San Juan 7:39 - Bible in Tzotzil de Chamula

³⁹ Ti va'i s'elan laj yal ti Jesuse, ja' ta xac' ta na'el ta xich'ic Ch'ul Espíritu ti buch'utic ta xc'ot ta yo'ntonic ta xch'unele. Mu'yuc to talem ti Ch'ul Espiritue, yu'un mu'yuc to muyem batel ta vinajel ta yich'el slequilal yutsilal ti Jesuse.

Tzotzil Zinacantan

³⁹ Ti xꞌelan iyale, jaꞌ iyalbe scꞌoplal ti Chꞌul Espíritue ti scꞌoplal ch-acꞌbat xchiꞌinic ti muchꞌutic ta xchꞌunic ti jaꞌ ta xlecubtasbat yoꞌonic yuꞌun ti Jesuse. Yuꞌun mi jun mu toꞌox muchꞌu acꞌbil xchiꞌin ti Chꞌul Espíritue, jaꞌ ti mu toꞌox ta sut echꞌel ta vinajel ti Jesuse.

LEQUIL ACH' C'OP

³⁹ Ti x'elan iyal ti Jesuse, ja' iyalbe sc'oplal ti much'utic chch'unic ti Jesuse, ta xtal scuentainelic yu'un ti Ch'ul Espiritue; yu'un ti ch'ul Espiritue mu to'ox bu talem, ja' ti mu to'ox bu muyem ech'el ta vinajel ti Jesuse yo' bu ti slequilale.

Bible in Tzotzil de Chenalhó with Deuterocanon

³⁹ Le'e ja' laj yalbe sc'oplal yabtel li Ch'ul Espíritu ti sc'oplal chich'ic li boch'otic ta xch'unique. Pero mu'yuc to'ox talem li Ch'ul Espiritue, yu'un mu'yuc to muyem batel ta lequilal li Jesuse.

Tzotzil San Andres

³⁹ Ti jech laj yal Jesuse, jaꞌ laj yalbe scꞌoplal yabtel li Chꞌul Espíritu li scꞌoplal onoꞌox ta xꞌacꞌbat ta yoꞌonic li buchꞌutic ta schꞌunic ti jaꞌ Yajcoltavanejic li Jesuse. Pero muc toꞌox bu talem li Chꞌul Espíritue yuꞌun muc toꞌox bu sutem batel ta vinajel li Jesuse.

Tzotzil de Huixtán

³⁹ Hech laj yal ti Jesuse yu'un laj xcholbe sc'opilal ti Ch'ul Espíritue, ti sc'opilal ch-ac'batic ti yo'ntonic ti much'utic chch'unique. Mu to talemuc ti Ch'ul Espíritue yu'un mu to tsut batel ti vinajel ti Jesuse.

San Juan 7:39 Iomraidhean Croise

Salmos 68:18

Ta toyol lamuy ech'el un, Ch'ul Dios, avic'ojan ech'el ta chuquel ti jchuqueletique; laj avich' ac'bel matanal yu'un ti viniquetic une. Ti jtoyobbaetique laj sbic'tajes sbaic ta atojol un, Dios.

Proverbios 1:23

Ts'etano ani' achiquinic ta ya'yiel ti c'u s'elan ta jtojobtasoxuque, yo' jech ventainbil ta xac'ot yu'un ti jbijile, ti ta xlic abtejuc ti sbijil jol ta atojole.

Isaías 12:3

Xamuyubajic xa ec, xu' xabatic ta stunesel ta yuch'el ti sat vo' ti c'otem ta sventa pojel colele.

Isaías 32:15

Ja' to mi c'ot yorail ta xcha'vul ta loq'uel ta jtojoltic ti smuc'ul stsatsal ti j'ac'-cuxlejal Diose, ta xlic joybijuc ta ve'ebal banomil ma' ti sbajtical banomil une. X'ech' to yutsil liquel ti ve'ebal banomile.

Isaías 44:3

Yu'un ta xc'ot ta pasel cu'un ti ta xlic beinuc vo' ti ta sbajtical banomile, ti ta xlic t'omuc ch'in uc'umetic ti ta taquin banomile. Yu'un ta xcac'be ach' xcuxlejic ti anitilultaque. Ta jva'an jba ta yac'bel ti jlequilal cutsilale.

Joel 2:28

“C'alal mi ech' ti va'i s'elan taje, xi s'elan ta xc'ot ta pasel cu'un ta stojol ti jnaclejetic ta banomil c'alal ta jtic'beic ta sjolic ti jcuxleje: ti aquerem atsebique ta xlic c'opojicuc ta jventa; ti moletique, oy c'usi ta xilic ta xvaichic; jech ti jva'lej viniquetique, oy c'usi ta xilic ti ta xjam ti sba satique.

San Mateo 16:14

Xi laj stac'beique: —Oy jlom ta xalic vo'ot la ti Juan j'ac'-ich'-vo'e. Oy jlom ta xalic vo'ot la ti Eliase. Ta xalic ti jlom xtoque, vo'ot la ti Jeremiase, o mi mo'oje, ja' la jun j'alc'opot.

