San Juan 8:12 - Bible in Tzotzil de Chamula

¹² Ti Jesuse xi laj no'ox yal xtoc ta stojol ti jnaclejetique: —Luzun yu'un ti jnaclejetique. Ti buch'u ta xists'aclie, oy luz yu'un ti ta x'ac'bat ti xcuxlejale. Mi ja'uc ta xanav ta ic'al osil.

Tzotzil Zinacantan

¹² Ti Jesuse ichanubtasvan noxtoc, jaꞌ yech lic yal: ―Li voꞌone coꞌol xchiꞌuc aluzicon yaꞌel, voꞌoxuc ti teyoxuc ta icꞌ osil yaꞌel ta scoj li mulile. Ti muchꞌutic chiyichꞌic ta muqꞌue mu xa bu ta saꞌ smulic. Jaꞌ xa tspasic li cꞌusitic leque yuꞌun voꞌon ta jcoltaic. Jaꞌ chcuxiic ta sbatel osil ―xi.

LEQUIL ACH' C'OP

¹² Ti Jesuse isc'opon noxtoc ti crixchanoetique, ja' yech iyalbe chac li'i: ―Vo'on luzon li' ta balamile; ti much'u chi snap'letaone ta sta li luz scuenta cuxlejale, mu xa bu chanav o ta ic'al osil. ―Xi.

Bible in Tzotzil de Chenalhó with Deuterocanon

¹² Li Jesuse la sc'opan yan velta li cristianoetique, jech laj yalbe: —Vu'un luz c'otemun li' ta banamil. Li boch'o ta xtal ta jtojole mu'yuc xa ta xanov ta ic' osil. Oy xa ta sac osil sventa cuxlejal —xi.

Tzotzil San Andres

¹² Li Jesuse ichanubtasvan nojtoc, jech laj yal: ―Li joꞌone coꞌol schiꞌuc xojobal cꞌocꞌun yaꞌel ta atojolic, joꞌoxuc ti oyoxuc ta icꞌal acꞌubal yaꞌel ta scoj li mulile. Li buchꞌutic chiyichꞌic ta muqꞌue ta xictaic spasel li mulile. Jaꞌ xa ta spasic li cꞌustic leque yuꞌun joꞌon ta jcoltaic, jech ta xcuxiic o sbatel osil ―xi.

Tzotzil de Huixtán

¹² Yan vuelta lic chanubtasvanuc ti Jesuse. Hech laj yalbe ya'yic: ―Ho'oni luzun avu'unic, ho'oxuc ti mozoimbiloxuc yu'un ti mulile li' ti balumile. Ti much'u chists'acliune ja' chcom yu'un ti mulile, ja' tspasilan ti c'usi leque yu'un ho'on ti jtojobtas batel hech chcuxi sbatel osil ―xchi.

San Juan 8:12 Iomraidhean Croise

Job 33:28

Laj ono'ox scoltaun ti jutuc xa mu lichame, laj to quil ti saquilal osil banomile.”

Salmos 18:28

Cajval, ta sac jamtaj avu'un ti osil banomil ta jtojole; Dios cu'un, ti ic'uneb ti osil banomil ta xca'ie, xojobin liquel avu'un un.

Salmos 49:19

ta xc'ot sc'ac'alil un ti ta xchame, mu xa xil ti saquilal osile.

Salmos 97:11

Xojobin no'ox yutsil ti buch'u stuc'ulanoj sbae; ti muyubajele c'otem ta sventa ti buch'u oy yutsil slequil yo'ntone.

Isaías 49:6

Ti Diose xi no'ox lic yalbune: “Ma'uc no'ox ma' ti cajtunelot ta stamel liquel snitilultac ti Jacobe, ti ta sutic talel ta jtojol avu'un ti c'u yepal c'uxul to ti Israele. Ja' jech xtoc ta xac'ot cu'un ta saquilal osil yu'un ti muc'tiquil lumetique, yo' jech ta xavich' batel scoltaelic cu'un ti buch'utic oyic ta namal banomile.”

Isaías 50:10

Ti axi'taojic ti Diose, a'yio ava'iic ti xi ta xal sc'op ti yajtunele: Mi ic' ta j'ech'el ti bu ta xaxanavique, mi ja'uc jutebuc ti saquilal osile, pato avo'nton ta stojol ti Ajvalile, nabano abaic ta stojol ti Dios avu'unique.

Isaías 9:2

Ti jnaclejetique, ti mu to ox xilic ti saquilal osil ti bu stamojic batele, sac jaman no'ox ti banomil lic yilique. Ech'em no'ox yutsil xchijlajan yutsil ti banomil laj yilic ti mu xilic to ox ti saquilal osile.

Oseas 6:3

La' cac'betic yipal ta yojtiquinel ti Diose. Ti Diose ta xtal ta jtojoltic jech c'u cha'al ta xloc' talel ti c'ac'ale, jech c'u cha'al ti vo' ti ta xyal talel yo' ta smalta ti banomil ti c'alal yorail ti q'uepelale, xchi'uc ti sba yalelal vo'e.”

