San Juan 7:7 - Bible in Tzotzil de Chamula

⁷ Yu'un ti buch'utic co'ol avo'ntonic xchi'uque, mu'yuc xti'et sjolic ta atojolic. Ja'uc ti vu'une ta xiscontrainicun, ja' ti jamal ta xcalbe ya'iic ti c'usi chopol ta spasique.

Tzotzil Zinacantan

⁷ Mu chopluc chayilic li crixchanoetique. Yan li voꞌone chopol chiyilic yuꞌun ta xcalbeic ti chopol li cꞌusitic tspasique.

LEQUIL ACH' C'OP

⁷ Li vo'oxuque mu chopluc chayilic li crixchanoetic li' ta balamile; yan li vo'one chopol chiyilic, yu'un ta xcalbeic ta jamal ti chopol li c'usitic ta spasique.

Bible in Tzotzil de Chenalhó with Deuterocanon

⁷ Yu'un li vo'oxuque mu xu' chopol chayiloxuc li cristianoetique. Yan li vu'une chopol chiyilicun, yu'un vu'un ta xcalbeic ta jamal ti chopol c'usitic tspasique.

Tzotzil San Andres

⁷ Li crixchanoetique muc bu chopol chayilic li joꞌoxuque. Yan li joꞌone chopol chiyilic yuꞌun joꞌon ta xcalbeic ti chopol li cꞌustic ta spasique.

Tzotzil de Huixtán

⁷ Ti crixchanoetique li' ti balumile mu xu' chayilintaoxuc ti ho'oxuque. Ho'oni chiyilintaun yu'un ti jcholbe sc'opilal ti chopol ti yabtelique.

San Juan 7:7 Iomraidhean Croise

1 Reyes 21:20

Ti Acabe xi laj stac'be ti Eliase: —Ti jech acontra une, laj ataun ta sa'el xcaltic ec un. Xi laj stac' ti Eliase: —Laj jtaot ta sa'el unbi yo' jech mu teyuc no'ox ta xapasolan ti spajebal o ti c'usi chopol ta sba ta sat ti Diose.

1 Reyes 22:8

Ti ajvalil yu'un ti Israele xi laj stac'be ti Josafate: —Oy to yan ma' ti oy buch'u xu' ta jac'tic ta stojol ti Dios unbi, ja' ti Micaiase, xnich'on ti Imlae. Ja'uc le' une, mu lecuc xquil. Mu'yuc lec c'usi ta xalbun ti c'alal oy c'usi ta jac'bee, naca chopol ta xalilan. Ja'uc ti Josafate xi laj yalbe ya'ie: —Mu xaval jech taje.

Salmos 109:5

Ta chopol ta xispacbeicun sutel ti c'usi lec laj jpasbeique; ta sti'emal xa sjolic ta xispacbeic sutel ti laj xc'uxubinique.

Proverbios 15:12

Ti buch'u pimunebe mu junuc yo'nton xchi'uc ti buch'u ta xtojobtasvane, mi ja'uc ta sco'oltas yo'nton xchi'uc ti buch'u oy sbijile.

Proverbios 8:36

Yan ti buch'u ta xch'ac sbaic ta jtojole, xi'bal xa sba xac' o ti sjol sbaquil xchi'uque; lajebal ta sc'upin ya'i ti buch'u xti'et sjol ta jtojole.”

Isaías 29:21

Ti j'ac'-cuchinej milvaneje, ti j'ac'-cuchinej mulile, ti buch'u jech xa yilel ti sc'op buch'utic ta slo'la syanijesbel sjol ta spas ti mu xchapan ti buch'u ch'abal smule, ta xlaj sc'oplal.

Isaías 49:7

Ti jpojvanej jcoltavanej Ajvalile, Ch'ul Dios yu'un ti Israele, xi ta xalbe ti lum ti tan puc batic ta j'ech'ele, ti bajbil tenbil c'otic yu'un ti yan lumetique, ti c'otic ta yajmosovtac ti buch'u spajebal xa no'ox j'ilbajinvanej xa'i sbaique: “C'alal ta xayil ti ajvaliletique, xchi'uc ti its'inal ajvaliletique, ta xlic va'iicuc, ta squejan sbaic ta atojol, yu'un ti jech Ajvalilune, ch'ul Diosun yu'un ti Israele, laj jt'ujot, ta xc'ot ta pasel cu'un ti c'u s'elan calojane.”

Jeremías 20:8

Ti oy ta que ta jti' ta yalele, naca sc'oplal ilbajinel, tsutsesel. Iltabilun, labanbilun ta j'ech'el ta sventa ti ta xcal ti ac'ope.

Levítico 13:10

Jech ti palee ta stuc'ulan lec. Mi ta xvinaj ti sac lo'an ta situbel ti snuculile, ti sacuneb xa xtoc ti stsotsile, ti lec yilel ti sbec'tal ti c'alal situnebe,

Zacarías 11:8

Ta jun no'ox u, laj jtuch'be yabtel oxib j'il-chijetic ta scoj ti xcapet no'ox sjolic ta jtojole, yu'un laj ti sts'iquemal xcuchemal cu'une.

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

San Lucas 6:26

“¡Mu cha'beluc un, ti vo'oxuc lec albil ac'oplalic avi li'e! Jech ono'ox laj spasic smolmuc'totic ti jnaclejetic li'e, lec c'opojic ta stojol ti jlo'lavanej j'alc'opetique.

San Juan 17:14

Yu'un laj xa calbe ya'i ti ac'ope. Ja'uc le'e, contrainbilic yu'un ti jnaclejetic ta banomile, yu'un mu co'oluc yo'ntonic xchi'uc ti buch'utic oyic ta banomile, jech c'u cha'al ti vu'un mu co'oluc co'nton xchi'uque.

San Juan 3:19

Ti buch'utic mu xc'ot ta yo'ntonique, chapal xa sc'oplal ta stoj ti smulique, yu'un yacalic ta spasel c'usi chopol c'alal ja' o tal ta banomil ti Jesucristo ti ja' luze, mu lecuc laj ya'iic. Ja' lec laj ya'iic ta spasel ti c'usi ja' sventa ti ic'al osile. Ja' mu sc'anic ti saquilal osile.

Romanos 8:7

Ti buch'u ta stalel stuc ta snopilan ti c'usi ta spasique, ta xc'otic ta yajcontra ti Diose, yu'un mu sc'an ta xich'ic ta muc' ti oy c'usi tsots sc'oplal albil yu'un ti Diose, mu ja'uc xtojobic ta xch'unel.

Gálatas 4:16

Avi tana une, ¿mi yu'un lijoybij xa ta avajcontraic ti c'alal ja' no'ox laj calboxuc ava'iic ti bu ja' melele?

Santiago 4:4

Mu'yuc atuq'uilic ta j'ech'el jnaclejetic ta banomil. ¿Mi mu xana'ic ya'yel ti buch'u c'upil ta xa'i ti sba banomile, ta xc'ot ta yajcontra Dios? Buch'uuc no'ox ti ta sc'upijel yo'nton ta st'uj ti sba banomile, ta xjoybij ta yajcontra Dios.

1 Juan 4:5

Yu'un ti stuquique sventainojic ti sba banomile. Jech o xal naca sc'oplal sba banomil ta xalic. Ti buch'utic sventainojic ti sba banomile ta xa'ibeic ti sc'ope.