San Juan 6:40 - Bible in Tzotzil de Chamula

⁴⁰ Yu'un ti c'usi oy ta yo'nton ti Jtote, ti scotolicuc ac'o yojtiquinicun vu'un Xnich'onun ti Diose, ti c'otuc ta yo'ntonic ta xch'unelicune, ti staicuc ti xcuxlejalic sbatel osile, xchi'uc ti ta jcha'cuxesic ta slajeb ti c'ac'ale.

Tzotzil Zinacantan

⁴⁰ Jaꞌ tscꞌan ti chcuxiic ta sbatel osil ti muchꞌutic ta xchꞌunic ti voꞌon Xchꞌamalon ti Rioxe, ti voꞌon chcacꞌ cuxlicuc ta sbatel osile. Ta jchaꞌcuxesic ti cꞌalal poꞌot xaꞌox xlaj li balamile ―xꞌutatic yuꞌun ti Jesuse.

LEQUIL ACH' C'OP

⁴⁰ Yu'un ti c'usi oy ta yo'on ti jtote, ja' ti scotol ti much'utic chojtiquinic li xch'amal Rioxe xchi'uc ti ch-ch'unique, ta sta scuxlejalic ta sbatel osil; vo'on ta jcha'cuxesic ta slajeb c'ac'al. ―X'utatic yu'un ti Jesuse.

Bible in Tzotzil de Chenalhó with Deuterocanon

⁴⁰ Li Jtot ti la stacun tale, ja' oy ta yo'nton jech chac li'i: Scotol li boch'otic ta xilic ti vu'un Xnich'onun Diose, ti ta xch'unicune, ja' tsc'an ti ac'o sta xcuxlejalic sventa sbatel osile, xchi'uc ti vu'un ta jcha'cuxes scotol ta slajebal c'ac'ale —xi li Jesuse.

Tzotzil San Andres

⁴⁰ Yuꞌun jaꞌ jech sba tscꞌan li Jtote ti acꞌo cuxiicuc o sbatel osil scotol li buchꞌutic ta schꞌunic ti joꞌon Snichꞌonun li Diose, schiꞌuc ta schꞌunic ti joꞌon Yajcoltavanejicune. Mi ichamique, ta jchaꞌcuxesanic scotolic ta slajeb cꞌacꞌal ―xi li Jesuse.

Tzotzil de Huixtán

⁴⁰ Hech sc'an yo'nton uc ti Jtote ti scotol ti much'u chal ti ho'on Snich'onun ti Diose, ja' ti chch'un ti jcoltae, ja' chcuxi sbatel osil. Mi ichamique, ja' ti jcha'cuses ti slajebal c'ac'al ―xchi ti Jesuse.

San Juan 6:40 Iomraidhean Croise

Isaías 52:10

Yu'un ti Diose laj yac' ta ilel smuc'ul stsatsal ta sba ta sat scotol ti muc'tiquil lumetique. Yu'un scotol banomil ta sna'ic ti ja' jpojvanej cu'untic ti Diose.

Isaías 53:2

Yu'un ti Diose oy ox ta yo'nton ch'i c'opojuc ti yajtunel jech c'u cha'al ti jch'iel te'e, ti sts'unuc yalel yibel ta taquin banomile. Mu'yuc, mi ja'uc xtixetel yutsilal. Xitic no'ox ta q'uelel ti sat yelove.

Números 21:9

Jech ti Moises une laj smeltsan sloc'ol chon ta jun c'anal taq'uin. Laj sjoc'an ta jun te' ti co'ol s'elan ste'el banderae. C'alal oy buch'u ta xlaj ta ti'el yu'un ti chone, ja' ta sq'uel ech'el ti sloc'obbail ti meltsanbil ta c'anal taq'uine, jech ta xcol.

