San Juan 5:25 - Bible in Tzotzil de Chamula

²⁵ “Ta xcalboxuc ava'iic ta melel, sta xa yorail, ja' xa yorail li'e, ti buch'u chamemique ta xa'ibeicun jc'opojel ti vu'un Xnich'onun ti Diose. Ti buch'u ta xich'ic ta muc' ti jc'ope, ta xcuxiic.

Tzotzil Zinacantan

²⁵ Ta melel chacalbeic, voꞌoxuc ti coꞌol xchiꞌuc chamemoxuc chaquilique, yora xa chavaꞌiic li cꞌusi chcale, voꞌon ti Xchꞌamalon ti Rioxe. Mi chachꞌunique, chacuxiic ta sbatel osil.

LEQUIL ACH' C'OP

²⁵ Ta melel chacalbeic, ti ta sta yoraile, xchi'uc ti ja' xa yora lavie, ti much'utic chamemique cha'ibeic ye ti Xch'amal Rioxe; ti much'utic cha'iique ta xcuxiic.

Bible in Tzotzil de Chenalhó with Deuterocanon

²⁵ Jamal ta xcalboxuc ava'yic, vu'un li Nich'onilune, ta to sta yorail, ta melel ista xa yorail chiya'ibicun jc'op li boch'otic chamenique. Li boch'otic ta xa'yic jc'ope ta xcuxiic.

Tzotzil San Andres

²⁵ Melel li cꞌusi chacalbeique, joꞌoxuc li chamemoxuc chaquilique, ista xa scꞌacꞌalil chavaꞌibecun li jcꞌope, joꞌon li Snichꞌonun li Diose. Li buchꞌutic ta schꞌunic ti joꞌon Yajcoltavanejicune ta xcuxiic o sbatel osil.

Tzotzil de Huixtán

²⁵ ’Melel ti c'usi chacalbeique, laj xa sta yorail ti chava'ibucun jc'op ho'on ti Snich'onun ti Diose, ho'oxuc ti animaoxuc c'otem ti jtojol. Ti much'u chch'un ti ho'on Jcoltavanejun yu'unique ja' chcuxiic sbatel osil.

San Juan 5:25 Iomraidhean Croise

San Lucas 15:24

Yu'un ti jnich'on li'e, laj jnop ti chamem xae, avi cuxul vul ta loq'uel. Ch'ayem xa ox, laj to quilbetic sat.’ Lic spasic ti q'uine.

San Lucas 15:32

Jech sc'an ta jpastic ti q'uin avi tana li'e. Muyubajcutic, yu'un ti avits'ine, laj jnop ti chamem xae, avi cuxul vul ta loq'uel. Ch'ayem xa ox, laj to quilbetic sat’, xi laj yal ti totile.”

San Lucas 9:60

Xi laj stac' ti Jesuse: —Ac'o smuc yanimaic ti buch'u chamemic ono'oxe. Ja'uc ti vo'ote, ba alo ti ventainel yu'un ti Diose.

San Juan 13:1

Ta yac'ubalil xa ti q'uin Colele, sna'oj xa ti Jesuse ti c'ot xa yorail ta xicta comel ti banomile, ti ta sut batel ta stojol ti Stote. Ti jech mu tuch'baj jipbaj ta xa'i ti yu'untac li' ta banomile, jech o staoj o yav c'ux ta xa'i ti c'uxi ta xc'ot ta tsutsele.

San Juan 17:1

C'alal laj c'opojuc ti Jesuse, laj sq'uel muyel vinajel ti xi laj yale: —Sta xa yorail, Tot, ac'bo yich' slequilal ti Anich'one yo' jech ta svinajes alequilal ec.

San Juan 4:21

Xi laj stac' ti Jesuse: —Ch'unbun ti oy bu ta sta yorail mi ja'uc li' ta vitse, mi ja'uc ta Jerusalén ta xbat avich'ic ta muc' ti Diose.

