San Juan 5:23 - Bible in Tzotzil de Chamula

²³ yo' scotolic ac'o yich'icun ta muc' ti vu'un Nich'onilune jech c'u cha'al, ta xich'ic ta muc' ti Jtote. Ti buch'u mu xiyich'icun ta muc' ti vu'un Nich'onilune, mu xich'ic ta muc' ti Jtot ti ja' laj stacun talele.

LEQUIL ACH' C'OP

²³ Yo' ti scotol crixchano ac'u yich'ic ta muc' li Ch'amalile, chac c'u cha'al chic' ich'el tamuc' ti Totile. Ti much'u mu xich' ta muc' li Ch'amalile, ja' no'ox yech muc'bu yich'oj ta muc' chc'ot ti Totile, yu'un ja' stacoj tal.

Bible in Tzotzil de Chenalhó with Deuterocanon

²³ Yu'un jech ac'o ich'atcun ta muc', jech chac c'u cha'al ich'bil ta muc' li Jtote. Li boch'otic mu xiyich'icun ta muc' vu'un li xnich'onune ja' mu xich'ic o ta muc' li Jtot ti la stacun tale.

Tzotzil de Huixtán

²³ Hech yu'un scotol crixchanoetic chispasucun ti muc', ho'on ti Snich'onune hech chaj c'u che'el tspasic ti muc' ti Jtote. Ti much'u mu xispasun ti muc' ho'on ti Snich'onune, ja' mu spas ti muc' uc ti Jtote, ja' ti laj stacun talele.

San Juan 5:23 Iomraidhean Croise

Salmos 2:12

Xi'tabiluc avu'unic ti nijil chimiloxuc ta stojole, yu'un mu ta vocoluc ta xlic sc'ac'al yo'nton ti ta xac'otic ta lajel yu'un mi ilin ta atojolique. Ja'uc ma' ti buch'u ta sa' spojelic ta stojole, xmuyubajic no'ox ta j'ech'el.

Isaías 42:8

Vu'un Diosun, jech ti jtalele. Mu xcac' que jti' ti ta xjel yajval ti buch'u ta xcac'be ti cutsilal jlequilale. Mu smeloluc ti nijil chimil yich'el ta muc' ti loc'obbailetic ti c'alal jtuc no'ox oy sc'oplal quich'el ta muq'ue.

Isaías 44:6

Ti Dios ti ja' Ajvalil jpojvanej yu'un ti Israele, ti ja' Dios ti scotol xu' yu'une, xi ta xale: “Vu'un oy ta jventa ti sliquebale, ti stsutsebale. Jtuc no'ox Diosun, mu'yuc yan.

Isaías 45:15

Manchuc mi jech un, Diosot ti mu xavinaj ta q'uelele, Dios jpojvanej yu'un ti Israele.

Isaías 45:21

C'opojanic un, vinajesic talel ca'itic, ti xi xajac'olanbe abaic ta jujun tal mi lec xava'iique: ¿Buch'u laj scaj'al talel ta vo'ne ti va'i s'elane? ¿Mi yu'un oy xa ono'ox buch'u laj yal ta vo'ne? ¿Mi mu ja'uc vu'un ti Diosune? Mu'yuc xa ta tael yan Dios. Ma' ti yu'un oy to yan Dios ta tsalvanej ta pojvanej jech c'u cha'al ti vu'une, mu'yuc xa.

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

San Mateo 10:37

“Buch'uuc no'ox ti mu tsotsuc jc'oplal ta xiya'ie, ti ja' tsots sc'oplal ta xa'i ti stote, ti sme'e, laj to c'op ti ja' cu'une. Ja' jech xtoc ti buch'u ja' tsots sc'oplal ta xa'i ti xnich'nabe, laj to c'op ti ja' cu'une.

San Mateo 11:27

“Ti jTote laj xa yac'bun ta coc ta jc'ob scotol ti c'usitic oye. J'ech'el mu'yuc buch'u xojtiquinic ti Nich'onile, ja' no'ox x'ojtiquine yu'un ti Totile. J'ech'el mu'yuc buch'u xojtiquin ti Totile, ja' no'ox x'ojtiquine yu'un ti Nich'onile. Ta xojtiquinic ti Jtote, ti buch'u ta jc'an ta xcac'be yojtiquine.