San Mateo 10:15

Melel ta xcalboxuc ava'iic, c'alal ta sta yorail ti chapanele, ech'em tsots tsitsel ta xich'ic, ja' mu sta ti buch'utic nacajtic to ox ta Sodomae xchi'uc ti ta Gomorra jteclume.,

San Mateo 25:46

Taj une, ta xbatic ta tojob mulil sbatel osil. Ja'uc ti buch'u oy slequil stuq'uilique ta xbatic ta cuxlejal sbatel osil.”

Marcos 16:16

Ti buch'u ta xich'ic ta muc' ti lequil ach' c'ope, ta xich'ic vo' unbi, ta staic pojel colel. Ja'uc ti buch'utic mu xich'ic ta muc' ti lequil ach' c'ope, ta ono'ox stoj ti smulique.

San Lucas 2:30

Yu'un laj xa quil ta jba ta jsat ti pojel coltael avu'une

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

San Juan 10:28

Sbatel osil ta xcac'beic xcuxlejalic, mi ja'uc ta xch'ayic, mu'yuc buch'u xispojbun ta coc ta jc'ob.

San Juan 11:24

Xi laj yal ti Martae: —Ta jna' ti ta xcha'cuxie ja' to c'alal mi ta xcha'cuxiic ti animaetic ta slajebal c'ac'ale.

San Juan 11:25

Xi laj yal ti Jesuse: —Vu'un jbainoj ti cha'cuxiele xchi'uc ti cuxlejale. Ti buch'u ta xch'un ti c'usi ta xcale, manchuc mi ta xcham, ta xcha'cuxi.

San Juan 12:45

Ti buch'u ta xc'ot sat ta jtojole, ta xc'ot sat ta stojol ti Buch'u laj stacun talele.

San Juan 12:50

Jna' lec ti c'u s'elan laj yalbun talel ti Jtote, ja' sventa cuxlejal sbatel osil. Ti c'u s'elan ta xcal une, ja' jech ta xcal jech c'u cha'al laj yalbun talel ti Jtote —xi laj yal ti Jesuse.

San Juan 14:17

Ja' ti Ch'ul Espíritu ti ta xac' ta na'el ti bu melele, ti mu lecuc ta xa'iic ti jnaclejetic ta banomile, yu'un mu xilic, mu xojtiquinic. Ja'uc ti vo'oxuque xavojtiquinic, yu'un oy ta atojolic xchi'uc nabal o ta atojolic.

San Juan 14:19

Ti buch'u lec xa'iic sc'upinel ti banomile, mu xa jaluc li' ta xilbeicun ti jsate. Ja'uc ti vo'oxuque ta xavilicun, xchi'uc ta xacuxiic yu'un cuxulun.

San Juan 17:2

Yu'un laj avac'bun cabtel ta sbainel scotol ti jnaclejetic ta banomile, yo' jech ta xcac'beic xcuxlejalic sbatel osil ti buch'utic laj avac'bune.

San Juan 3:36

Ti buch'u ta xc'ot ta yo'nton ti ja' Jpojvanej yu'un ti Nich'onile, oy xcuxlejal sbatel osil. Ja'uc ti buch'u mu xc'ot ta yo'ntone, mu sta ti xcuxlejale. C'ajomal xa no'ox chapal sc'oplal ti tsots tsitsel ta x'ac'bat yu'un ti Diose.

San Juan 4:14

Ja'uc ti buch'u ta xuch' ti vo' vu'un ta xcaq'ue, j'ech'el mu xa'iic taqui ti'il. Yu'un ta xc'ot ta yo'ntonic jech c'u cha'al nio' ti mu sna' x'ul ti xtuctun o ti ta x'ac'bat xcuxlejalic sbatel osil yu'une.

San Juan 5:24

“J'ech'el ta xcalboxuc ava'iic, buch'uuc no'ox ta sts'etan xchiquin ta ya'yiel ti c'usi ta xcale, ti ta xich'ic ta muc' ti Buch'u laj stacun talele, oy xa xcuxlejal sbatel osil. Mu'yuc ta xich'ic chapanel. Laj xa yech'ta comel ti lajebale, laj xa sta ti cuxlejale.