San Juan 4:23

Sta xa yorail, ja' xa yorail avi li'e, ti buch'utic ta xich'ic ta muc' ti Diose, ac'o spasic jech c'u cha'al ta sc'an ti Ch'ul Espíritu yu'un ti Diose. Yu'un ti Diose, jech ta yo'nton ti ac'o ich'atuc ta muq'ue.

San Juan 5:21

Jech c'u cha'al ti Jtot ta xcha'cuxes ti animaetic yo' ta xac'be ti xcuxlejale, ja' jech ti vu'un Xnich'onune, ta xcac'be xcuxlejal ti buch'u ta jc'an ta xcac'bee.

San Juan 5:28

Mu ch'ayaluc xc'ot avo'ntonic yu'un taje, yu'un ta sta yorail ta xa'ibeicun jc'opojel scotol ti animaetique.

San Juan 6:60

C'alal jech laj ya'iic ti va'i s'elan ti chanubtasele, yepal ti buch'utic sts'acliojic ti Jesús ti xi laj yalique: —Toj vocol ta ch'unel ti va'i s'elan ta xale. ¿Mi yu'un la oy buch'u ta xch'unbat ti yaloj une?

San Juan 8:43

¿C'u cha'al ti mu xava'iic ti c'usi ta xcale? Yu'un ja' ti mu xac'an xava'iic ti jc'ope.

San Juan 8:47

Ti buch'u ja' xnich'nabtac ti Diose, ta sts'etan sni' xchiquin ta ya'yiel ti c'u s'elan ta xal ti sc'op Diose. Ti vo'oxuque mu xac'an xats'etan ani' achiquin ta ya'yiel ti jc'ope, yu'un ma'uc xnich'naboxuc ti Diose —xi ti Jesuse.

San Juan 9:27

Xi laj stac' ti vinique: —Laj xa calboxuc ava'iic, mu xac'an xach'unbeicun. ¿C'u cha'al ep ta coj ta xac'an ta xcalboxuc? ¿Mi yu'un ta xac'an ta xats'acli ava'iic ec?

Romanos 6:4

Yu'un c'alal laj quich'tic ti vo'e, jmoj lijchamotic, jmoj lijmucatotic xchi'uc ti Cristoe yo' jech ta jtamtic batel ti ach' cuxlejale jech c'u cha'al ti Cristo ti c'alal cha'cuxesat ta sventa smuc'ul stsatsal ti Diose.

Efesios 2:1

Ti ta vo'nee, chamemoxuc ta stojol ti Dios ta scoj ti amulique, ta scoj ti xchopolil avo'ntonique. Ti Diose ja' o laj yac'boxuc acuxlejalic jmoj xchi'uc ti Cristoe.

Efesios 2:5

yu'un jmoj laj yac' jcuxlejaltic xchi'uc ti Cristo c'alal chamemotic to ox ta scoj ti mulile. Yu'un laj xa ataic colel ta sventa ti slequilal yutsilal yo'ntone.

Efesios 5:14

Ta sventa ti jech jamal ta xich' albele, xu' ta xlic stij yo'nton xchi'uc. Jech o xal xi ta xale: “Julavan ti jech vayalote. Tamo aba liquel ti jech achi'inojan ti animaetique, tey xojobin no'ox vulel ta atojol ti Cristoe.”

Colosenses 2:13

Ta vo'ne ti vo'oxuque chamemoxuc ta sba ta sat ti Diose ta scoj ti amulique, yu'un mu'yuc avich'ojic ti circuncisione. Avi tana li' une, ti Diose laj xa yac'boxuc acuxlejalic jmoj xchi'uc ti Cristoe, yu'un laj xa ataic ti ch'aybil c'ot ti amulique.

Apocalipsis 3:1

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Sardise: “Xi ta xal ti Buch'u yich'oj ti vuctos stalel ti Ch'ul Espiritue, ti oy ta sc'ob ti vucbej c'anale: Jna' scotol ti c'usi ta xapase. Jna' lec ti chamemote, manchuc mi oy buch'u ta xalic ac'oplal ti ataoj acuxlejal ta stojol ti Diose.