San Juan 7:14 - Bible in Tzotzil de Chamula

¹⁴ C'alal o'lol xa ox batel ti q'uine, och batel ta ch'ulna ti Jesuse, lic chanubtasvanuc ti bu taje.

Tzotzil Zinacantan

¹⁴ Ti cꞌalal ibat ta mucꞌta templo ti Jesuse, oxib xaꞌox cꞌacꞌal scꞌan xlaj ti qꞌuine. Tey cꞌot chanubtasvanuc ta tiꞌ templo.

LEQUIL ACH' C'OP

¹⁴ C'alal o'lol xa'ox sc'an xlaj li q'uine, ti Jesuse i'och ta templo tey lic chanubtasvanuc.

Bible in Tzotzil de Chenalhó with Deuterocanon

¹⁴ C'alal o'lol xa'ox x'ech' li q'uine, ibat ta ch'ulna li Jesuse, te ichanubtasvan.

Tzotzil San Andres

¹⁴ Cꞌalal yoxibal xaꞌox cꞌacꞌal liquem qꞌuine, ibat ta mucꞌta chꞌulna li Jesuse. Cꞌot chanubtasvanuc ta yamaqꞌuil li mucꞌta chꞌulnae. Te jchiꞌucutic ti yajchanbalajeltacuncutique.

Tzotzil de Huixtán

¹⁴ Ti o'lol q'uin nibatutic ti templo xchi'uc ti Jesuse. Te c'ot chanubtasvanuc ti Jesuse.

San Juan 7:14 Iomraidhean Croise

Malaquías 3:1

Ti Dios ti scotol xu' yu'une xi ta xale: “Ta jtac jelavel talel ti caj'al-mantal j'ich'-c'ope yo' jech ta xchapanbun ti jbee. Ti Dios taje, ja' ti Buch'u yacal ta xasa'ilanique. Mu xa jaluc sc'an ti ta x'och ta xch'ulnae. Ta xvul xa ta loq'uel ti j'al-mantal j'ich-c'op yu'un ti trate ti oy ta avo'ntonic amalaojique.”

Números 29:17

“Ta xchibal c'ac'al une, ta xaq'uic lajcha'cot ch'iom tot vacax, cha'cot tot chij, xchi'uc chanlajuncot ch'iom tot chij ti yich'oj jun jabil ti mu'yuc jutebuc ti xchopolile.

Números 29:20

“Ta yoxibal c'ac'al une, ta xaq'uic buluchcot ch'iom tot vacax, cha'cot tot chij, xchi'uc chanlajuncot ch'iom tot chij ti yich'oj jun jabil ti mu'yuc jutebuc ti xchopolile.

San Mateo 21:12

Ts'acal to ti Jesuse bat ta ch'ulna, laj snuts loq'uel scotol ti buch'utic ta xchonilajique xchi'uc ti ta xmanolajique. Laj svalc'unanbe xmexaic ti jel-taq'uinetique xchi'uc xilaic ti jchon-palomaetique.

San Mateo 26:55

Ta jech yepal ti Jesuse xi laj sjac'be ti jtsacvanejetique: —¿C'u cha'al latalic xchi'uc avespadaic xchi'uc ate'ic ta stsaquelun co'ol s'elan junuc j'elec'? Mi ja'uc laj atsaquicun c'alal scotol c'ac'al lichanubtasvan ta ch'ulnae.

San Lucas 19:47

Jujun c'ac'al ta xchanubtasvan ta ch'ulna ti Jesuse. Ja'uc ti banquilaletic yu'un ti paleetique, ti jchanubtasvanejetic yu'un ti oy c'usi tsots albil sc'oplale, ti banquilal jpas-mantal yu'un ti jteclume, ta sa'olanic c'u s'elan xu' ta xaq'uic ta milel ti Jesuse.

San Juan 18:20

Xi laj stac' ti Jesuse: —Ta sba ta sat scotolic lichanubtasvan. Yu'un laj jva'an jba ta chanubtasvanej ta muc' ta ch'ulna xchi'uc ta ch'ul naetic ti bu ta stsob sbaic ti israeletique. Mu'yuc c'usi ta mucul laj cal.

San Juan 5:14

Laj taj une, ti vinique tae ta ch'ulna yu'un ti Jesuse, ti xi albate: —Ti li'e, colemot xa. Mu xa xasa' amul yo' jech mu xc'ot ta atojol ti x'ech' to chopole.

San Juan 7:2

Ti jech nopol xa sc'an xc'ot sq'uinal ti Axibal yanal te' nae, ti ja' jun q'uin na'bil yu'un ti israeletique,

San Juan 7:28

Ti jech ta xchanubtasvan ta ch'ulna ti Jesuse, xi tsots laj yale: —Ati xcaltic un cha'e, xavojtiquinicun, xana'ic bu liquemun talel. Ja'uc le' une, ma'uc talemun ta jmantal jtuc, ja' tacbilun talel yu'un ti Buch'u oy slequil yutsil yo'ntone, ti vo'oxuc mu xavojtiquinique.

San Juan 7:37

Ti slajeb xa c'ac'al yu'un ti muc' ta q'uine, ti jech c'ac'al taje, laj sva'an sba ti Jesús ti xi tsots lic c'opojuque: —Mi oy buch'u ta xa'i ti taqui ti'ile, ac'o taluc ta jtojol. Ti buch'u ta xc'ot ta yo'nton ta xiyich'un ta muq'ue, ac'o yuch' ti vo'e, yu'un xi ti ts'ibabil ta ch'ul c'ope: ‘Co'ol s'elan cuxul sat vo' ta x'ayan talel ta yo'nton.’

San Juan 8:2

C'alal sacub ta yoc'omale, sut batel ta ch'ulna. Laj stsob sbaic talel ti jnaclejetic ta stojole. Lic chotiuc ta chanubtasvanej.

San Juan 8:20

Ja' jech laj yal ti Jesuse c'alal ta xchanubtasvan ta ch'ulna ti bu oy xcaxail smoton ti Diose. Mi ja'uc junuc oy buch'u tsacvanic yu'un mu to ta xc'ot ti yoraile.