San Juan 6:26 - Bible in Tzotzil de Chamula

²⁶ Xi laj yal ti Jesuse: —Ta xcalboxuc ava'iic ta melel, ta xasa'icun yu'un noj lec ach'utic c'alal lave'ique, mu yu'unuc ja' laj ava'iic smelol ti c'usi ch'ayal ta xc'ot o'ntonal yu'un laj cac' iluque.

Tzotzil Zinacantan

²⁶ ―Ta melel chacalbeic, ti tal asaꞌicone, muꞌnuc jaꞌ tal asaꞌicon o ti icacꞌ iluc li jlequilal jyuꞌelale. Jaꞌ tal asaꞌicon o ti lec lanojic ta pan cuꞌune.

LEQUIL ACH' C'OP

²⁶ Itac'av ti Jesuse: —Ta melel chacalbeic, ti tal asa'icone, ja' ti lec inoj ach'utic cu'une, ma'uc ja' tal asa'icon o ti yu'un ava'ibeic smelol ti icac' iluc li jlequilal jyu'elale.

Bible in Tzotzil de Chenalhó with Deuterocanon

²⁶ Itac'ov li Jesuse: —Jamal chacalboxuc ava'yic. Ti tal asa'icune, ma'uc ta sventa yu'un ic'ot ta avo'ntonic li sq'uelubil jtsatsal la jpase. Ja' no'ox ta sventa yu'un lec ta ve'el ava'yic li pane, xchi'uc ti lec inoj ach'utic oe.

Tzotzil San Andres

²⁶ Itacꞌav li Jesuse: ―Melel li cꞌusi chacalbeique, ti tal asaꞌicune, maꞌuc sventa ti laj cacꞌ ta ilel li jtsatsal juꞌele. Jaꞌ noꞌox tal asaꞌicun o ti lec lanojic ta pane.

Tzotzil de Huixtán

²⁶ Hech itac'av ti Jesuse: ―Melel ti c'usi chacalbeique yu'un ti tal asa'ucune mu yu'unuc ja' chach'unic ti jelaven jp'ijile ti ho'onun Snich'onun ti Diose. Ja' no'ox tal asa'ucun yu'un ti inoj ach'utic yu'un ti caxlan vaje.

San Juan 6:26 Iomraidhean Croise

Salmos 78:37

J'ech'el mu junuc sjol yo'ntonic ta stojol, mi ja'uc xc'ot ta yo'ntonic ti lec ta xa'ibeic ti stratee.

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

San Juan 3:3

Xi albat yu'un ti Jesuse: —Ta xcalbot ava'i ta melel, ti buch'u mu xvoc' ta ach'e, mu xu' x'och batel ti bu ta xventainvan ti Diose.

San Juan 3:5

Xi tac'bat yu'un ti Jesuse: —Ta xcalbot ava'i ta melel, mu'yuc buch'u ta x'och batel bu ta xventainvan ti Diose mi mu'yuc voq'uem ta sventa ti vo'e xchi'uc ta sventa ti Ch'ul Espiritue.

San Juan 6:14

Ti jech laj yilic ti jnaclejetic ti laj yac' iluc ti Jesús ti ch'ayal ta xc'ot o'ntonal yu'une, xi laj yalique: —Ta melel ti vinic li'e, ja' jun j'alc'op ti albil ono'ox sc'oplal ta xtal li' ta banomile.

San Juan 6:15

Ti Jesuse laj yilbe yo'nton ti jnaclejetic ti tsots sc'oplal ta scomtsanat ta ajvalil yu'unique. Laj sq'uej sba batel, bat comuc stuc ta jun toyol vits.

San Juan 6:2

Yepal no'ox jnaclejetic ts'acalic batel, yu'un laj yilic ti ch'ayal no'ox ta xc'ot o'ntonal ta scolesel ti jchameletique.

San Juan 6:24

C'alal laj yilic ti mu'yuc xa ti Jesuse, mi ja'uc ti yajchanc'optac ti bu taje, ti jnaclejetique ochic ta barco ec. Laj stam batel sbeic ta sa'el c'alal to jteclum Capernaum.

San Juan 6:30

Va'i un, xi laj sjaq'uique: —¿C'usi jtosucal avabtel, c'usi senyail ta xavac' quilcutic yo' ta xc'ot ta co'ntoncutic ta xch'unel?

San Juan 6:36

Ja'uc le'e, laj ono'ox calboxuc ava'iic ti mu xc'ot ta avo'ntonique manchuc mi laj xa avilbeicun jsat.

San Juan 6:47

Bats'i ta xcalboxuc ava'iic, ti buch'u ta xc'ot ta yo'nton ta xch'unelune, oy xcuxlejal sbatel osil.

San Juan 6:53

Xi laj yal ti Jesuse: —Ta xcalboxuc ava'iic ta melel, mi mu xave'ic ti jbec'tal ti vu'un co'ol j'elantique, mi mu xavuch'ic ti jch'ich'ele, mu xata acuxlejalic.

San Juan 6:64

Ja'uc le'e, oy jlom avu'unic ti mu'yuc to ta xc'ot ta avo'ntonic ta xch'unele. Ja' jech laj yal ti Jesuse, yu'un sna'oj ta sliquebal ti oy buch'u mu xch'unique, xchi'uc sna'oj ti buch'u ta x'ac'van batel ta c'abale.

Romanos 16:18

Yu'un ti buch'utic jech stalelic taje, ma'uc yajtuneltac ti Cajvaltic Jesucristoe. C'ajomal no'ox yac'ojbeic yipal ta spasel ti c'usi ta sc'an ti yo'ntonique, xchi'uc jun xa yutsil ye sti'ic ta spas sbaic yo' ta slo'laic ti buch'utic co'ol s'elan ololetic ta xilique.

Filipenses 2:21

Scotol ti yane, ja' no'ox ta sa'ic ti c'usi ta xtun yu'un ti stuquique, ma'uc tsots sc'oplal ta xa'iic ta yalbel sc'oplal ti Jesucristoe.

Filipenses 3:19

Ti jech ta spasique, ch'ayel sq'uelojic batel, yu'un ja' xrioxinojic ti c'usitic lec ta xa'iique. Yu'un xcajet xa'i sbaic xchi'uc ti c'usi ac'o q'uexavuc xchi'uque. Yu'un ja' no'ox c'upil ta xa'iic ti c'usitic oy li' ta sba banomile.

1 Timoteo 6:5

Yu'un co'ol s'elanic jech c'u cha'al ti buch'utic mu xojtiquinic ti bu ja' melele, ti soquem no'ox sjolique, ti naca letovajel sna'ic ti mu'yuc spajebe, xchi'uc ti c'otem lec ta yo'ntonic ti naca c'ulejal ta xac' comel sc'oplal ti c'usi jch'unojtique.