San Mateo 12:21

Ti muc'tiquil lume ta spat yo'ntonic ta stojol.”

San Mateo 15:8

‘Ti jteclum li'e, jun yutsil ti ye ta xich'icun ta muc' yilele. Ti yo'ntonique nom oy ta jtojol.

San Mateo 28:19

Batanic ta stojol scotol ti jnaclejetic ta banomil ti oyic ta jujun muc'tiquil lum ta sjoylej banomile. Ba pasic ta cajchanc'optac. Ac'beic yich' vo' ta sventa ti Dios Totile, ta jventa ti Nich'onilune, ta sventa ti Ch'ul Espiritue.

San Lucas 10:16

“Ti buch'utic ta xa'iic ti c'usi ta xavalique, ta xa'ibun ti jc'ope. Ti buch'utic mu xayaq'uic ta ventae, mu xiyaq'uic ta venta ec. Ti buch'utic mu xiyaq'uic ta ventae, ja' mu xaq'uic ta venta ti Buch'u laj stacun talele.”

San Juan 14:1

“Tsotsanic, mu xachibajic. Pato avo'ntonic ta stojol ti Diose, pato avo'ntonic ta jtojol ec.

San Juan 16:14

Yu'un ja' ta xac' ta ilel ti jlequil cutsile, yu'un ta xlic sbain ti c'usi c'otem ta jventae, ja' ta xac'boxuc ana'ic scotol.

San Juan 17:10

Scotol ti bu c'otem ta cu'untaque, ja' avu'un. Ti bu c'otem ta avu'une, ja' cu'un ec. Ta xvinaj ti xojobin no'ox ti jlequilal cutsilal ta stojolique.

Romanos 1:7

Jech o xal ta jts'ibaboxuc talel jvun ti li' nacaloxuc ta Romae, ti c'uxubinbiloxuc yu'un ti Diose, ti t'ujbiloxuc yo' xac'otic ta yu'untaque. Ich'beic slequilal yutsilal yo'nton ti Jtotic Diose xchi'uc ti Cajvaltic Jesucristoe, lamajemuc avo'ntonic.

Romanos 15:12

Xi laj sts'iba xtoc ti Isaíase: “Ta xvul ta loq'uel snitilul ti Isaie. Ta x'och ta Ajvalil yu'un ti jyanlumetique. Ta xlic spat yo'ntonic ta stojol.”

Romanos 6:22

Ti jech lacolic loq'uel ta mosovinel yu'un ti mulil avi tana le'e, la'ochic ta yajtunel ti Diose. Ti jech taje, xloc' venta, yu'un ta xavac' abaic ta tunel yu'un ti Diose. Ts'acal to un, ta xataic acuxlejalic sbatel osil.

Romanos 8:9

Mi melel nacal xa ta atojolic ti Ch'ul Espíritu yu'un ti Diose, ma'uc xa batem ta avo'ntonic ta sa'el ti c'usi ta sc'an ti abec'talic unbi, yu'un ja' xa ta xapasic ti c'u s'elan ta xac' ta na'el ti Ch'ul Espíritue. Yu'un ti buch'u mu'yuc yich'oj ti Ch'ul Espíritu yu'un ti Cristoe, mu'yuc uninbil yu'un ti Cristoe.

1 Corintios 1:3

Ac'o sva'an sba ta yac'beloxuc slequilal slamajemal ti Jtotic Diose xchi'uc ti Cajvaltic Jesucristoe.

1 Corintios 10:31

Mi ta xave'ic, mi ta xavuch'ic vo', c'usiuc no'ox ti yan ta xapasique, ja'uc pasic scotol sventa yich'el ta muc' ti Diose.

1 Corintios 16:22

Mi oy buch'u mu'yuc c'ux ta xa'i ti Cajvaltic Jesucristoe, ac'o batuc ta ch'ayel. La' no'ox xch'a, Cajval.

1 Corintios 6:19

¿Mi mu xana'ic ya'yel ti abec'talique ja' c'otem ta xch'ulna ti Ch'ul Espíritu ti laj yac'boxuc ti Diose? Jech ti Ch'ul Espíritue nacal ta atojolic, ma'uc avu'un aba atuquic.