San Mateo 21:11

Scotolic xi ta stac'olanbe sbaique: —Ja' ti j'alc'op Jesuse ti liquem talel ta Nazaret ti oy ta Galilea banomile.

San Lucas 24:49

Ja'uc le' une, malaic li' ta jteclume, yu'un ta jtacboxuc talel ta atojolic ti oy c'usi yaloj ti Jtot ta xaq'ue. Ja' to xaloq'uic batel li' ta jteclum Jerusalén mi laj xa avich'ic ti amuc'ul atsatsalic ti ta xlic talel ta vinajele.

San Lucas 3:16

Ja'uc ti Juane xi laj yalbe ya'i scotolique: —Ta melel, vo' no'ox ta xcac' avich'ic ti vu'une. Ja'uc ti Buch'u ta to xtale, ta xac'boxuc avich'ic ti Ch'ul Espíritu ti co'ol s'elan c'oq'ue. X'ech' to xu' yu'un, ja' mu sta ti vu'une, yu'un mu xic'ot o ta sjitunbel ti yaq'uil xonobe, yu'un mu'yuc jlequilal cutsilal ta stojol.

San Lucas 7:16

Ta xi'el xa laj slequil-c'optaic Dios c'alal jech laj yilic scotolique, ti xi laj yalique: —Vul ta loq'uel jun muc' ta j'alc'op ta jtojolcutic. Tal scolta steclumal ti Diose.

San Juan 1:21

Ti stuquique xi laj xcha'jac'beique: —Ti xcaltic un cha'e, ¿buch'uot? ¿mi vo'ot ti j'alc'op Eliase? —Mu'cun —xi laj yal ti Juane. Xi laj xcha'jac'beique: —¿Mi vo'ot ti j'alc'op vinajem sc'oplal ti ta xtal ono'oxe? —Mu'cun —xi laj stac' ti Juane.

San Juan 1:25

xi laj sjac'beic no'ox xtoque: —Mi ma'ucot ti Cristoe, mi ma'ucot ti Eliase, mi ma'ucot ti yan j'alc'op ta xtale, ¿c'u cha'al ta xavac' ich' vo'?

San Juan 1:33

Mu jna' ec un ti Buch'ue, ja'uc ti Buch'u laj stacun talel ta yaq'uel ti ich' vo'e, xi laj yalbune: ‘Ti buch'u ta xavil ta xcom o ti Ch'ul Espíritu ta xyal talel ta stojole, ja' ti Buch'u ta xac' avich'ic ti Ch'ul Espiritue.’

San Juan 12:16

Ti ta sliquebale, mi jutebuc laj ya'ibeic smelol ti yajchanc'optaque. Ta ts'acal to un, lic ya'ibeic smelol ti c'alal yilic laj yich' slequilal yutsil ti Jesuse. Yu'un vul ta sjolic ti c'u s'elan ts'ibabil ta ch'ul c'ope, naca sc'oplal stuc ti c'u s'elan ta xc'ot ta pasele.

San Juan 12:23

Xi laj yal ti Jesuse: —Sta xa yorail ta xquich' jlequilal cutsilal ti vu'un co'ol j'elantique.

San Juan 14:13

Scotol ti c'usi ta xac'anic ta jventae, ta xc'ot ta pasel yo' jech ta sventa ti Nich'onile, ta jvinajes yutsilal ti Totile.

San Juan 14:26

Ti Ch'ul Espiritue, ti ja' Jpat-o'ntonal ti ta stac talel ti Jtot ta jventae, ja' ta xa scoltaoxuc, ja' ta xa xchanubtasoxuc scotol taje, ja' ta svules ta ajolic scotol ti va'i s'elan laj calboxuque.

San Juan 16:14

Yu'un ja' ta xac' ta ilel ti jlequil cutsile, yu'un ta xlic sbain ti c'usi c'otem ta jventae, ja' ta xac'boxuc ana'ic scotol.

San Juan 16:7

Xi jamal ta xcalboxuc ava'iique: Yu'un toj lec ta xc'ot ta pasel ta atojolic ti ta xibate. Yu'un mi mu xibate, mu xtal ta atojolic ti Buch'u ta scoltaoxuque, ti ta xac' smuc'ul avo'ntonique. Ti mi libate, ta jtac talel.

San Juan 17:1

C'alal laj c'opojuc ti Jesuse, laj sq'uel muyel vinajel ti xi laj yale: —Sta xa yorail, Tot, ac'bo yich' slequilal ti Anich'one yo' jech ta svinajes alequilal ec.

San Juan 17:5

Avi tana une, Tot, ac'bun quich' ti jlequilal ti oy ta atojol jech c'u cha'al quich'oj to ox c'alal mu'yuc to ox meltsajem ti banomile.

