Ti jech ta xcalboxuc taje, yo' jech xaq'uexavic.

Gálatas 4:9

Ja'uc avi tana li'e, laj xa avojtiquinic ti cuxul Diose, ti xcaltic lec ava'iique, ja' laj yojtiquinoxuc ti Diose. ¿C'u cha'al un chae ta xba avac' abaic ta mosovinel xtoc ta stojol ti c'usi j'ech'el mu'yuc c'usi xu' yu'une?

Efesios 1:17

Ta aventaic chcalbe vocol Dios yu'un ti Cajvaltic Jesucristoe, ti Jch'ul Totic ti mu albajuc ti yutsilal slequilal ta j'ech'ele. Ta jc'anbe ti ac'o xayac'boxuc abijilic ta yojtiquinel yo' ta xava'iic lec ta avo'ntonic stalel ti Diose.

Colosenses 1:10

Yu'un ja' to jech xu' avu'unic ta spasel jech c'u cha'al ti buch'utic ja' yu'untac ti Cajvaltique, ti yacaloxuc ta spasel ti c'usi lec ta xile, ti yepal no'ox oy ep ta tos slequil yutsil avo'ntonic ta spasel ti c'usi leque, xchi'uc ta yojtiquinel ti Diose.

Colosenses 1:15

Ti mu xvinaj ta q'uelel ti Diose, tal yac' sba iluc ta sventa ti Xnich'one. Yu'un ti Xnich'one, oy xa ono'ox c'alal lic meltsajuc talel scotol ti c'usitic oye.

Hebreos 1:3

Yu'un xojobin no'ox yutsilal slequilal ti Dios ta stojole, yu'un ja' stalel stuc Dios oy ta stojol. Ja' jech xtoc ta sventa smuc'ul stsatsal ti sc'ope, sbainoj scotol ti c'usitic oy x'ayane. C'alal laj stub ti jmultique, bat chotluc ta stuq'uil xocon sbats'i c'ob ti Diose.

1 Juan 2:23

Buch'uuc no'ox ti ta scontrain ti Nich'onile, mu'yuc oy ta stojolic ti Dios Totile. Ti buch'u ta xich' ta muc' ti Nich'onile, ta xich' ta muc' xtoc ti Dios Totile.

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.

2 Juan 1:9

Buch'uuc no'ox ti ta syanijesbe smelol ti c'u s'elan chanubtasvan ti Cristoe, mu'yuc Dios ta stojol. Ja'uc ti buch'u mu syanijesbe smelol ti c'u s'elan chanubtasvan ti Cristoe, oy ta stojol ti Dios Totile, xchi'uc ti Nich'onile.