San Juan 6:11 - Bible in Tzotzil de Chamula

¹¹ Ti Jesuse laj stsac ti pane. C'alal laj yalbe vocol ti Diose, laj yac'be jelavel ti yajchanc'optaque. Ti yajchanc'optaque laj spuquic batel ti pan ta stojol scotolic ti c'u yepal chotolique. Ja' jech xtoc laj spuquic batel ti choye. Ac'batic ti bu xa c'alal xal ti yo'ntonique.

Tzotzil Zinacantan

¹¹ Ti Jesuse ixchꞌam ti pane. “Colaval”, xut ti Rioxe. Jaꞌo ixut ti pane, liyacꞌboticotic. Voꞌoticotic xa icacꞌbeticotic ti muchꞌutic tey chotajtique. Jaꞌ noꞌox yech icacꞌbeticotic noxtoc ti choye. Ti cꞌu yepal tscꞌan ti crixchanoetique, icacꞌbeticotic.

LEQUIL ACH' C'OP

¹¹ Ti Jesuse ixch'am ti pane ti c'alal laj yalbe coliyal ti Rioxe, ja'o ixch'acbe li crixchanoetic tey chotajtique. Ja' no'ox yech ispas noxtoc ta scuenta li choye, iyac'be ti c'u yepal isc'anic ti crixchanoetique.

Bible in Tzotzil de Chenalhó with Deuterocanon

¹¹ Li Jesuse la stsac li pane, la stojbe ta vocol Dios, la svoq'uilan, laj yac' ta puquel ta stojol li boch'otic te chotajtique. Ja' jech la spas noxtoc ta sventa li choye; laj yac'beic ti c'u yepal la sc'anique.

Tzotzil San Andres

¹¹ Li Jesuse la stsac li pane, laj yalbe coliyal Dios. La xutilan, laj yacꞌbuncutic, joꞌoncutic li yajchanbalajeltacuncutique. Joꞌoncutic la jpucbecutic li buchꞌutic te chotolique. Jech nojtoc la jpucbecutic ba li choye ti cꞌu yepal la scꞌanic li crixchanoetique.

Tzotzil de Huixtán

¹¹ Ti Jesuse laj stsac ti muc'tic caxlan vaje. Laj yalbe vocol ti Diose. Laj xch'aquilambuntutic batel ho'ontutic ti yajchanc'opuntutique. Ti ho'ontutique laj jpuquilambetutic batel ti much'utic ti te nacajtique. Hech uc ti choye laj caq'uilambetutic ti c'u yepal tsc'anic ti crixchanoetique.

San Juan 6:11 Iomraidhean Croise

San Mateo 15:36

Laj stsac ti vucbej pane xchi'uc ti jaycot choye. C'alal laj xa yalbe vocol ti Diose, lic xet' ti pane xchi'uc ti choye. Laj yac'be jelavel ti yajchanc'optaque. Jech ti yajchanc'optaque laj spucbeic ti c'u yepal vololique.

San Lucas 24:30

C'alal chotolic xa ta sts'el sti'il ti mexae, laj stsac ti pane. C'alal laj yalbe vocol ti Diose, laj xet' ti pane, laj yac'be jelavel.

San Juan 21:10

Xi laj yal ti Jesuse: —Ich'ic talel jaycotuc choy ti naca to laj amasique.

San Juan 21:13

Ti Jesuse laj stsac ti pane, laj yac'be ti yajchanc'optaque. Ja' jech laj spas xchi'uc ti choye.

San Juan 21:9

C'alal c'otic ta ti' nabe, x'ubet xa yac'alil laj staic ti c'oq'ue, ti cajal jcot choy ta sba ti ac'ale, xchi'uc jbej pan.

San Juan 6:23

Ti jech taj une, ja' o yacal ta xc'ot barcoetic ti ta xlic talel ta jteclum Tiberías ti bu nopol laj sve'ic ti pane, ti bu laj yalbe vocol Dios ti Jesuse.

San Juan 6:9

—Oy li' jun querem yich'oj talel vo'bej pan ti pasbil ta jchop o ta trigoe, xchi'uc cha'cot choy. ¿Mi yu'un ta xloc' o ti yepal no'ox ti jnaclejetique?

Hechos 27:35

C'alal jech laj yale, ti Pabloe laj stsac jbej pan. Laj yalbe vocol Dios ta sba ta satic scotolic. Laj xch'ac ti pane, laj sve'.

Romanos 14:6

Ti buch'u tsots sc'oplal ta xa'i ta xchabi ti jun c'ac'ale, ta spas ta sventa yich'el ta muc' ti Cajvaltique. Ti buch'u mu'yuc tsots sc'oplal ta xa'i ta xchabi ti jun c'ac'ale, ta spas ta sventa yich'el ta muc' ti Cajvaltique. Ti buch'u ta stun ta slajes scotol xtoque, ta spas ta sventa yich'el ta muc' ti Cajvaltique, xchi'uc ta xalbe vocol ti Diose. Ti buch'u naca t'ujbil ti sve'el ta slajese, ta spas ta sventa yich'el ta muc' ti Cajvaltique, xchi'uc ta xalbe vocol ti Diose.

1 Corintios 10:31

Mi ta xave'ic, mi ta xavuch'ic vo', c'usiuc no'ox ti yan ta xapasique, ja'uc pasic scotol sventa yich'el ta muc' ti Diose.

1 Tesalonicenses 5:18

Scotol ti c'usiuc no'ox ta xvul ta atojolique, colaval, utic ti Diose. Yu'un ja' jech oy ta yo'nton ti Dios ta atojolic ti vo'oxuc c'otem ta avo'ntonic ta xch'unel ti Cristo Jesuse.

1 Samuel 9:13

C'alal mi lac'otique, xc'ot sa'ic no'ox ta anil ti c'alal mu to xbat ta ch'ulna ta sventa ti ve'ele. Yu'un ti jnaclejetique ja' to ta xve'ic ti mi c'ote. Yu'un sbainoj ta sts'uiltasel ti matanale. Ti mi laj une, ta xlic ve'icuc ti buch'utic ic'bilique. Batanic ta anil avie. Tey to ta xataic.