San Juan 20:22

Ti Jesuse laj xvuch'ta ti yajchanc'optaque, ti xi laj yalbee: —Ich'ic ti Ch'ul Espiritue.

San Juan 6:14

Ti jech laj yilic ti jnaclejetic ti laj yac' iluc ti Jesús ti ch'ayal ta xc'ot o'ntonal yu'une, xi laj yalique: —Ta melel ti vinic li'e, ja' jun j'alc'op ti albil ono'ox sc'oplal ta xtal li' ta banomile.

San Juan 7:12

Scotol c'u yepal oy ti jnaclejetique, xpuquet no'ox sc'oplal yu'unic. Yu'un xi ta xal ti jlome: “Ja' jun lequil vinic.” Ti jlome xi ta xalique: “Ja' jun chopol vinic, yu'un ta slo'laan ti jnaclejetique.”

San Juan 8:54

Xi laj stac' ti Jesuse: —Ti tauc xcac' jba ich'el ta muq'ue, j'ech'el mu'yuc c'usi bal o. Yu'un ti Buch'u ta xiyac'un ta ich'el ta muq'ue, ja' ti Jtote, ti ja' Dios avu'un ta xavalique.

Hechos 19:2

ti xi laj sjac'beique: —C'alal c'ot ta avo'ntonic ta xch'unel ti Jesuse, ¿mi laj xa avich'ic ti Ch'ul Espiritue? Xi laj staq'uic ti jch'unolajeletique: —Mu'yuc ca'binojcutic jutebuc sc'oplal mi oy ti Ch'ul Espiritue.

Hechos 2:17

‘Ta xc'ot ta pasel ti slajebaltic batel ti c'ac'ale, ta xal ti Diose, ta xcac'be yich' Ch'ul Espíritu scotol ti jnaclejetic ta banomile. Ti aquerem atsebique ta scaj'alic ti oy c'usi ta xc'ot ta pasele. Ti jva'lej viniquetique oy c'usi ta x'ac'bat yilic. Ti moletique oy c'usi ta x'ac'bat yilic ta svaichic.

Hechos 2:33

Laj taj une, iq'ue muyel ta vinajel ta sventa smuc'ul stsatsal ti Diose yo' ta xc'ot chotluc ta sts'el stuq'uil ti sbats'i c'ob xchi'uc ta yich'el ti Ch'ul Espíritu ta sventa ti Stot ti yalojbe ono'ox sc'oplal ta xac' talele. Jech ti stuc ec une, laj stac talel ta jtojolcutic. Ja' ti vi s'elan yacal ta xava'iic ta xavilic avi tana li' une.

Hechos 2:38

Xi laj yal ti Pedroe: —Sutanic talel ta stojol ti Diose, ich'ic vo' ta jujun tal ta sventa ti Jesucristoe yo' xata ti ch'aybil ta xc'ot ti amulic ta stojol ti Diose, ja' to jech ta xavich'ic ti Ch'ul Espíritu ta sventae.

Hechos 2:4

Scotol ti jch'unolajeletique uninbil c'otic yu'un ti Ch'ul Espiritue. Lic c'opojicuc ta yan c'opetic, ja' ti c'u s'elan ta x'ac'bat sna'ic yu'un ti Ch'ul Espiritue.

Hechos 3:13

Ti Dios yu'un ti Abrahame, yu'un ti Isaaque, yu'un ti Jacobe, yu'un ti jmolmuc'totique, ja' laj scoles. Yu'un laj yac' ta ich'el ta muc' ti Jesús ti ja' yajtunele, ti Buch'u laj avaq'uic ta yoc ta sc'ob ti jchapanvanejetique, ti mu'yuc xavich'ic ta muc' ti ta ox scolta batel ti Pilatoe.

Hechos 4:31

C'alal laj yo'ntonic ta c'opojel ti'inele, tsots nic ti bu stsoboj sbaic ti jch'unolajeletique. Scotol ventainbil c'otic yu'un ti Ch'ul Espiritue. Oy yip yo'ntonic ta yalel batel ti sc'op Diose.

Romanos 8:9

Mi melel nacal xa ta atojolic ti Ch'ul Espíritu yu'un ti Diose, ma'uc xa batem ta avo'ntonic ta sa'el ti c'usi ta sc'an ti abec'talic unbi, yu'un ja' xa ta xapasic ti c'u s'elan ta xac' ta na'el ti Ch'ul Espíritue. Yu'un ti buch'u mu'yuc yich'oj ti Ch'ul Espíritu yu'un ti Cristoe, mu'yuc uninbil yu'un ti Cristoe.

2 Corintios 3:8

ja'uc xa van x'ech' to jelavem yutsil ta j'ech'el ti cuxlejal ta xac' ti Ch'ul Espiritue.

Efesios 4:30

Mu xavaq'uic ta at o'nton Xch'ul Espíritu ti Diose, yu'un ja' aselloalic svinajeb ti c'otemoxuc xa ta yu'un ti Diose, ti ta ono'ox xacolic c'alal mi sta ti sc'ac'alile.