2 Corintios 1:9

Laj ca'icutic ti co'ol xa j'elancutic jech c'u cha'al ti buch'u chapal xa sc'oplal ta xich' milele. Ti jech taje, ja' lischanubtasuncutic yo' jech ta xc'ot ta Jpojvanej cu'uncutic ti Dios ti Buch'u ta xcha'cuxes ti animaetique yo' mu teyuc no'ox oy ta co'ntoncutic ti jech ta jpoj jba jtuccutique.

2 Corintios 13:14

Ich'beic slequilal yutsilal ti Cajvaltic Jesucristoe, xchi'uc ti syail sc'uxul yo'nton ti Diose, xchi'uc ti sva'anojuc o sba ti Ch'ul Espíritu ta atojolique. Jechuc.

2 Corintios 5:14

Ja' sujbiluncutic yu'un syail xc'uxul yo'nton ti Cristo c'alal laj ca'ibecutic lec xchiquinal ti cham ta sventa jcotoltique, xchi'uc ti ja' ta sventa jcotoltic cham ti jpoco'-taleltique.

2 Corintios 5:19

Ti xcaltique, laj slajesbe sba yo'nton stuc ti Diose c'alal laj yac'be sbain jmultic ti Cristoe, yu'un mu'yuc laj yac' ta venta ti jmultique. Yu'un laj yac'bun cabtelcutic ta yalbel ya'iic ti jnaclejetic ta banomil ti ch'abal xa smulic x'ileic yu'un ti Diose.

Efesios 6:24

Ac'o ac'baticuc slequilal yutsilal Dios ti buch'utic staoj yav yo'ntonic c'ux ta xa'iic ti Cajvaltic Jesucristoe. Jechuc.

2 Timoteo 1:12

Ta sventa taj une, yacal ta xquich' jvocol yu'un, ti mu ja'uc ta xiq'uexav yu'une, yu'un jna' oy Buch'u jpatoj co'nton ta stojol. Jna' lec xtoc ti oy smuc'ul stsatsal ta xchabi yo' ta xc'ot ta tsutsel cu'un ti c'usi laj sc'ubanbune ja' to ta xlaj c'op mi sta ti smuc' ta c'ac'alile.

Hebreos 1:6

Ja'uc ti Diose ti c'alal laj stac talel ta sba banomil ti c'ajomal yo junomal ti Xnich'one, xi laj yalbe ti sc'oplale: “Scotol ti caj'ánjeltaque, ac'o yich'ic ta muc' ti Jnich'one.”

2 Pedro 1:1

Vu'un Simón Pedro, yajtunelun, yajcholc'opun ti Jesucristoe, ti tacbilun yu'une. Ta jts'ibaboxuc ti jvun li'e ta sventa ti vo'oxuc ti laj xa ataic ti jun yutsil c'otem ta avo'ntonic ta xch'unel ti Cajvaltic jech c'u cha'al ti vu'uncutique, yu'un ti Dios cu'untique, xchi'uc ti Jcoltavanej Cajvaltic Jesucristoe, oy slequil yutsil yo'ntonic.

2 Pedro 3:18

Ja'uc le'e, ojtiquinic lec c'u s'elan yutsilal ti Cajvaltic Jcoltavanej Jesucristo cu'untique yo' jech ta xach'iic batel ta sventa ti syail xc'uxul yo'ntone. Ich'biluc ta muc' ti Cajvaltic Jesucristo avi tana li'e, ti jechuc o sbatel osile. Jechuc.

1 Juan 2:23

Buch'uuc no'ox ti ta scontrain ti Nich'onile, mu'yuc oy ta stojolic ti Dios Totile. Ti buch'u ta xich' ta muc' ti Nich'onile, ta xich' ta muc' xtoc ti Dios Totile.

2 Juan 1:9

Buch'uuc no'ox ti ta syanijesbe smelol ti c'u s'elan chanubtasvan ti Cristoe, mu'yuc Dios ta stojol. Ja'uc ti buch'u mu syanijesbe smelol ti c'u s'elan chanubtasvan ti Cristoe, oy ta stojol ti Dios Totile, xchi'uc ti Nich'onile.