San Juan 5:4 - Bible in Tzotzil de Chamula

⁴ C'otem ta yo'ntonic ta xch'unel ti ta xyal talel ta vinajel jun ánjel ti ta xtal syuq'uilan ti vo' snom stae. Jech ti buch'u ba'yel ta sts'aj sba ochele, ta xcol yu'un ti c'usiuc no'ox ti xchamelique.

Tzotzil Zinacantan

⁴ Yuꞌun oy chyal tal jun anjel ta vinajel, chtal syuqꞌuilan baqꞌuintic li voꞌe. Cꞌalal chyucꞌyonaje, cꞌusuc noꞌox chamelal ip o ti muchꞌu baꞌyi ta sticꞌ sbae, jaꞌ ch-echꞌ o ti chamele.

Tzotzil San Andres

⁴ Li jchiꞌiltaque jech schꞌunojic ti baqꞌuintic ta xyal talel ta stanqueal joꞌ jun yajꞌangel Dios yoꞌ ta syuqꞌuilan li joꞌe. Schꞌunojic nojtoc ti cꞌalal chlic yuqꞌuilajuc li joꞌe, cꞌusiuc noꞌox chamelal ip chaꞌi li buchꞌu baꞌi ta sjip sba ochel li ta joꞌe, jaꞌ ta xcol o.

Tzotzil de Huixtán

⁴ Yu'un oy chyal talel ti ho' te ti estanque xch'ul abat ti Diose. Baq'uintic no'ox chyal tal yu'un tstij ti ho'e. C'alal tijem xa ti ho'e, ti much'u jbael tstic' sba ochel ti ho' ja' chcol c'usuc no'ox chamelal yich'oj.

San Juan 5:4 Iomraidhean Croise

2 Reyes 5:10

Ja'uc ti Eliseoe laj stac batel jun j'al-mantal ti xi bat yalbe ya'ie: “Batan, ba la poco aba vucub la velta ta uc'um Jordán. Tusbil pocbil ta xc'ot ti abec'tal yu'un ti c'a'emale.”

Salmos 119:60

Ta ora no'ox laj jsuj jba, mu'yuc xjalij cu'un ta yabtelanel ti amantaltaque.

Proverbios 6:4

Ma'uc no'ox ti ch'an xachie, ma'uc ti telelot xa ta xacux avo'ntone,

Proverbios 8:17

Mu tuch'baj ta xca'i ti buch'u mu tuch'baj ta xiya'iique; ta xistaic ta sa'el ti buch'u ta xisa'icune.

Eclesiastés 9:10

Ti c'usi oy ta avoc ta ac'ob ta spasele, o'ntolino ta sbainel scotol. Yu'un ta muquinal ti bu ta xac'ot ta tsutsele, mu'yuc c'usi ta xich' pasel. Mu'yuc xa c'usi ta xich' nopel. Mu xa x'abtej ti snopobile. Mu xa x'abtej ti bijilile.

Ezequiel 47:8

Va'i un, xi laj yalbune: “Ti yoc uc'um stamoj batel ta stuq'uil sloq'ueb c'ac'ale, ta xc'ot stsob sba yoc xchi'uc ti Jordane. Ta xc'ot ta tsutsel yoc ti sbiinoj Sts'ijlajan Nabe. C'alal ta xc'ot teye, ta xlecub ti ya'lel nab ts'anale.

Oseas 13:13

Ti Israele, sta xa yual ti ta xvoq'ue. Ja' no'ox un, ja' jun olol ti jeche' no'ox tey xc'uxc'un ta x'ech' yu'un ti c'ac'ale. Mi ja'uc jutebuc oy ta yo'nton ti ta sts'unan sba yalel jech c'u cha'al ti voq'uel ayanele.

Zacarías 13:1

“Ti jech yorail taje, ta xvul ta t'omel jun sat vo' yo' jech ta spoquic ta smesic loq'uel smulic, ta smesel stusel loq'uel xchopolal snitilultac ti Davide xchi'uc ti jnaclejetic yu'un ti jteclum Jerusalene.

Zacarías 14:8

Va'i un, ti ta jteclum Jerusalene, ta xlic tucuc talel sat vo' ti jun no'ox yutsil siquete, ti x'oquin no'ox yoc ti c'alal yorail scomil ti c'ac'ale, ti c'alal snatil ti c'ac'ale. Ti o'lol yoque ta x'oquin ech'el ti bu sbiinoj Chamem Nabe. Yu'un ti o'lol yoque ta x'oquin ech'el ti bu sbiinoj Nab Mediterráneoe.

San Mateo 11:12

“Ti c'uxi ora vul ta loq'uel ti Juan j'ac'-ich'-vo'e, jech to tana li'e, tsots ta xich' ilbajinel ti ventainel yu'un ti Diose. Ti buch'u tsots sjol yo'ntonique, yo'ntonuc xa ya'iic sc'an scontrainic ta persa ti ventainel yu'un ti Diose.

San Mateo 6:33

Ja' yu'un un, ac'o ta avo'ntonic ti ventainel yu'un ti Diose, pasic ti c'usi tsots sc'oplal ta xil ti Diose. Ta xa'ac'batic scotol unbi ti c'usi ta xtun avu'unique.

San Lucas 13:24

—Ac'beic yipal ochanic batel ti ta biq'uit ti'nae. Ta xcalboxuc ava'iic, yepal no'ox ti buch'u ta sc'an ta x'ochic ya'iique, ja'uc le'e, mu cha'beluc xu' yu'unic.

San Lucas 16:16

“C'alal mu'yuc to ox ta xvul ta loq'uel ti Juane, oy xa ono'ox ti oy c'usi tsots albil sc'oplale, xchi'uc ti c'u s'elan chanubtasvan ti j'alc'opetique. Va'i un, ja' o lic talel ta yalel sc'oplal ti lequil c'op sventa ti ventainel yu'un ti Diose, ti scotolicuc yac'beic yipal ochicuc batele.

San Juan 5:3

Ta yolon scoriolal ti nae, yepal jchameletic puch'ajtic ta lumtic jech c'u cha'al ti ma'satetique, ti coxovetique, xchi'uc ti buch'u aluneb ti sbec'talique. Yu'un ta smalaic ta xlic yuq'uilajuc ti vo'e.

San Juan 5:5

Ta scotol ti c'u yepal taje, oy jun vinic yich'oj xa vaxaclajuneb xcha'vinic (38) jabil ti oy xchamele.

San Juan 5:7

Xi laj stac' ti jchamele: —Yojtot, mu'yuc buch'u xu' ta xists'aj ochel c'alal ta xyuq'uilaj ti vo'e. C'alal ta jc'an jtic' jba ca'i ochel ta vo'e, yan o ti buch'u ba'yel ta sts'aj sba ta anile.

1 Corintios 6:11

Na'ic ti jech to ox a'elanic jlom ti vo'oxuque. Avi tana une, pocbil tusbiloxuc xa, yu'un lac'otic ta yajtunel ti Diose. Ch'abal xa amulic, lec xa'ileic ta sventa ti Cajvaltic Jesuse, xchi'uc ta sventa ti Xch'ul Espíritu ti Dios cu'untique.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.