San Juan 6:27

Ma'uc xavabtelanic ta sa'el ti ave'elic ti sna' xlaje. Ja' ac'beic yipal ta sa'el ti ve'lil ti mu sna' xlaje, ti ta xac' cuxlejal sbatel osile. Vu'un ta xcac' ti ve'lile, ti vu'un co'ol j'elantique. C'ot ta jventa yu'un ti Jtot ti ja' Diose.

San Juan 6:39

Ti oy ta yo'nton ti Buch'u laj stacun talele, ja' ti mu xch'ayic cu'un junuc ti laj yac'bun ta coc ta jc'obe, ti ja' ta jcha'cuxesic ta slajeb ti c'ac'ale.

San Juan 6:44

Mu'yuc buch'u junuc xu' ta xtal ta jtojol mi ma'uc ic'bil talel yu'un ti Jtot ti laj stacun talele yo' ta jcha'cuxes ta slajeb ti c'ac'ale.

San Juan 6:54

Ti buch'u ta sve' ti jbec'tale, ti ta xuch' ti jch'ich'ele, oy xcuxlejal sbatel osil. Vu'un ta jcha'cuxes ta slajeb c'ac'al.

San Juan 8:56

Ti Abraham ti ja' amolmuc'totic ta vo'nee, xmuyubaj xa yo'nton ti laj ya'i ti ta xitale. Laj yil ti litale, xmuyubaj xa ta jmec.

Romanos 5:21

Jech c'u cha'al ayan ti lajel tubel ta scoj ti mulile, ja' jech ayan yutsil slequil yo'nton ti Diose, ti laj jtatic ti lec xij'ile, xchi'uc ti laj jtatic ti cuxlejal sbatel osil ta sventa ti Cajvaltic Jesucristoe.

Romanos 6:23

Ti stojol ti mulile, naca lajel tubel sq'ueloj batel. Ja'uc ti matanal ti ta xac' ti Diose, ja' jcuxlejaltic sbatel osil ta sventa ti jech junotic xchi'uc ti Cajvaltic Cristo Jesuse.

2 Corintios 4:6

Yu'un ja' laj yal stuc ti Diose ti xojobinuc ti luz ta ic'al osile. Jech xtoc laj yac' xojobinuc ta co'ntontic ti luze yo' jech ta xcojtiquinbetic yutsilal slequilal ti Dios ti xojobin no'ox yutsil ta stojol ti Jesucristoe.

Hebreos 11:1

Ti oy c'usi c'otem ta co'ntontic ta xch'unele, jna'ojtic lec ti ta xquich'tic ti c'usi jmalaojtique, ac'o mi mu xquiltic, yu'un tey ono'ox oy.

Hebreos 11:27

Ti jech c'otem ta yo'nton ta xch'unel ti Moisese, mi ja'uc juteb laj xi'ta ti jcapemal-jol ajvalil c'alal laj yicta comel ti Egipto banomile, yu'un laj spas ti Moisés ti c'usi snopoje, yu'un co'ol s'elan laj yil cuxul ti Dios ti mu xvinaj ta q'uelele.

1 Pedro 1:8

Ac'o mi mu'yuc laj avilic ti Jesucristoe, c'ux ta xava'iic. Ti jech xamuyubajic ta stojol c'alal mu'yuc avilojic avi tana le'e, oy ta ave ati'ic ta yalel ti mu'yuc xa buch'u xtaun ta xava'iic ti jech xamuyubajique.

1 Juan 2:25

Yu'un xi ono'ox laj yalbe sc'oplal ta j'ech'el ti Jesucristoe: “Ta xavich'ic ti cuxlejal sbatel osile.”

Judas 1:21

Staojuc yav oyuc ta atojolic syail xc'uxul yo'nton ti Diose. Junuc avo'ntonic malaic sc'ac'alil ta xtal ti Cajvaltic Jesucristoe, ti ta sventa xc'uxul yo'nton ta xac'botic ti jcuxlejaltic sbatel osile.