San Juan 7:17 - Bible in Tzotzil de Chamula

¹⁷ Mi oy buch'u oy ta yo'nton sc'an ta spas ti c'usi oy ta yo'nton ti Diose, ta xlic yil mi liquem talel ta stojol ti Diose, mi ja' no'ox ta jnop jtuc ti c'u s'elan ta xichanubtasvane.

Tzotzil Zinacantan

¹⁷ Ti muchꞌu yoꞌonuc spas cꞌusi tscꞌan ti Rioxe, chyulesbat ta sjol mi jaꞌ scꞌop Riox ti chcale, o mi jyulesoj ta jol jtuc.

LEQUIL ACH' C'OP

¹⁷ Ti much'u oy ta yo'on tspas ti c'usitic tsc'an ti Rioxe, cha'ibe smelol ti c'u x'elan chichanubtasvane, mi liquem tal ta stojol Riox o mi jyulesoj ta jol jtuc.

Bible in Tzotzil de Chenalhó with Deuterocanon

¹⁷ Li boch'o tsc'an tspas c'usi tsc'an Diose, cha'ay me ja' sc'op Dios ti chcac' ta chanele, o me ja' no'ox chcal c'usi ta jc'an jtuc.

Tzotzil San Andres

¹⁷ Li buchꞌu tscꞌan tspas li cꞌusi ta scꞌan li Diose, ta xꞌacꞌbat snaꞌ mi jaꞌ scꞌop Dios li chcale, mi jcꞌop noꞌox jtuc.

Tzotzil de Huixtán

¹⁷ Ti much'u tsc'an tspas ti c'usi tsc'an yo'nton ti Diose, ch-ac'bat sna' ti bu talem ti c'op ti chcac' ti a'yele, mi sc'op ti Diose, mi jc'op jtuc ti jchole.

San Juan 7:17 Iomraidhean Croise

Salmos 119:10

Ta sjunul co'nton tal jnaban jba ta atojol, mu teyuc no'ox aq'uelojun ti bu xu' ta jch'ac jba ta stojol ti amantaltaque.

Salmos 25:12

Ti vinic ti sna' ta snijan xchiman sba ta stojol ti Diose, ta x'ac'bat yil yu'un bu ti be ta stam batele.

Salmos 25:14

Lec xil sbaic xchi'uc Dios ti buch'u ta x'aq'ue ich'el ta muc' yu'une, ta x'ac'bat yojtiquinic yu'un ti stratee.

Proverbios 28:5

Ti buch'u mu'yuc xch'ulelique, mu xa'ibeic smelol ti tuq'uilale, ja'uc ti buch'u ta sc'anic sva'anuc sba ti Dios ta stojolique, scotol ta xa'ibeic smelol.

Proverbios 3:32

yu'un ti Diose mu sc'an sq'uel ti buch'utic mu'yuc xch'ulel xa'i sbaique, ja'uc ti buch'u oy slequil yo'ntonique, ta xac'be spatobil yo'nton.

Isaías 35:8

Ta xchapaj liquel ti xpolet no'ox jun be ti “ch'ul be” sbie. Ti buch'utic mu'yuc mesbil tusbilique, mu xu' x'ech'ic. Ti buch'utic mu'yuc xch'ulel xa'i sbaique, mu stac' xanavic ta stojol.

Daniel 12:10

Ti vocoletic ti caj albil sc'oplale, ep ti buch'utic ta xc'ot ta stojolique. Ti ja' jech ta xc'ot ta stojolic taje, ja' to jech pocbil sapbil ta xcomic, ti tuq'uibtasbil ta xcomique. Yan ti buch'utic toj chopole, tey ochem o batel yipal yu'unic ta spasel ti c'usitic toj chopole. Mi ja'uc xa'ibeic smelol ti c'usi ta xc'ot ta stojolique. Ja'uc ti bijil viniquetique xa'ibeic lec smelol scotol.

Oseas 6:3

La' cac'betic yipal ta yojtiquinel ti Diose. Ti Diose ta xtal ta jtojoltic jech c'u cha'al ta xloc' talel ti c'ac'ale, jech c'u cha'al ti vo' ti ta xyal talel yo' ta smalta ti banomil ti c'alal yorail ti q'uepelale, xchi'uc ti sba yalelal vo'e.”

Miqueas 4:2

Mu no'ox albajuc yepal ti jteclumetic ta xc'otic tey ti xi ta xalbe sbaique: “La'ic, muycutic batel ta vits yu'un ti Diose, ta xch'ulna ti Dios yu'un ti Jacobe, yo' jech ti stuque ta xiyac'botic quiltic ti bu stamoj ech'ele, yo' jech ta jchantic ta spasel ti c'u s'elan ta sc'an ti stuque.” Yu'un ti ta Sione, ta xlic talel ti chanubtasel yu'un ti Diose; yu'un ta jteclum Jerusalén, ta xlic talel ti sc'ope. b

Malaquías 4:2

Ja'uc ti vo'oxuc une, ti nijil chimiloxuc ta yich'elun ta muq'ue, jech ti pojel c'uxubinel cu'une xtixet no'ox vulel ta atojolic co'ol s'elan xojobal ti c'ac'ale, yu'un ja' ach'iel ac'opojelic ti xtixet no'ox vulel ta atojolique. Jech ti vo'oxuque, natic no'ox xabitic ta muyubajel jech c'u cha'al ti ch'iom vacaxetic c'alal ta xloc' batel ta scorrale.

San Mateo 6:22

“Ti asatique co'ol s'elan junuc lampara c'otem yu'un ti abec'tal atacopalique. Mi lec ti sbec' asatique, xojobin no'ox sjunul ti abec'talique.

San Lucas 8:15

Ja'uc ti ts'unobal c'ot ta lequil banomile, ja' sc'oplal ti jlom ta slequil yutsil yo'ntonic ta xa'iic. Chapal ta xc'ot ta xchiquinic. Ta xich'ic ta muc'. Staoj yav yo'ntonic. Lec ta xtunic batel.

San Juan 3:21

Ja'uc ti buch'u co'ol yo'ntonic xchi'uc ti bu ja' melele, ta xnopajic ta stojol ti luze yo' jech ta xvinaj sva'anoj sba ti Dios ta stojolic ti c'usi ta spasique.”

San Juan 8:43

¿C'u cha'al ti mu xava'iic ti c'usi ta xcale? Yu'un ja' ti mu xac'an xava'iic ti jc'ope.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

San Juan 8:47

Ti buch'u ja' xnich'nabtac ti Diose, ta sts'etan sni' xchiquin ta ya'yiel ti c'u s'elan ta xal ti sc'op Diose. Ti vo'oxuque mu xac'an xats'etan ani' achiquin ta ya'yiel ti jc'ope, yu'un ma'uc xnich'naboxuc ti Diose —xi ti Jesuse.

Hechos 17:11

Ti israeletic teye ja' lec yo'ntonic, ja' mu sta ti oyic ta Tesalónicae, yu'un ta yutsil yo'ntonic laj yich'ic ta muc' ti lequil ach' c'ope. Yu'un jujun c'ac'al ta sq'uelic ta sc'op Dios yo' ta sna'ic mi melel ti c'usi ta x'albatique.