Malaquías 4:2

Ja'uc ti vo'oxuc une, ti nijil chimiloxuc ta yich'elun ta muq'ue, jech ti pojel c'uxubinel cu'une xtixet no'ox vulel ta atojolic co'ol s'elan xojobal ti c'ac'ale, yu'un ja' ach'iel ac'opojelic ti xtixet no'ox vulel ta atojolique. Jech ti vo'oxuque, natic no'ox xabitic ta muyubajel jech c'u cha'al ti ch'iom vacaxetic c'alal ta xloc' batel ta scorrale.

San Mateo 5:14

“Ta stojolal ti yane, co'ol s'elan luz c'otemoxuc. Ti jun jteclum ti oy ta jol vitse, mu'yuc ta nac'al.

San Lucas 2:32

Ja' saquilal osil banomil yu'unic ti muc'tiquil lum ma'uc Israele, xchi'uc ja' yich'el ta muc' ti israeletic ti ja' anich'nabe.”

San Juan 12:35

Xi ti Jesuse: —Li' to oy ta atojolic ti saquilal osile. Ja' no'ox un, mu xa jaluc li' oye. Xanavanic ta stojol ti saquilal osile yo' to li' oy ta atojolique, yo' mu ch'ayaluc avo'ntonic xastaoxuc ti ic'al osile. Yu'un ti buch'u ta xanav ta ic'al osile, mu sna' bu ta xbat.

San Juan 12:36

C'otuc ta avo'ntonic ta xch'unel ti saquilal osile yo' to li' va'al ta atojolique, yo' jech ta xac'otic ta yalab xnich'nab ti saquilal osile. C'alal jech laj yale, bat snac' sba ti Jesuse.

San Juan 12:46

Yu'un saquilal osilun lital ta banomil yo' jech ti buch'u ta xc'ot ta yo'nton ta xch'unelune, mu xcom ta ic'al osil.

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

San Juan 3:19

Ti buch'utic mu xc'ot ta yo'ntonique, chapal xa sc'oplal ta stoj ti smulique, yu'un yacalic ta spasel c'usi chopol c'alal ja' o tal ta banomil ti Jesucristo ti ja' luze, mu lecuc laj ya'iic. Ja' lec laj ya'iic ta spasel ti c'usi ja' sventa ti ic'al osile. Ja' mu sc'anic ti saquilal osile.

San Juan 7:17

Mi oy buch'u oy ta yo'nton sc'an ta spas ti c'usi oy ta yo'nton ti Diose, ta xlic yil mi liquem talel ta stojol ti Diose, mi ja' no'ox ta jnop jtuc ti c'u s'elan ta xichanubtasvane.

San Juan 9:5

Ti li' to oyun ta banomile, c'otemun ta saquilal osil yu'un ti jnaclejetique.

Hechos 13:47

Yu'un laj yalbuncutic mantal ti Diose, ti xi ta xale: ‘C'otemoxuc ta saquil osil yu'un ti muc'tiquil jyanlumetique ta sbainel ta yalel sc'oplal ti pojel colel cu'une, ti bu xa c'alal spajeb snamal ti banomile.’

Hechos 26:23

Ja' laj yalic ti oy sc'oplal ta xcham ti Cristoe. C'alal mi chamem xa oxe, ja' ba'yel ta xcha'cuxi yo' jech ta xa'iic sc'oplal ti saquilal osil ti ja' colebale ta sventa ti steclumale xchi'uc ti jyanlumetique”, xi ti Pabloe.

2 Pedro 2:17

Ti jlo'lavanej jchanubtasvanejetic taje, co'ol s'elanic joc' ti ch'abal ti ya'lele, co'ol s'elanic toc ti ic'bil ta xbat yu'un ti iq'ue. Sbatel osil chapal xa sc'oplal ta xbat stojic ti bu spajebal ic' ta j'ech'el ti osile.

2 Pedro 2:4

Ti ánjeletic ti laj sta smulique, mu'yuc ono'ox ch'aybat smulic yu'un ti Diose, c'ajomal no'ox jipatic yalel ta c'atimbac ti bu nac'bil chucajtic ta cadena taq'uin ictaatic comel ta ic'al osil yo' ta xich'ic chapanel c'alal ta sta sc'ac'alile.

1 Juan 1:6

Mi ta xcaltic ti junotic xchi'uque ti c'alal oyotic ta ic'al osile, jutbil ti c'usi ta xcaltique, ti c'usi ta jpastique.

Judas 1:13

Cuxul j'ilbajinvanejetic ta j'ech'el, yu'un co'ol s'elan svoc ya'lel nab ti natic xva'i xcoti ta sjipel loq'uel talel ti c'usitic mu xtune, ti naca q'uexlal sba ti stalelique. Co'ol s'elan jech c'u cha'al junuc c'anal ti ta xch'ay ta bee. Chapal xa sc'oplal ta xbatic sbatel osil ti bu ic' ta j'ech'el ti osile.

Judas 1:6

Jech ti anjeletic ti mu'yuc c'usi bal o laj ya'iic ti bu to ox oyique, ti laj yictaic comel ti bu va'anbilique, chucajtic xa sbatel osil ta ic'al osil yu'un ti Diose, ta smalaic ti ta sta sc'ac'alil ti muc' ta chapanele.

Apocalipsis 21:24

Xanavic no'ox ta xojobal jteclum ma' ti jnaclejetic oy ta sjoylej banomile. Ti ajvaliletic oyic ta sjoylej banomil xtoque, ta xac'beic Dios ti sc'ulejalic laj staique.