San Juan 5:3 - Bible in Tzotzil de Chamula

³ Ta yolon scoriolal ti nae, yepal jchameletic puch'ajtic ta lumtic jech c'u cha'al ti ma'satetique, ti coxovetique, xchi'uc ti buch'u aluneb ti sbec'talique. Yu'un ta smalaic ta xlic yuq'uilajuc ti vo'e.

Tzotzil Zinacantan

³ Tey puchꞌajtic jchameletic. Oy maꞌsatetic, oy coxoetic, oy muchꞌutic alubem jun yoc scꞌob. Jaꞌ tsmalaic mi chyucꞌyonaj li voꞌe.

LEQUIL ACH' C'OP

³ oy tey ep jchameletic, oy ma'satetic, oy coxoetic, oy much'utic alubem yoc sc'obic tey puch'ajtic ta lumtic.

Bible in Tzotzil de Chenalhó with Deuterocanon

³ Ja' te mochajtic ep jchameletic. Te oy ma'satetic, coxoetic, xchi'uc boch'otic aluben yacanic.

Tzotzil San Andres

³ Jaꞌ te puchꞌajtic ep jchamelajeletic. Oy maꞌsatetic schiꞌuc coxoetic. Oy buchꞌutic muꞌyuc yipal jun yoc scꞌobic. Jaꞌ te tsmalaic mi chlic yuqꞌuilajuc li joꞌe.

Tzotzil de Huixtán

³ Ja' te metsajtic ti yut na ep jchameletic. Oy ma'satetic, oy mecanetic, oy much'u sicuben yacan sicuben sc'ob. Tsmalaic mi chtijat ti ho'e.

San Juan 5:3 Iomraidhean Croise

1 Reyes 13:4

C'alal laj ya'i ti Jeroboam ti laj yalbe sc'oplal altar ti oy ta Betel ti j'alc'ope, xi laj yal ti bich c'obtavan ta toyol ta altar toe: “¡Tsaquic ya'i le'e!” Ti sc'ob ti laj xbich ta toyole, te'lucan com o, mi ja'uc xa xu' ta xpux sutel.

Proverbios 8:34

Mu'yuc c'usi sna' ma' ti buch'u ta xchiquinta c'usi ta xcale, ti jujun c'ac'al stuc'ulanoj ti sti' jnae.

Lamentaciones 3:26

Xloc' venta ti ts'ijilotic ta smalael coltavanuc ti Diose.

Zacarías 11:17

Mu xa ono'ox cha'bel un, ti uni pochan j'il-chij ti lamal ta xicta comel ti c'u yepal volol ti chije. Ac'o jimbatuc espada ya'i ta sc'ob xchi'uc ti sbats'i sbec' sate. Ch'ayuc sc'oplal ta j'ech'el ti sc'obe. T'usuc ta j'ech'el ti sbec' sate.”

San Mateo 15:30

Yepal no'ox c'otic ti bu oye. Yic'ojanic batel coxovetic, ma'satetic, uma'etic, tuncoetic, xchi'uc yan jchameletic. Laj yaq'uic ta yoc ta sc'ob ti Jesuse, laj scolesan scotol.

San Mateo 4:24

Laj ya'ibeic sc'oplal Jesús ti jnaclejetic ta Siria banomile. Laj yiq'uic talel ta stojol ti c'usiuc no'ox chamelal ta xa'iique, ti ta x'avan ti sjol sbaquilique, ti ta x'ilbajinatic yu'un ti pucuje, ti jtub-iq'uetique, ti pasemic ta moch'e. Scotol ti jchameletique colic ta sventa ti Jesuse.

San Lucas 7:22

Ta jech yepal un, xi tac'batique: —Batanic, ba albeic ya'i ti Juan ti c'usi laj ava'iique, ti c'usi laj avilique. Chapbeic ya'i ti jam xa satic ti ma'satetique, ta xanavic ti coxovetique, mesbil pocbil xchamel ti jc'a'emal-chameletique, jam xa xchiquinic ti jmacal-chiquinetique, cha'cuxi xa ti animaetique, ta x'albatic xa lequil ach' c'op ti buch'utic abol sbaique.

San Juan 5:2

Ti ta jteclum Jerusalene, nopol ta sts'el ti'na ti sbiinoj Chijetique, oy jun yavil sts'anleb vo' ti Betesda sbi ta hebreo c'ope, ti yich'oj vo'ob scot-cotil scoriolal ti nae.

San Juan 5:4

C'otem ta yo'ntonic ta xch'unel ti ta xyal talel ta vinajel jun ánjel ti ta xtal syuq'uilan ti vo' snom stae. Jech ti buch'u ba'yel ta sts'aj sba ochele, ta xcol yu'un ti c'usiuc no'ox ti xchamelique.

Romanos 8:25

Mi ta to jmalatic ti c'usi mu'yuc quilojtique, ts'ico no'ox ava'i vocol ta smalael.

Santiago 5:7

Ja'uc ti vo'oxuque, Jchi'iltac, oyuc smuc'ul avo'ntonic ta smalael ta xtal ti Cajvaltique. Q'uel avil ti buch'u ta xchabaje, oy smuc'ul yo'nton smalaoj ta xtal ti vo'e yo' jech ts'acal to ta stsob ti sts'unubale.